ਪਟਿਆਲਾ

ਐਕਸਾਇਜ਼ ਵਿਭਾਗ ਦੀ ਟੀਮ ਨੇ ਢਾਬਿਆਂ ਦੀ ਕੀਤੀ ਜਾਂਚ, ਗੈਰ ਕਾਨੂੰਨੀ ਧੰਦੇ ਤੋਂ ਵਰਜਿਆ

ਅ

ਅਜੀਤ ਡੈਸਕ 02-08-2026

ਬਨੂੜ, 1 ਅਗਸਤ (ਭੁਪਿੰਦਰ ਸਿੰਘ)-ਐਕਸਾਇਜ਼ ਵਿਭਾਗ ਦੀ ਟੀਮ ਨੇ ਬਨੂੜ ਨੇੜੇ ਮੁੱਖ ਮਾਰਗਾਂ ’ਤੇ ਸਥਿਤ ਢਾਬਿਆਂ ਦੀ ਜਾਂਚ ਕੀਤੀ ਅਤੇ ਆਪਣੇ ਧੰਦੇ ਨੂੰ ਪ੍ਰਫੁੱਲਤ ਕਰਨ ਲਈ ਵਿਭਾਗੀ ਪ੍ਰਵਾਨਗੀਆਂ ਲੈਣ ਲਈ ਜਾਗਰੂਕ ਕੀਤਾ। ਐਕਸਾਇਜ਼ ਵਿਭਾਗ ਦੇ ਈ. ਟੀ. ਓ. ਦੀਵਾਨ ਚੰਦ ਸ਼ਰਮਾਂ ਦੀ ਅਗਵਾਈ ਹੇਠ ਇੰਸਪੈਕਟਰ ਅਸ਼ੋਕ ਕੁਮਾਰ ਤੇ ਇੰਸਪੈਕਟਰ ਮਨਪ੍ਰੀਤ ਸਿੰਘ ਦੀ ਟੀਮ ਨੇ ਢਾਬਿਆਂ ਤੇ ਹੁੰਦੇ ਗੈਰ ਕਾਨੂੰਨੀ ਧੰਦੇ ਨੂੰ ਰੋਕਣ ਲਈ ਅੱਜ ਬਨੂੜ ਤੋਂ ਲਾਡਰਾਂ ਰੋਡ, ਬਨੂੜ ਤੋਂ ਤੇਪਲਾ ਰੋਡ ਤੇ ਰਾਜਪੁਰਾ ਰੋਡ ’ਤੇ ਸਥਿਤ ਢਾਬਿਆਂ ’ਤੇ ਛਾਪੇਮਾਰੀ ਕੀਤੀ ਅਤੇ ਉਥੇ ਪਏ ਸੱਕੀ ਵਸਤਾਂ ਦੀ ਜਾਂਚ ਕੀਤੀ। ਉਨ੍ਹਾਂ ਕਿਹਾ ਉਥੇ ਖੜ੍ਹੇ ਕੈਮੀਕਲ ਨਾਲ ਲੋਡ ਟੈਂਕਰਾਂ ’ਤੇ ਲੱਗੀ ਸੀਲ, ਲੀਕਜ਼ ਤੇ ਕੈਮੀਕਲ ਨਾਲ ਹੋਈ ਛੇੜ ਛਾੜ ਦੀ ਜਾਂਚ ਕੀਤੀ। ਉਨ੍ਹਾਂ ਢਾਬੇ ਮਾਲਕਾਂ ਨੂੰ ਸ਼ਰਾਬ ਪਿਲਾਉਣ ਲਈ ਲਾਇਸੰਸ ਲੈਣ ਤੇ ਕਿਸੇ ਤਰ੍ਹਾਂ ਦਾ ਗੈਰ ਕਾਨੂੰਨੀ ਧੰਦਾ ਕਰਨ ਤੋਂ ਜਾਗਰੂਕ ਕੀਤਾ। ਉਨ੍ਹਾਂ ਨਾਲ ਸੁਰੱਖਿਆ ਮੁਲਾਜ਼ਮ ਵੀ ਹਾਜਰ ਸਨ। ਬਨੂੜ ਤੇਪਲਾ ਰੋਡ ’ਤੇ ਸਥਿਤ ਜੰਨਤ ਵੈਸ਼ਨੂ ਢਾਬੇ ਦੀ ਜਾਂਚ ਕਰਨ ਉਪਰੰਤ ਦੀਵਾਨ ਚੰਦ ਸ਼ਰਮਾਂ ਨੇ ਦੱਸਿਆ ਕਿ ਇਹ ਉਨ੍ਹਾਂ ਦੀ ਰੂਟੀਨ ਚੈਕਿੰਗ ਹੈ ਤੇ ਕਿਸੇ ਤਰ੍ਹਾਂ ਦੇ ਕੈਮੀਕਲ ਦੀ ਦੂਰ ਵਰਤੋਂ ਰੋਕਣ ਲਈ ਕੀਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਗੈਰ ਕਾਨੂੰਨੀ ਧੰਦਾ ਕਰਨ ਵਾਲਿਆਂ ਨੂੰ ਖੁਦ ਰੋਕਣ ਜਾਂ ਵਿਭਾਗ ਨੂੰ ਸੂਚਿਤ ਕਰਨ ਲਈ ਵੀ ਪ੍ਰੇਰਿਆ ਗਿਆ ਹੈ ਅਤੇ ਵਿਭਾਗ ਦੇ ਨੰਬਰ ਵੀ ਜਾਰੀ ਕੀਤੇ ਗਏ ਹਨ। ਪੁੱਛਣ ਤੇ ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਢਾਬੇ ਤੋਂ ਕੋਈ ਗੈਰ ਕਾਨੂੰਨੀ ਸਮਾਨ ਨਹੀ ਮਿਲਿਆ।

ਪਿਛਲੀ ਖ਼ਬਰ ਪੈਸੇ ਦੁੱਗਣੇ ਕਰਨ ਦਾ ਲਾਲਚ ਦੇ ਕੇ 70 ਲੱਖ ਦੀ ਠੱਗੀ-ਅੱਠ ਨਾਮਜ਼ਦ ਅਗਲੀ ਖ਼ਬਰ ਚੰਡੀਗੜ੍ਹ ਪੁਲਿਸ ਵਲੋਂ ਸਾਬਕਾ ਮੰਤਰੀ ਸਵ. ਅਜੈਬ ਸਿੰਘ ਮੁਖਮੇਲਪੁਰ ਖ਼ਿਲਾਫ਼ ਫ਼ੌਜਦਾਰੀ ਕੇਸ ਦਰਜ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਐਕਸਾਇਜ਼ ਵਿਭਾਗ ਦੀ ਟੀਮ ਨੇ ਢਾਬਿਆਂ ਦੀ ਕੀਤੀ ਜਾਂਚ, ਗੈਰ ਕਾਨੂੰਨੀ ਧੰਦੇ ਤੋਂ ਵਰਜਿਆ

Subscribers Only Story

ਸੰਬੰਧਿਤ ਖ਼ਬਰਾਂ