ਪੱਟੀ, 27 ਜੁਲਾਈ (ਕੁਲਵਿੰਦਰਪਾਲ ਸਿੰਘ ਕਾਲੇਕੇ)–ਸ਼ਹੀਦ ਭਗਤ ਸਿੰਘ ਸੀਨੀਅਰ ਸੈਕੰਡਰੀ ਸਕੂਲ ਵਿਚ ਇਕ ਸ਼ਾਨਦਾਰ ਕੁਕਿੰਗ ਕੰਪੀਟੀਸ਼ਨ ਜਾਇਕਾ 2026 ਦਾ ਆਯੋਜਨ ਸਕੂਲ ਦੇ ਚੇਅਰਮੈਨ ਡਾ. ਰਾਜੇਸ਼ ਭਾਰਦਵਾਜ, ਐੱਮ. ਡੀ. ਡਾ. ਮਰਿਦੁਲਾ ਭਾਰਦਵਾਜ, ਡਾਇਰੈਕਟਰ ਸੱਤਿਅਮ ਭਾਰਦਵਾਜ ਤੇ ਸ਼ੁਭੀ ਭਾਰਦਵਾਜ ਦੀ ਯੋਗ ਅਗਵਾਈ ਦੇ ਹੇਠ ਕੀਤਾ ਗਿਆ । ਇਸ ਪ੍ਰਤੀਯੋਗਤਾ ਵਿਚ ਹਰ ਕਲਾਸ ਦੇ ਬੱਚਿਆਂ ਨੇ ਹਿੱਸਾ ਲਿਆ। ਕਾਰਜਕ੍ਰਮ ਦਾ ਮੁੱਖ ਉਦੇਸ਼ ਆਧੁਨਿਕ ਖਾਣ-ਪੀਣ ਦੇ ਵਿੱਚ ਸਾਡੇ ਰਵਾਇਤੀ ਅਤੇ ਸਿਹਤਮੰਦ ਖਾਣਿਆ ਨੂੰ ਪਹਿਲ ਦੇਣਾ ਸੀ । ਪ੍ਰਾਗਤੀ ਦਾ ਮੁੱਖ ਥੀਮ ਹੈਲਥੀ ਟਵਿਸਟ ਰੱਖਿਆ ਗਿਆ। ਸਾਰੇ ਪ੍ਰਤਿਯੋਗੀਆਂ ਨੂੰ 90 ਮਿੰਟ ਦਾ ਸਮਾਂ ਦਿੱਤਾ ਗਿਆ ਸੀ ਜਿਸ ਵਿਚ ਉਨ੍ਹਾਂ ਬਿਨਾਂ ਤੇਲ ਦਾ ਪ੍ਰਯੋਗ ਕੀਤੇ ਇਕ ਡਿਸ਼ ਤਿਆਰ ਕਰਨੀ ਸੀ । ਪ੍ਰਤੀਯੋਗਤਾ ਦੇ ਜੱਜ ਸਰਿਤਾ ਨਾਰਦ, ਨਵਦੀਪ ਕੌਰ ਸੀ। ਇਸ ਮੌਕੇ ਜੱਜਾਂ ਨੇ ਵਿਅੰਜਨਾਂ ਦੇ ਸਵਾਦ ਉਨ੍ਹਾਂ ਦੀ ਪੌਸ਼ਟਿਕਤਾ ਤੇ ਸਜਾਵਟ ਦੇ ਆਧਾਰ ਤੇ ਵਿਜੇਤਾਵਾਂ ਦੀ ਚੋਣ ਕੀਤੀ। ਪਹਿਲੀ ਤੋਂ ਪੰਜਵੀਂ ਤੱਕ ਦੇ ਬੱਚਿਆਂ ਵਿਚੋਂ ਕੋਲਡ ਕਾਫੀ ਪਹਿਲੇ ਸਥਾਨ ’ਤੇ ਰਹੀ, ਛੇਵੀਂ ਤੋਂ ਦਸਵੀਂ ਤੱਕ ਦੇ ਵਿੱਚੋਂ ਮੈਂਗੋ ਲੱਸੀ ਅਤੇ ਗਿਆਰਵੀਂ -ਬਾਰ੍ਹਵੀਂ ਕਲਾਸ ਦੇ ਵਿਦਿਆਰਥੀਆਂ ਦੇ ਸੁਸ਼ੀ ਰੋਲ ’ਤੇ ਬਰਾਉਨ ਬਰੈਡ ਸੈਂਡਵਿਚ ਚੁਣੇ ਗਏ। ਸਕੂਲ ਦੀ ਮੈਨੇਜਮੈਂਟ ਨੇ ਪ੍ਰਤੀਯੋਗੀਆਂ ਨੂੰ ਇਨਾਮ ਦੇ ਕੇ ਸਨਮਾਨਿਤ ਕੀਤਾ। ਉਹਨਾਂ ਨੇ ਸਾਰੇ ਪ੍ਰਤਿਯੋਗੀਆਂ ਦਾ ਧੰਨਵਾਦ ਕੀਤਾ ਤੇ ਕਿਹਾ ਕਿ ਭਵਿੱਖ ਵਿਚ ਵੀ ਇਹੋ ਜਿਹੇ ਆਯੋਜਨ ਹੁੰਦੇ ਰਹਿਣਗੇ ਤਾਂ ਕਿ ਸਾਡੀ ਆਉਣ ਵਾਲੀ ਪੀੜੀ ਸਾਡੇ ਰਿਵਾਇਤੀ ਖਾਣੀਆਂ ਦੇ ਨਾਲ ਜੁੜੀ ਰਹੇ ਅਤੇ ਫਾਸਟ ਫੂਡ ਤੋਂ ਦੂਰ ਰਹੇ । ਇਸ ਮੌਕੇ ਸਕੂਲ ਦੇ ਪ੍ਰਿੰਸੀਪਲ ਸੋਨੀਆਾ ਸ਼ਰਮਾ, ਨਰਿੰਦਰ ਕੌਰ, ਸਮਤਾ ਜੈਨ, ਸਵਿਤਾ ਸ਼ਰਮਾ, ਕਿਰਨਦੀਪ ਕੌਰ, ਮਨਦੀਪ ਕੌਰ, ਸਮੂਹ ਸਟਾਫ਼ ਤੇ ਵਿਦਿਆਰਥੀ ਹਾਜ਼ਰ ਸਨ।
