ਚੋਹਲਾ ਸਾਹਿਬ, 10 ਮਈ (ਬਲਵਿੰਦਰ ਸਿੰਘ)-ਇਨਸਾਨ ਦੀ ਜਿੰਦਗੀ ਵਿਚ ਮਾਂ ਉਹ ਰੌਸ਼ਨੀ ਹੁੰਦੀ ਹੈ, ਜੋ ਆਪਣੇ ਆਪ ਨੂੰ ਸਾੜ ਕੇ ਵੀ ਬੱਚਿਆਂ ਦੇ ਰਸਤੇ ਚਾਨਣ ਕਰਦੀ ਰਹਿੰਦੀ ਹੈ | ਮਾਂ ਦੀ ਮਮਤਾ ਕਿਸੇ ਦਰਿਆ ਵਾਂਗ ਹੁੰਦੀ ਹੈ, ਜੋ ਨਿਰੰਤਰ ਵਗਦੀ ਹੈ ਅਤੇ ਨਿਸ਼ਕਾਮ ਤੇ ਪਵਿੱਤਰ ਹੈ | ਇਸੇ ਅਮਰ ਮਮਤਾ ਨੂੰ ਨਮਨ ਕਰਨ ਲਈ ਸਕੂਲ ਵਿਖੇ ਮਾਂ ਦਿਵਸ ਬੜੀ ਸ਼ਰਧਾ, ਪਿਆਰ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ | ਸਮਾਗਮ ਦੌਰਾਨ ਵਿਦਿਆਰਥੀਆਂ ਵਲੋਂ ਮਾਂ ਦੀ ਮਹੱਤਤਾ ਨੂੰ ਸਮਰਪਿਤ ਗੀਤ, ਕਵਿਤਾਵਾਂ ਅਤੇ ਭਾਵਪੂਰਤ ਵਿਚਾਰ ਪੇਸ਼ ਕੀਤੇ ਗਏ | ਇਸ ਮੌਕੇ ਸਕੂਲ ਦੇ ਕਾਰਜਕਾਰੀ ਪ੍ਰਧਾਨ ਸ੍ਰੀਮਤੀ ਸ਼ੱਸ਼ੀ ਸ਼ਰਮਾ, ਐਜ਼ੂਕੇਸ਼ਨਲ ਡਾਇਰੈਕਟਰ ਮੈਡਮ ਨਵਦੀਪ ਕੌਰ ਸੰਧੂ, ਗੁਲਵਿੰਦਰ ਸਿੰਘ ਸੰਧੂ, ਮਦਨ ਪਠਾਣੀਆ, ਪਿ੍ੰਸੀਪਲ ਨਿਰਭੈ ਸਿੰਘ ਸੰਧੂ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਮਾਂ ਸਿਰਫ਼ ਇਕ ਰਿਸ਼ਤਾ ਨਹੀਂ, ਸਗੋਂ ਉਹ ਰੱਬੀ ਨੇਮਤ ਹੈ, ਜਿਸਦੀ ਗੋਦ ਵਿਚ ਮਨੁੱਖ ਸਭ ਤੋਂ ਪਹਿਲਾਂ ਪਿਆਰ, ਸਬਰ ਅਤੇ ਸੰਸਕਾਰਾਂ ਦਾ ਪਾਠ ਸਿੱਖਦਾ ਹੈ | ਸਮਾਗਮ ਦੇ ਅੰਤ ਵਿਚ ਸਭ ਨੇ ਮਾਂ ਦੀ ਸਿਹਤ, ਖੁਸ਼ਹਾਲੀ ਅਤੇ ਲੰਬੀ ਉਮਰ ਲਈ ਅਰਦਾਸ ਕੀਤੀ |
