ਪਟਿਆਲਾ, 21 ਫਰਵਰੀ (ਅ.ਸ. ਆਹਲੂਵਾਲੀਆ)-ਮਰਹੂਮ ਜਗਦਗੁਰੂ ਪੰਚਾਨੰਦ ਗਿਰੀ ਮਹਾਰਾਜ ਦਾ ਸਮਾਧੀ ਦਿਵਸ ਉਨ੍ਹਾਂ ਦੇ ਚੇਲਿਆਂ ਵਲੋਂ ਉਨ੍ਹਾਂ ਦੀ ਸਮਾਧੀ ਵਾਲੀ ਥਾਂ 'ਤੇ ਮਨਾਇਆ ਗਿਆ | ਇਸ ਮੌਕੇ ਹਿੰਦੂ ਸੁਰੱਖਿਆ ਸਮਿਤੀ ਦੇ ਮੁਖੀ ਰਾਜੇਸ਼ ਕੇਹਰ ਨੇ ਦੱਸਿਆ ਕਿ 21 ਫਰਵਰੀ 2023 ਨੂੰ ਜਗਦਗੁਰੂ ਨੇ ਸਮਾਧੀ ਪ੍ਰਾਪਤ ਕੀਤੀ ਸੀ | ਇਸ ਜਸ਼ਨ ਦੇ ਹਿੱਸੇ ਵਜੋਂ, ਉਨ੍ਹਾਂ ਦੇ ਚੇਲਿਆਂ ਨੇ ਉਨ੍ਹਾਂ ਦੀ ਸਮਾਧੀ ਸਥਾਨ 'ਤੇ ਰਾਮਾਇਣ ਦਾ ਪਾਠ, ਹਵਨ ਯੱਗ, ਪੂਜਾ ਅਤੇ ਭੰਡਾਰਾ ਕੀਤਾ | ਇਸ ਮੌਕੇ ਹਿੰਦੂ ਸੁਰੱਖਿਆ ਸਮਿਤੀ ਦੇ ਅਹੁਦੇਦਾਰ ਰਾਜੇਸ਼ ਕੇਹਰ, ਸੰਕਰਾ ਨੰਦ ਗਿਰੀ, ਰਾਜੇਸ਼ ਕੌਸ਼ਿਕ, ਰੁਦਰ ਨਾਥ ਭੈਰਵ, ਸਰੋਜ ਨੰਦ ਗਿਰੀ, ਜਸਦੇਵ ਸਿੰਘ, ਸੁਖਨਾਥ, ਰਾਜੇਸ਼ ਸ਼ਰਮਾ, ਕੇਸਵ ਨੰਦ ਗਿਰੀ, ਅਨੂਪ ਸ਼ਾਸਤਰੀ, ਮੈਦਾਨ ਗਿਰੀ ਸਮੇਤ ਦਰਜਨਾਂ ਮੈਂਬਰਾਂ ਅਤੇ ਸੰਤਾਂ ਨੇ ਗੁਰੂ ਦਾ ਆਸ਼ੀਰਵਾਦ ਲਿਆ |
