ਫ਼ਾਜ਼ਿਲਕਾ, 30 ਅਪ੍ਰੈਲ (ਦਵਿੰਦਰ ਪਾਲ ਸਿੰਘ)-ਸਥਾਨਕ ਫ਼ਿਰੋਜ਼ਪੁਰ ਰੋਡ 'ਤੇ ਸਥਿਤ ਮਸ਼ਹੂਰ 'ਰੂਪ ਲਾਟਰੀ ਸਟਾਲ' ਨੇ ਇਕ ਵਾਰ ਫਿਰ ਕਿਸੇ ਦੀ ਕਿਸਮਤ ਬਦਲ ਦਿੱਤੀ ਹੈ | ਇਸ ਵਾਰ ਪਿੰਡ ਚੂਹੜੀ ਵਾਲਾ ਧੰਨਾ ਦੇ ਰਹਿਣ ਵਾਲੇ ਰੋਹਤਾਸ਼ ਨੇ ਪੰਜਾਬ ਸਟੇਟ ਲਾਟਰੀ ਵਿਚ 45 ਹਜ਼ਾਰ ਰੁਪਏ ਦਾ ਇਨਾਮ ਜਿੱਤਿਆ ਹੈ | ਪੇਸ਼ੇ ਤੋਂ ਨਾਈ ਦਾ ਕੰਮ ਕਰਨ ਵਾਲੇ ਰੋਹਤਾਸ਼ ਦੀ ਇਸ ਜਿੱਤ ਨਾਲ ਇਲਾਕੇ ਵਿਚ ਖ਼ੁਸ਼ੀ ਦਾ ਮਾਹੌਲ ਹੈ | ਰੂਪ ਲਾਟਰੀ ਸਟਾਲ ਦੇ ਸੰਚਾਲਕ ਬੌਬੀ ਬਵੇਜਾ ਨੇ ਦੱਸਿਆ ਕਿ ਰੋਹਤਾਸ਼ ਨੇ ਪਹਿਲੀ ਵਾਰ ਉਨ੍ਹਾਂ ਦੀ ਦੁਕਾਨ ਤੋਂ ਟਿਕਟ ਖ਼ਰੀਦੀ ਸੀ | ਰੋਹਤਾਸ਼ ਨੇ ਕੁੱਲ ਪੰਜ ਟਿਕਟਾਂ ਖ਼ਰੀਦੀਆਂ ਸਨ, ਜਿਨ੍ਹਾਂ ਵਿਚੋਂ ਪ੍ਰਤੀ ਟਿਕਟ 9 ਹਜ਼ਾਰ ਰੁਪਏ ਦੇ ਹਿਸਾਬ ਨਾਲ ਉਸ ਨੂੰ ਕੁੱਲ 45 ਹਜ਼ਾਰ ਰੁਪਏ ਦਾ ਇਨਾਮ ਨਿਕਲਿਆ ਹੈ | ਜੇਤੂ ਰੋਹਤਾਸ਼ ਨੇ ਦੱਸਿਆ ਕਿ ਉਸ ਨੇ ਫੇਸਬੁੱਕ 'ਤੇ ਰੂਪ ਲਾਟਰੀ ਸਟਾਲ ਦੀ ਵੀਡੀਓ ਦੇਖੀ ਸੀ, ਜਿਸ ਤੋਂ ਪ੍ਰਭਾਵਿਤ ਹੋ ਕੇ ਉਹ ਇੱਥੇ ਕਿਸਮਤ ਅਜ਼ਮਾਉਣ ਆਇਆ ਸੀ | ਇਸ ਖ਼ੁਸ਼ੀ ਦੇ ਮੌਕੇ 'ਤੇ ਬੌਬੀ ਬਵੇਜਾ ਨੇ ਜੇਤੂ ਰੋਹਤਾਸ਼ ਦਾ ਮੂੰਹ ਮਿੱਠਾ ਕਰਵਾਇਆ | ਬਵੇਜਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਦੁਕਾਨ ਤੋਂ ਪਹਿਲਾਂ ਵੀ ਕਈ ਵੱਡੇ ਇਨਾਮ ਨਿਕਲ ਚੁੱਕੇ ਹਨ, ਜਿਨ੍ਹਾਂ ਵਿਚ 11 ਲੱਖ ਅਤੇ ਕਰੋੜਾਂ ਰੁਪਏ ਦੇ ਜੇਤੂ ਸ਼ਾਮਲ ਹਨ | ਦੁਕਾਨ ਸੰਚਾਲਕ ਨੇ ਦੱਸਿਆ ਕਿ ਆਉਣ ਵਾਲੇ ਸ਼ਨੀਵਾਰ ਨੂੰ ਡੇਢ ਕਰੋੜ ਰੁਪਏ ਦਾ ਬੰਪਰ ਡਰਾਅ ਨਿਕਲਣ ਵਾਲਾ ਹੈ |
