ਧਾਰੀਵਾਲ, 5 ਜੂਨ (ਸਵਰਨ ਸਿੰਘ)-ਨਗਰ ਕੌਂਸਲ ਧਾਰੀਵਾਲ ਦੇ 2 ਵਾਰ ਪ੍ਰਧਾਨ ਰਹੇ ਤੇ ਮੌਜ਼ੂਦਾ ਵਾਰਡ ਨੰਬਰ 8 ਤੋਂ ਆਮ ਆਦਮੀ ਪਾਰਟੀ ਜੇਤੂ ਉਮੀਦਵਾਰ ਅਸ਼ਵਨੀ ਦੁੱਗਲ ਨੇ ਸ਼ੁਕਰਾਨਾ ਸਮਾਗਮ ਕਰਵਾਇਆ, ਜਿਸ 'ਚ ਉਨ੍ਹਾਂ ਅੰਮਿ੍ਤਬਾਣੀ ਦਾ ਪਾਠ ਕਰਵਾਇਆ ਤੇ ਲੰਗਰ ਵੀ ਵਰਤਾਇਆ ਗਿਆ | ਇਸ ਮੌਕੇ ਸਾ. ਪ੍ਰਧਾਨ ਤੇ ਕੌਂਸਲਰ ਅਸ਼ਵਨੀ ਦੁੱਗਲ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਵਲੋਂ ਧਾਰੀਵਾਲ ਦੇ ਸਾਰੇ 'ਆਪ' ਨੇਤਾਵਾਂ ਦੀ ਡਿਊਟੀ ਕਾਦੀਆਂ ਨਗਰ ਕੌਂਸਲ ਚੋਣਾਂ ਲਈ ਲਗਾਈ ਗਈ ਹੈ ਤੇ ਧਾਰੀਵਾਲ ਸ਼ਹਿਰ ਵਾਂਗ ਹੀ ਕਾਦੀਆਂ ਨਗਰ ਕੌਂਸਲ ਦੀ 'ਆਪ' ਹੀ ਜਿੱਤੇਗੀ | ਇਸ ਮੌਕੇ ਸ਼ਿਵ ਸੈਨਾ ਬਾਲਾ ਸਾਹਿਬ ਠਾਕਰੇ ਯੂਥ ਵਿੰਗ ਪੰਜਾਬ ਇੰਚਾਰਜ ਹਨੀ ਮਹਾਜਨ, ਕੌਂਸਲਰ ਦੀਪਕ ਕੁਮਾਰ ਰਿੰਟੂ, ਬਲਕਾਰ ਸਿੰਘ, ਸੇਵਾਮੁਕਤ ਬੀ.ਡੀ.ਪੀ.ਓ. ਜਗੀਰ ਸਿੰਘ, ਰਾਕੇਸ਼ ਵਿਲਿਅਮ, ਟਰੱਸਟੀ ਪੀਟਰ ਮੱਟੂ, ਇੰਜ. ਮਨਮੋਹਨ ਸਿੰਘ ਗਿੱਲ, ਜਤਿਨ ਦੁੱਗਲ ਆਦਿ ਹਾਜ਼ਰ ਸਨ |
