ਰੂਪਨਗਰ, 4 ਜੂਨ (ਯਸ਼ਵੰਤ ਬੱਸੀ)- ਵਿਸ਼ਵ ਸਾਈਕਲ ਦਿਵਸ ਦੇ ਇਸ ਸਾਲ ਦੇ ਥੀਮ 'ਸਾਈਕਲਿੰਗ ਹਰੇ ਭਰੇ ਭਵਿੱਖ ਲਈ' ਤਹਿਤ ਸ਼ਿਵਾਲਿਕ ਟ੍ਰੈਕਰਜ਼ ਰੂਪਨਗਰ ਵਲੋਂ 10 ਕਿੱਲੋਮੀਟਰ ਲੰਬੀ ਸਾਈਕਲ ਰਾਈਡ ਕੀਤੀ ਗਈ | ਸਦਾਬਰਤ ਨੇਚਰ ਟ੍ਰੇਲ ਤੋਂ ਸ਼ੁਰੂ ਹੋ ਕੇ ਇਹ ਸਾਈਕਲ ਰਾਈਡ ਕਟਲੀ, ਆਲਮਪੁਰ ਤੋਂ ਹੁੰਦੀ ਹੋਈ ਲੋਧੀਮਾਜਰਾ ਪਿੰਡ ਦੇ ਤਿ੍ਵੇਣੀ ਸਥਾਨ 'ਤੇ ਪੁੱਜੀ, ਜਿੱਥੇ ਸੰਸਥਾ ਦੇ ਮੈਂਬਰਾਂ ਨੇ ਰਿਫਰੈਸ਼ਮੈਂਟ ਲੈਣ ਤੋਂ ਬਾਅਦ ਵਾਪਸੀ ਕਰਦਿਆਂ ਇਸ ਰਾਈਡ ਨੂੰ ਨਵੇਂ ਬਣੇ ਜੁੜਵਾ ਪੁਲ ਲਾਗੇ ਸਮਾਪਤ ਕੀਤਾ | ਇਸ ਮੌਕੇ ਪਿ੍ੰ. ਅਵਤਾਰ ਸਿੰਘ, ਪਿ੍ੰ. ਕੁਲਵਿੰਦਰ ਸਿੰਘ, ਪਿ੍ੰ. ਜਗਜੀਤ ਸਿੰਘ, ਐਡਵੋਕੇਟ ਅਮਰੀਕ ਸਿੰਘ ਕਟਿਆਲ, ਨੈਸ਼ਨਲ ਐਵਾਰਡੀ ਚਰਨਜੀਤ ਸਿੰਘ ਚੰਨੀ, ਸਟੇਟ ਐਵਾਰਡੀ ਗੁਰਬਚਨ ਸਿੰਘ ਸੋਢੀ, ਡਾ. ਇੰਦਰਜੀਤ ਸਿੰਘ, ਅਨਿਲ ਬੈਂਸ, ਗੁਰਪ੍ਰੀਤ ਸਿੰਘ ਲੌਂਗੀਆ, ਅਮਰਜੀਤ ਸਿੰਘ ਪੰਜੋਲੀ, ਦਲਜੀਤ ਸਿੰਘ ਅਤੇ ਪਰਮਿੰਦਰ ਸਿੰਘ ਆਦਿ ਸਾਈਕਲ ਸਵਾਰ ਹਾਜ਼ਰ ਸਨ |
