ਚੰਡੀਗੜ੍ਹ, 14 ਫ਼ਰਵਰੀ (ਅਜਾਇਬ ਸਿੰਘ ਔਜਲਾ)-'ਇਹ ਸਿਰਫ਼ ਇਕ ਪ੍ਰਦਰਸ਼ਨੀ ਨਹੀਂ ਹੈ, ਇਹ ਮਾਣ, ਸਵੈ-ਨਿਰਭਰਤਾ ਅਤੇ ਸਸਕਤੀਕਰਨ ਦਾ ਜਸ਼ਨ ਹੈ |' ਇਨ੍ਹਾਂ ਸ਼ਕਤੀਸ਼ਾਲੀ ਸ਼ਬਦਾਂ ਨਾਲ, ਡਾ. ਵੀਰੇਂਦਰ ਕੁਮਾਰ, ਕੇਂਦਰੀ ਸਮਾਜਿਕ ਨਿਆਂ ਅਤੇ ਸਸਕਤੀਕਰਨ ਮੰਤਰੀ, ਨੇ ਅੱਜ ਚੰਡੀਗੜ੍ਹ ਦੇ ਪ੍ਰਦਰਸ਼ਨੀ ਮੈਦਾਨ ਵਿਚ ਦਿਵਿਆਂਗ ਕਲਾ ਮੇਲੇ ਦੇ 29ਵੇਂ ਐਡੀਸ਼ਨ ਦਾ ਉਦਘਾਟਨ ਕੀਤਾ | ਉਨ੍ਹਾਂ ਨੇ ਮੇਲੇ ਨੂੰ ਇਕ ਪਰਿਵਰਤਨਸ਼ੀਲ ਲਹਿਰ ਵਜੋਂ ਦਰਸਾਇਆ ਜੋ ਦੇਸ ਭਰ ਦੇ ਦਿਵਿਆਂਗਜਨਾਂ ਦੇ ਜੀਵਨ ਵਿਚ ਉਮੀਦ ਦੀ ਇਕ ਨਵੀਂ ਕਿਰਨ ਵਜੋਂ ਉੱਭਰੀ ਹੈ, ਜੋ ਕਿ ਸਮਾਵੇਸੀ ਵਿਕਾਸ ਅਤੇ ਬਰਾਬਰ ਮੌਕੇ ਪ੍ਰਤੀ ਸਰਕਾਰ ਦੀ ਅਟੁੱਟ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ | 2014 ਤੋਂ ਸਸਕਤੀਕਰਨ ਦੀ ਯਾਤਰਾ ਨੂੰ ਉਜਾਗਰ ਕਰਦੇ ਹੋਏ, ਮੰਤਰੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਦੀ ਅਗਵਾਈ ਵਿਚ ਅਸੰਵੇਦਨਸੀਲ ਸ਼ਬਦਾਵਲੀ ਤੋਂ ਸਤਿਕਾਰਯੋਗ ਸ਼ਬਦ 'ਦਿਵਿਆਂਗ' ਵੱਲ ਤਬਦੀਲੀ ਸਿਰਫ਼ ਸ਼ਬਦਾਵਲੀ ਵਿਚ ਤਬਦੀਲੀ ਹੀ ਨਹੀਂ, ਸਗੋਂ ਦਿ੍ਸ਼ਟੀਕੋਣ ਵਿਚ ਤਬਦੀਲੀ ਹੈ | ਅਪਾਹਜ ਵਿਅਕਤੀਆਂ ਦੇ ਅਧਿਕਾਰ ਕਾਨੂੰਨ, 2016 ਦੇ ਲਾਗੂ ਹੋਣ, ਅਪਾਹਜਤਾ ਸ਼ੇ੍ਰਣੀਆਂ ਦਾ ਵਿਸਥਾਰ, ਅਤੇ ਭਾਰਤ ਅਭਿਆਨ ਦੇ ਲਾਗੂਕਰਨ ਨੇ ਮਿਲ ਕੇ ਪਹੁੰਚਯੋਗਤਾ, ਮਾਣ ਅਤੇ ਭਾਗੀਦਾਰੀ ਦੀ ਨੀਂਹ ਰੱਖੀ ਹੈ | ਉਨ੍ਹਾਂ ਕਿਹਾ ਕਿ ਸੱਚਾ ਸਤਿਕਾਰ ਸ਼ਬਦਾਂ ਤੋਂ ਪਰੇ ਹੈ-ਇਸਦਾ ਅਰਥ ਆਰਥਿਕ ਤਾਕਤ, ਸਮਾਜਿਕ ਸ਼ਮੂਲੀਅਤ ਅਤੇ ਸਵੈ-ਨਿਰਭਰਤਾ ਹੋਣਾ ਚਾਹੀਦਾ ਹੈ | ਸਤਨਾਮ ਸਿੰਘ ਸੰਧੂ ਸੰਸਦ ਮੈਂਬਰ (ਰਾਜ ਸਭਾ) ਨੇ ਆਪਣੇ ਸੰਬੋਧਨ ਵਿਚ ਟਿੱਪਣੀ ਕੀਤੀ ਕਿ ਭਾਰਤ ਦੇ ਸੱਭਿਆਚਾਰਕ ਮੁੱਲਾਂ ਦੇ ਅਨੁਸਾਰ ਦਿਵਯਾਂਗਜਨਾਂ ਦਾ ਸਤਿਕਾਰ ਇਕ ਇਤਿਹਾਸਕ ਕਦਮ ਹੈ | ਹਾਲਾਂਕਿ, ਉਨ੍ਹਾਂ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਸਸਕਤੀਕਰਨ ਸਤਿਕਾਰ ਦੇ ਨਾਲ ਹੋਣਾ ਚਾਹੀਦਾ ਹੈ | ਚੰਡੀਗੜ੍ਹ ਦੇ ਮੇਅਰ ਸੌਰਭ ਜੋਸ਼ੀ ਨੇ ਇਸ ਮੌਕੇ ਨੂੰ ਪ੍ਰਤਿਭਾ, ਵਿਸ਼ਵਾਸ ਅਤੇ ਮਨੁੱਖੀ ਸੰਭਾਵਨਾ ਦੇ ਜਸ਼ਨ ਵਜੋਂ ਦੱਸਿਆ | ਉਨ੍ਹਾਂ ਕਿਹਾ ਕਿ ਚੰਡੀਗੜ੍ਹ ਵਿਚ ਦਿਵਿਆ ਕਲਾ ਮੇਲਾ, ਦਿਵਿਆ ਕਲਾ ਸ਼ਕਤੀ ਅਤੇ ਰੋਜ਼ਗਾਰ ਮੇਲੇ ਦੀ ਮੇਜ਼ਬਾਨੀ ਸ਼ਹਿਰ ਦੀ ਸ਼ਮੂਲੀਅਤ ਪ੍ਰਤੀ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ, ਇਸ ਵਿਸ਼ਵਾਸ ਨੂੰ ਮਜ਼ਬੂਤ ਕਰਦੀ ਹੈ ਕਿ ਅਪੰਗਤਾ ਕੋਈ ਸੀਮਾ ਨਹੀਂ ਹੈ ਸਗੋਂ ਇੱਕ ਵੱਖਰੀ ਯੋਗਤਾ ਹੈ ਜੋ ਸਮਾਜ ਨੂੰ ਅਮੀਰ ਬਣਾਉਂਦੀ ਹੈ | ਆਪਣੇ ਸਵਾਗਤੀ ਭਾਸਣ ਵਿਚ ਰਾਜੀਵ ਸ਼ਰਮਾ, ਸੰਯੁਕਤ ਸਕੱਤਰ, ਅਪੰਗ ਵਿਅਕਤੀਆਂ ਦੇ ਸਸਕਤੀਕਰਨ ਵਿਭਾਗ ਨੇ ਇਸ ਪਹਿਲਕਦਮੀ ਦੇ ਠੋਸ ਆਰਥਿਕ ਪ੍ਰਭਾਵ ਨੂੰ ਉਜਾਗਰ ਕੀਤਾ | ਪਿਛਲੇ ਤਿੰਨ ਸਾਲਾਂ ਵਿਚ, ਵੱਖ-ਵੱਖ ਸ਼ਹਿਰਾਂ ਵਿਚ ਆਯੋਜਿਤ ਦਿਵਿਆ ਕਲਾ ਮੇਲਿਆਂ ਨੇ 2366.43 ਲੱਖ ਦੇ ਵਪਾਰਕ ਲੈਣ-ਦੇਣ ਦਰਜ ਕੀਤੇ ਹਨ | 29ਵਾਂ ਦਿਵਿਆ ਕਲਾ ਮੇਲਾ ਚੰਡੀਗੜ੍ਹ ਦੇ ਪ੍ਰਦਰਸ਼ਨੀ ਮੈਦਾਨ ਵਿਚ, ਸਮਾਜ ਭਲਾਈ ਅਤੇ ਮਹਿਲਾ ਅਤੇ ਬਾਲ ਭਲਾਈ ਵਿਭਾਗ, ਚੰਡੀਗੜ੍ਹ ਦੇ ਸਕੱਤਰ, ਅਨੁਰਾਧਾ ਐਸ. ਚਗਤੀ ਵਿਨੀਤ ਰਾਣਾ, ਮੁੱਖ ਜਨਰਲ ਮੈਨੇਜਰ, ਐਮ. ਕੇ. ਸਾਹੂ, ਸਹਾਇਕ ਜਨਰਲ ਮੈਨੇਜਰ ਅਤੇ ਹੋਰ ਸੀਨੀਅਰ ਅਧਿਕਾਰੀਆਂ ਸਮੇਤ ਪ੍ਰਸਿੱਧ ਪਤਵੰਤਿਆਂ ਦੀ ਸੁਚੱਜੀ ਮੌਜੂਦਗੀ ਵਿਚ ਕੀਤਾ ਜਾ ਰਿਹਾ ਹੈ | ਹੁਣ ਤੱਕ, ਦੇਸ ਭਰ ਵਿਚ 28 ਥਾਵਾਂ 'ਤੇ ਦਿਵਿਆਂਗ ਕਲਾ ਮੇਲੇ ਕੀਤੇ ਗਏ ਹਨ | ਚੰਡੀਗੜ੍ਹ ਮੇਲੇ ਵਿਚ ਲਗਭਗ 75 ਸਟਾਲ ਹਨ, ਜਿਨ੍ਹਾਂ ਵਿਚ ਦਿਵਿਆਂਗ ਉੱਦਮੀਆਂ, ਭਾਰਤ ਸਰਕਾਰ ਦੀਆਂ ਸੰਸਥਾਵਾਂ ਅਤੇ ਗੈਰ-ਸਰਕਾਰੀ ਸੰਗਠਨਾਂ ਦੁਆਰਾ ਸਥਾਪਿਤ ਹਨ | ਦਿਵਿਆਂਗਜਨਾਂ ਲਈ ਇੱਕ