ਚੰਡੀਗੜ੍ਹ, 29 ਅਪ੍ਰੈਲ (ਅ.ਬ.)- ਭਾਰਤੀ ਸਮਾਰਟਫੋਨ ਬਾਜ਼ਾਰ ਵਿੱਚ ਆਪਣੀ ਸਥਿਤੀ ਨੂੰ ਮਜ਼ਬੂਤ ਕਰਦੇ ਹੋਏ ਓਪੋ ਇੰਡੀਆ ਨੇ ਅੱਜ ਚੰਡੀਗੜ੍ਹ੍ਹ 'ਚ ਨਵੀਂ ਐਫ33 ਸੀਰੀਜ਼ ਲਾਂਚ ਕੀਤੀ | ਇਸ ਸੀਰੀਜ਼ 'ਚ ਓਪੋ ਐਫ33 ਪ੍ਰੋ 5ਜੀ ਅਤੇ ਓਪੋ ਐਫ33 5ਜੀ ਸਮਾਰਟਫੋਨ ਸ਼ਾਮਿਲ ਹਨ | ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਹੁਣ ਤੱਕ ਦਾ ਸਭ ਤੋਂ ਨਵਾਂ ਅਤੇ ਸਭ ਤੋਂ ਵਧੀਆ ਐਫ-ਸੀਰੀਜ਼ ਹੈ | ਇਸ ਵਿੱਚ 50-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਸੈਲਫੀ ਕੈਮਰਾ, ਇੱਕ ਵੱਡੀ 7,000 ਐਮ. ਏ ਐਚ ਬੈਟਰੀ, ਆਈ ਪੀ 69 ਤੇ ਸੁਰਖਿਆ, ਕਲਰਓਐਸ 16, ਅਤੇ 5 ਜੀ++ ਕਨੈਕਟੀਵਿਟੀ ਹੈ | ਓਪੋ ਐਫ33 ਪ੍ਰੋ 5ਜੀ 'ਚ 50-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਫਰੰਟ ਕੈਮਰਾ ਹੈ, ਜੋ ਇੱਕੋ ਸਮੇਂ ਇੱਕ ਫੋਟੋ ਵਿੱਚ ਵਧੇਰੇ ਲੋਕਾਂ ਨੂੰ ਸ਼ਾਮਿਲ ਕਰ ਸਕਦਾ ਹੈ | ਲਾਂਚ 'ਤੇ ਬੋਲਦੇ ਹੋਏ, ਓਪੋ ਇੰਡੀਆ ਦੇ ਸੰਚਾਰ ਮੁਖੀ ਗੋਲਡੀ ਪਟਨਾਇਕ ਨੇ ਕਿਹਾ ਕਿ ਐਫ33 ਸੀਰੀਜ਼ ਭਾਰਤ ਦੀ ਸਭ ਤੋਂ ਮਜ਼ਬੂਤ ਸੀਰੀਜ਼ ਰਹੀ ਹੈ | ਐਫ33 ਸੀਰੀਜ਼ ਵਿੱਚ, ਅਸੀਂ 100-ਡਿਗਰੀ ਵਿਊ ਅਤੇ ਕਈ 19 ਵਿਸ਼ੇਸ਼ਤਾਵਾਂ ਦੇ ਨਾਲ 50-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਸੈਲਫੀ ਕੈਮਰਾ ਪ੍ਰਦਾਨ ਕੀਤਾ ਹੈ, ਤਾਂ ਜੋ ਉਪਭੋਗਤਾਵਾਂ ਨੂੰ ਇੱਕੋ ਸਮੇਂ ਚੰਗੀਆਂ ਫੋਟੋਆਂ ਅਤੇ ਇੱਕ ਮਜ਼ਬੂਤ ਫੋਨ ਮਿਲ ਸਕੇ |
