ਰੂਪਨਗਰ

ਸ੍ਰੀ ਬ੍ਰਹਮ ਸਰੂਪ ਧਾਮ ਵਿਖੇ ਤਿੰਨ ਰੋਜ਼ਾ ਸੰਤ ਸਮਾਗਮ ਸ਼ਰਧਾਪੂਰਵਕ ਸ਼ੁਰੂ ਵਿਸ਼ਾਲ ਖ਼ੂਨਦਾਨ ਤੇ ਮੈਗਾ ਮੈਡੀਕਲ ਕੈਂਪ ਅੱਜ <br/>

ਬ੍ਰਹਮ ਸਰੂਪ ਧਾਮ ਵਿਖੇ ਮਹੰਤ ਦਯਾ ਸਾਗਰ ਪਹਿਲੇ ਦਿਨ ਅਖੰਡ ਪਾਠ ਦਾ ਪ੍ਰਕਾਸ਼ ਕਰਦੇ ਹੋਏ, ਉਨ੍ਹਾਂ ਨਾਲ ਵੇਦਾਂਤ ਅਚਾਰੀਆ ਸਵਾਮੀ ਚੇਤਨਾ ਨੰਦ ਭੂਰੀਵਾਲੇ, ਨਾਲ ਸੰਤ ਮਹਾਂਪੁਰਸ਼ ਅਤੇ ਹਾਜ਼ਰ ਸੰਗਤਾਂ ਤੇ ਰਾਜਨੀਤਿਕ ਆਗੂ | ਤਸਵੀਰਾਂ: ਵਿੰਦਰਪਾਲ ਝਾਂਡੀਆਂ | <br/> 30-04-2026

ਨੂਰਪੁਰ ਬੇਦੀ, 29 ਅਪ੍ਰੈਲ (ਵਿੰਦਰਪਾਲ ਝਾਂਡੀਆਂ)-ਸ੍ਰੀ ਸਤਿਗੁਰੂ ਬ੍ਰਹਮ ਸਾਗਰ ਭੂਰੀਵਾਲੇ ਗੁਰਗੱਦੀ ਪ੍ਰਪੰਰਾ (ਗਰੀਬਦਾਸੀਯ ਸੰਪਰਦਾਇ) ਦੇ ਤੀਜੇ ਗੱਦੀਨਸ਼ੀਨ ਸ੍ਰੀ ਸਤਿਗੁਰੂ ਬ੍ਰਹਮਲੀਨ ਬ੍ਰਹਮਾਨੰਦ ਗਊਆਂ ਵਾਲਿਆਂ (ਭੂਰੀਵਾਲਿਆਂ) ਦੇ 24ਵੇ ਨਿਰਵਾਣ ਦਿਵਸ ਨੂੰ ਸਮਰਪਿਤ ਤਿੰਨ ਰੋਜ਼ਾ ਸੰਤ ਸਮਾਗਮ ਬ੍ਰਹਮ ਸਰੂਪ ਧਾਮ ਪੋਜੇਵਾਲ ਵਿਖੇ ਮੌਜੂਦਾ ਗੱਦੀਨਸ਼ੀਨ ਸ੍ਰੀ ਸਤਿਗੁਰੂ ਵੇਦਾਂਤ ਅਚਾਰੀਆ ਸਵਾਮੀ ਚੇਤਨਾ ਨੰਦ ਭੂਰੀਵਾਲਿਆਂ ਦੀ ਸਰਪ੍ਰਸਤੀ ਹੇਠ ਸ਼ੁਰੂ ਹੋਇਆ | ਪਹਿਲੇ ਦਿਨ ਜਗਤਗੁਰੂ ਬਾਬਾ ਅਚਾਰੀਆ ਗਰੀਬ ਦਾਸ ਦੀ ਰਚਿਤ ਅੰਮਿ੍ਤਮਈ ਬਾਣੀ ਦੇ ਅਖੰਡ ਪਾਠ ਦਾ ਪ੍ਰਕਾਸ਼ ਸ੍ਰੀ ਮਹੰਤ ਦਿਯਾ ਸਾਗਰ ਪੀਠਾਦੀਸ਼ਵਰ ਸਰਵਉਚ ਪੀਠ ਛੁਡਾਣੀ ਧਾਮ ਵਾਲਿਆ ਨੇ ਕੀਤਾ | ਅਖੰਡ ਪਾਠ ਸਾਹਿਬ ਦਾ ਪ੍ਰਕਾਸ਼ ਕਰਨ ਤੋਂ ਪਹਿਲਾਂ ਸਤਿਸੰਗ ਉਪਦੇਸ਼ ਕਰਦਿਆਂ ਮਹੰਤ ਦਯਾ ਸਾਗਰ ਨੇ ਕਿਹਾ ਕਿ ਬ੍ਰਹਮਲੀਨ ਸਵਾਮੀ ਬ੍ਰਹਮਾ ਨੰਦ ਗਊਆਂ ਵਾਲੇ ਦਿਵਯ ਮਹਾਂਪੁਰਸ਼ ਸਨ, ਜਿਨ੍ਹਾਂ ਦੀ ਉਪਮਾਂ ਦੇ ਲਈ ਸ਼ਬਦ ਵੀ ਘੱਟ ਪੈ ਜਾਂਦੇ ਹਨ, ਗਊਆਂ ਵਾਲਿਆਂ ਦੇ ਦੁਆਰਾ ਗਊਆਂ ਦੀ ਰੱਖਿਆ ਸੇਵਾ ਅਤੇ ਉਹਨਾਂ ਦੀ ਸੇਵਾ ਹੋਰਨਾਂ ਨੂੰ ਪ੍ਰੇਰਿਤ ਕਰਨ ਦੇ ਨਾਲ ਨਾਲ ਜਨਹਿੱਤ ਦੇ ਵਿਸ਼ਾਲ ਕਾਰਜ ਜੋ ਦੱਸੇ ਨਹੀਂ ਜਾ ਸਕਦੇ ਹਨ, ਪਰ ਪ੍ਰਤੱਖ ਰੂਪ ਵਿਚ ਸਕੂਲਾਂ,ਕਾਲਜਾਂ,ਸਿਹਤ ਸੁਵਿਧਾਵਾਂ ਤੇ ਗਊਸ਼ਾਲਾਂ ,ਧਾਰਮਿਕ ਅਸਥਾਨਾਂ ਸਮਾਜ ਸੇਵੀ ਅਤਿ ਕਾਰਜ ਦੇਖੇ ਜਾ ਸਕਦੇ ਹਨ | ਉਨਾਂ ਨੇ ਕਿਹਾ ਗਊਆਂ ਵਾਲਿਆਂ ਨੇ ਆਪਣੀ ਗੁਰਗੱਦੀ ਪ੍ਰਪੰਰਾ ਦੇ ਉੱਤੇ ਸਤਿਗੁਰੂ ਵੇਦਾਂਤ ਅਚਾਰੀਆ ਸਵਾਮੀ ਚੇਤਨਾਂ ਨੰਦ ਮਹਾਰਾਜ ਭੂਰੀਵਾਲਿਆਂ ਨੂੰ ਸ਼ਸ਼ੋਭਿਤ ਕਰਕੇ ਜਨ ਕਲਿਆਣ ਲਈ ਮਹਾਨ ਮਹਾਂਪੁਰਸ਼ ਦਿੱਤੇ ਹਨ, ਜਿਨ੍ਹਾਂ ਦੁਆਰਾ ਨਾਮ ਬਾਣੀ ਸਿਮਰਨ ਦੇ ਨਾਲ ਨਾਲ ਵਿਸ਼ਾਲ ਜਨ ਕਲਿਆਣ ਤੇ ਸਿਹਤ ਸਿੱਖਿਆ ਸਮਾਜਿਕ ਤਰੱਕੀ ਪ੍ਰਕਿਤੀ ਦੀ ਸੇਵਾ ਲਈ ਕੀਤੇ ਜਾ ਰਹੇ ਹਨ | ਮਹੰਤ ਦਿਯਾ ਸਾਗਰ ਨੇ ਵੇਦਾਂਤ ਅਚਾਰੀਆ ਲਈ ਸਭ ਸ਼ੁੱਭ ਇੱਛਾਵਾਂ ਦਿੱਤੀਆਂ ਤੇ ਅਚਾਰੀਆ ਜੀ ਵਲੋਂ ਦਿਨ ਰਾਤ ਧਾਰਮਿਕ ਸਮਾਜਿਕ ਕਲਿਆਣ ਕਾਰਜਾਂ ਲਈ ਕੀਤੀ ਜਾਂਦੀ ਮਿਹਨਤ ਦੀ ਜਿੰਨੀ ਵੀ ਉਪਮਾਂ ਕਰੀਏ ਥੋੜ੍ਹੀ ਹੈ | ਇਸ ਮੌਕੇ ਵੇਦਾਂਤ ਅਚਾਰੀਆ ਸਵਾਮੀ ਚੇਤਨਾਂ ਨੰਦ ਮਹਾਰਾਜ ਭੂਰੀਵਾਲਿਆ ਵਿਸ਼ੇਸ ਤੌਰ ਸੰਗਤਾਂ ਨੂੰ ਦਰਸ਼ਨ ਦੇਣ ਲਈ ਪਹੁੰਚੇ ਸ੍ਰੀ ਮਹੰਤ ਦਿਯਾ ਸਾਗਰ ਸਰਬ-ਉੱਚ ਪੀਠ ਛੂਡਾਣੀ ਧਾਮ ਵਾਲੇ, ਉਹਨਾਂ ਦੀ ਧਰਮਪਤਨੀ ਪੂਜਨੀਯ ਮਾਤਾ ਵੰਦਨਾ ਦਾ ਸਤਿਕਾਰ ਕੀਤਾ | ਸਮਾਗਮ ਵਿਚ ਸੰਤ ਮਹਾਪੁਰਸ਼, ਜਿਨ੍ਹਾਂ ਵਿਚ ਸਵਾਮੀ ਹਰਬੰਸ ਲਾਲ ਬ੍ਰਹਮਚਾਰੀ ਡੇਹਲੋਂ ਵਾਲੇ, ਡਾ ਤਿ੍ਪੁਰਾਰੀ ਦਾਸ ਸ਼ਾਸਤਰੀ ਸਵਾਮੀ ਨਿਤਿੱਆ ਨੰਦ ਇਲਾਬਾਦ, ਸਵਾਮੀ ਦਰਵੇਸ਼ਾਂ ਨੰਦ, ਸਵਾਮੀ ਗੁਰਸ਼ਰਨਾਂ ਨੰਦ, ਸਵਾਮੀ ਸੱਚਨਾ ਨੰਨ, ਸਵਾਮੀ ਸੋਹੰਸ ਪ੍ਰਕਾਸ਼, ਸਵਾਮੀ ਰਮਨਾ ਨੰਦ, ਸਵਾਮੀ ਸਤਦੇਵ ਬ੍ਰਹਮਚਾਰੀ ਮਹਾਪੁਰਸ਼ਾਂ ਤੋਂ ਇਲਾਵਾ ਹਲਕਾ ਵਿਧਾਇਕਾ ਸ਼ੰਤੋਸ ਕਟਾਰੀਆ, ਅਸ਼ੋਕ ਕਟਾਰੀਆ, ਤੀਰਥ ਰਾਮ ਭੂੰਬਲਾ, ਬਾਬੂ ਕੁੰਦਨ ਲਾਲ ਆਜ਼ਮਪੁਰ, ਸਾਬਕਾ ਚੈਅਰਮੈਨ ਹਰਬੰਸ ਲਾਲ , ਸ੍ਰੀ ਰਾਮ ਭਵਾਨੀਪੁਰ, ਦੋਲਤ ਰਾਮ, ਥਾਣਾ ਮੁੱਖੀ ਮੈਡਮ ਰਾਜਪਲਵਿੰਦਰ ਕੌਰ, ਸੰਦੀਪ ਭਾਟੀਆ, ਸੰਦੀਪ ਚੌਧਰੀ ਹਨੀ ਟੋਸਾਂ, ਚੈਅਰਮੈਨ ਐਮ .ਆਰ. ਗਰੁੱਪ ਬਾਬੂ ਰਾਮਜੀਦਾਸ ਮੰਗੂਪੁਰ, ਅਸ਼ੋਕ ਕੁਮਾਰ ਨਾਨੋਵਾਲ, ਧਰਮਪਾਲ , ਬਾਬੂ ਗੁਰਨਾਮ ਦਾਸ ਆਦਿ ਸਮੂਹ ਸੰਗਤਾਂ ਮੌਕੇ 'ਤੇ ਹਾਜ਼ਰ ਸਨ | ਇੱਥੇ ਦੱਸਦੀਏ ਕਿ ਸਤਿਗੁਰੂ ਗਊਆਂ ਵਾਲਿਆਂ ਦੇ ਨਿਰਵਾਣ ਦਿਵਸ ਦੇ ਦੂਸਰੇ ਦਿਨ ਅੱਜ ਖ਼ੂਨਦਾਨ ਤੇ ਮੈਗਾ ਮੈਡੀਕਲ ਕੈਂਪ ਵੀ ਲਗਾਇਆ ਜਾਵੇਗਾ |

ਪਿਛਲੀ ਖ਼ਬਰ ਗੁਰਦੁਆਰਾ ਬਿਬਾਨਗੜ੍ਹ ਸਾਹਿਬ ਅਗਲੀ ਖ਼ਬਰ ਸੇਵਾ ਮੁਕਤੀ 'ਤੇ ਵਿਸ਼ੇਸ਼-ਥਾਣੇਦਾਰ ਹਰਜੀਤ ਸਿੰਘ ਮੂਸਾਪੁਰ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਸ੍ਰੀ ਬ੍ਰਹਮ ਸਰੂਪ ਧਾਮ ਵਿਖੇ ਤਿੰਨ ਰੋਜ਼ਾ ਸੰਤ ਸਮਾਗਮ ਸ਼ਰਧਾਪੂਰਵਕ ਸ਼ੁਰੂ ਵਿਸ਼ਾਲ ਖ਼ੂਨਦਾਨ ਤੇ ਮੈਗਾ ਮੈਡੀਕਲ ਕੈਂਪ ਅੱਜ <br/>

Subscribers Only Story

ਸੰਬੰਧਿਤ ਖ਼ਬਰਾਂ