ਨੰਗਲ, 28 ਫਰਵਰੀ (ਪ੍ਰੀਤਮ ਸਿੰਘ ਬਰਾਰੀ)-ਵਾਤਾਵਰਣ ਅਤੇ ਪੰਛੀ ਪ੍ਰੇਮੀ ਪ੍ਰਭਾਤ ਭੱਟੀ ਨੇ ਆਪਣੇ 60ਵੇਂ ਜਨਮਦਿਨ ਨੂੰ ਸਮਰਪਿਤ ਇੱਕ ਸਫ਼ਾਈ ਮੁਹਿੰਮ ਦਾ ਆਯੋਜਨ ਕਰਕੇ ਸਤਲੁਜ ਵੈੱਟਲੈਂਡ ਦੇ ਕੰਢਿਆਂ ਦੀ ਸਫ਼ਾਈ ਕਰਕੇ ਆਪਣਾ 60ਵਾਂ ਜਨਮਦਿਨ ਮਨਾਇਆ | ਇਸ ਮੌਕੇ ਤੇ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਪ੍ਰਭਾਤ ਭੱਟੀ ਨੇ ਕਿਹਾ ਕਿ ਇਹ ਸਾਡੇ ਲਈ ਬਹੁਤ ਹੀ ਮਾਣ ਵਾਲੀ ਗੱਲ ਹੈ ਕਿ ਨੰਗਲ ਨੂੰ ਅੰਤਰਰਾਸ਼ਟਰੀ ਵੈਟਲੈਂਡ ਦਾ ਅਹੁਦਾ ਮਿਲਿਆ ਹੋਇਆ ਹੈ ਅਤੇ ਇੱਥੇ ਹਰ ਸਾਲ ਹਜ਼ਾਰਾਂ ਪਰਵਾਸੀ ਪੰਛੀ ਆ ਕੇ ਪ੍ਰਵਾਸ ਕਰਦੇ ਹਨ | ਇੱਥੇ ਹੀ ਬਸ ਨਹੀਂ ਨੰਗਲ ਨੂੰ ਵੇਖਣ ਦੇ ਲਈ ਹਰ ਸਾਲ ਹਜ਼ਾਰਾਂ ਸੈਲਾਨੀ ਵੀ ਆਉਂਦੇ ਹਨ, ਪਰ ਜਦੋਂ ਉਹ ਵੈਟਲੈਂਡ ਤੇ ਪਹੁੰਚਦੇ ਹਨ ਤਾਂ ਇਹ ਗੰਦਗੀ ਦੇਖ ਕੇ ਉਹਨਾਂ ਦਾ ਵੀ ਮਨ ਉਦਾਸ ਹੁੰਦਾ ਹੈ | ਉਹਨਾਂ ਨੇ ਕਿਹਾ ਕਿ ਸਾਡਾ ਨੈਤਿਕ ਫਰਜ਼ ਹੈ ਕੀ ਅਸੀਂ ਵੈਟਲੈਂਡ ਏਰੀਏ ਨੂੰ ਸਾਫ ਸੁਥਰਾ ਰੱਖੀਏ | ਇਸ ਮੌਕੇ ਕੌਂਸਲਰ ਦੀਪਕ ਨੰਦਾ, ਡਾ. ਜੀ.ਐਸ. ਚੱਠਾ, ਡਾ. ਸਤਵੀਰ ਸਿੰਘ, ਵਿਨੋਦ ਬਾਲੀ, ਦਵਿੰਦਰ ਸ਼ਰਮਾ, ਸੁਰਜੀਤ ਸਿੰਘ, ਸੀਨੀਅਰ ਸਿਟੀਜ਼ਨ ਵੈੱਲਫੇਅਰ ਸੋਸਾਇਟੀ ਦੇ ਪ੍ਰਧਾਨ ਡੀ.ਆਰ. ਧਾਮੀ, ਬਲਰਾਮ ਸਿੰਘ, ਬਹੁਲ ਨੰਦਾ, ਰਾਹੁਲ ਨੰਦਾ, ਉਦੈ ਕੁਮਾਰ, ਦੇਸ਼ਰਾਜ, ਆਦਿ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸਨ |
