ਫੋਕਲ ਪੁਆਇੰਟ ਦੇ ਫਾਇਰ ਸਟੇਸ਼ਨ ਦੀ ਹਾਲਤ ਨੂੰ ਲੈ ਕੇ ਕਾਂਗਰਸੀ ਆਗੂ ਬੱਸੀ ਨੇ ਸਰਕਾਰ ਨੂੰ ਘੇਰਿਆ <br/>
ਅਜੀਤ ਡੈਸਕ
02-03-2026
ਫਾਇਰ ਸਟੇਸ਼ਨ ਦੀ ਇਮਾਰਤ ਬਹੁਤ ਹੀ ਖਸਤਾਹਾਲ ਹੋ ਚੁੱਕੀ ਹੈ | ਛੱਤ ਤੋਂ ਕੰਕਰੀਟ ਝੜ ਰਿਹਾ ਹੈ ਅਤੇ ਦੀਵਾਰਾਂ ਵਿਚ ਡੂੰਘੀਆਂ ਦਰਾਰਾਂ ਪੈ ਚੁੱਕੀਆਂ ਹਨ | ਮੀਂਹ ਦੇ ਦੌਰਾਨ ਪਾਣੀ ਰਿਸ ਕੇ ਦਫ਼ਤਰ ਅੰਦਰ ਭਰ ਜਾਂਦਾ ਹੈ | ਜੋ ਫਾਇਰ ਫਾਈਟਰ ਹੋਰਨਾਂ ਦੀ ਜਾਨ ਬਚਾਉਂਦੇ ਹਨ, ਉਹ ਖੁਦ ਅਸੁਰੱਖਿਅਤ ਇਮਾਰਤ ਵਿਚ ਡਿਊਟੀ ਕਰਨ ਲਈ ਮਜਬੂਰ ਹਨ | ਇਸ ਛੱਤ ਤੋਂ ਟਪਕਦੇ ਪਾਣੀ ਕਾਰਨ ਬਿਜਲੀ ਦੇ ਤਾਰਾਂ ਅਤੇ ਸਵਿੱਚ ਬੋਰਡ ਵਿਚ ਕਰੰਟ ਆਉਣ ਦਾ ਖ਼ਤਰਾ ਬਣਿਆ ਰਹਿੰਦਾ ਹੈ | ਕਿਸੇ ਵੀ ਵੇਲੇ ਸ਼ਾਰਟ ਸਰਕਿਟ ਨਾਲ ਵੱਡਾ ਹਾਦਸਾ ਹੋ ਸਕਦਾ ਹੈ | ਅੰਤ ਵਿਚ ਉਨ੍ਹਾਂ ਕਿਹਾ ਕਿ ਸਰਕਾਰ ਹਰ ਮੋਰਚੇ 'ਤੇ ਨਾਕਾਮ ਸਾਬਤ ਹੋ ਰਹੀ ਹੈ |
