ਚੰਡੀਗੜ, 3 ਜੂਨ (ਅਜਾਇਬ ਸਿੰਘ ਔਜਲਾ) - ਪੰਜਾਬ ਆਰਟਸ ਕੌਂਸਲ ਵਲੋਂ 'ਸੁਖ਼ਨ ਲਾਈਵ' ਨਾਮੀ ਇਕ ਵਿਸ਼ੇਸ਼ ਪੰਜਾਬੀ ਸਾਹਿਤਕ ਅਤੇ ਸੰਗੀਤਮਈ ਸ਼ਾਮ 5 ਜੂਨ ਨੂੰ ਪੰਜਾਬ ਕਲਾ ਭਵਨ ਸੈਕਟਰ 16 ਚੰਡੀਗੜ ਵਿਚ ਕਰਵਾਈ ਜਾ ਰਹੀ ਹੈ | ਇਹ ਗੱਲ ਅੱਜ ਇੱਥੇ ਪੱਤਰਕਾਰ ਸੰਮੇਲਨ ਦੌਰਾਨ ਸਵਰਨਜੀਤ ਸਵੀ, ਚੇਅਰਮੈਨ ਪੰਜਾਬ ਆਰਟਸ ਕੌਂਸਲ ਚੰਡੀਗੜ ਵਲੋਂ ਸਾਂਝੀ ਕੀਤੀ ਗਈ | ਉਨਾਂ ਕਿਹਾ ਕਿ ਸੁਖ਼ਨ ਲਾਈਵ ਦੀ ਪੇਸ਼ਕਾਰੀ ਰੂਹਾਨੀ ਕਲਾਤਮਕ ਮਾਹੌਲ ਸਿਰਜੇ ਗਈ | ਪੰਜਾਬ ਕਲਾ ਪ੍ਰੀਸ਼ਦ ਵਲੋਂ ਇਸ ਮੌਕੇ ਸੁਖ਼ਨ ਲਾਈਵ ਪੇਸ਼ਕਾਰੀ ਦਾ ਪੋਸਟਰ ਵੀ ਜਾਰੀ ਕੀਤਾ ਗਿਆ | ਇਸ ਮੌਕੇ ਸਵਰਨਜੀਤ ਸਵੀ ਦੇ ਨਾਲ ਪ੍ਰਸਿੱਧ ਗਾਇਕ ਸੁਨੀਲ ਡੋਗਰਾ, ਪੰਜਾਬ ਆਰਟ ਕੌਂਸਲਰ ਦੇ ਉਪ-ਚੇਅਰਮੈਨ ਡਾ. ਯੋਗਰਾਜ, ਭੁਪਿੰਦਰ ਸਿੰਘ ਮਲਿਕ, ਵਰਿੰਦਰ ਮਾਝੀ ਤੇ ਮਲਕੀਤ ਸੈਣੀ ਨੇ ਵੀ ਸ਼ਿਰਕਤ ਕੀਤੀ | ਸਵਰਨਜੀਤ ਸਵੀ ਨੇ ਦੱਸਿਆ ਕਿ ਇਸ ਪ੍ਰੋਗਰਾਮ ਵਿਚ ਗਾਇਕ ਸੁਨੀਲ ਡੋਗਰਾ ਦੇ ਨਾਲ-ਨਾਲ ਸ਼ੰਮੀ ਜਲੰਧਰੀ ਤੇ ਜਸਵੰਤ ਵਾਗਲਾ ਵਲੋਂ ਆਪਣੀ ਸੰਗੀਤਮਈ ਨੂੰ ਲੈ ਕੇ ਸਰੋਤਿਆਂ ਦੇ ਸਨਮੁੱਖ ਹੋਣਗੇ | ਇਸ ਮੌਕੇ ਵਿਸ਼ੇਸ਼ ਮਹਿਮਾਨ ਵਜੋਂ ਪ੍ਰਸਿੱਧ ਨਾਟਕਕਾਰ ਤੇ ਨਿਰਦੇਸ਼ਕ ਪਾਲੀ ਭੁਪਿੰਦਰ ਸਿੰਘ ਵੀ ਸ਼ਮੂਲੀਅਤ ਕਰਨਗੇ | ਉਨਾਂ ਕਿਹਾ ਕਿ ਸੁਖ਼ਨ ਲਾਈਵ ਪੰਜਾਬੀ ਕਵਿਤਾ, ਸੰਗੀਤ ਅਤੇ ਸਭਿਆਚਾਰ ਦਾ ਇਕ ਸੁੰਦਰ ਜਸ਼ਨ ਹੈ, ਜੋ ਸਾਹਿਤ ਅਤੇ ਲਾਈਵ ਪ੍ਰਸਤੁਤੀ ਹੋਵੇਗੀ |
