ਫ਼ਰੀਦਕੋਟ, 15 ਫ਼ਰਵਰੀ (ਜਸਵੰਤ ਸਿੰਘ ਪੁਰਬਾ)-ਬੀਤੇ ਦਿਨੀਂ ਜ਼ਿਲ੍ਹੇ ਦੇ ਪਿੰਡ ਪਿੰਡ ਬੁਰਜ ਮਸਤਾ ਵਿਖੇ ਇਕ ਹਿੰਦੂ ਪਰਿਵਾਰ ਦੇ ਰਾਜ ਕੁਮਾਰ ਦੇ ਘਰ ਰਸੋਈ ਸਿਲੰਡਰ ਫ਼ਟਣ ਕਾਰਨ ਘਰ ਦੇ ਹੋਏ ਨੁਕਸਾਨ 'ਤੇ ਮੈਂਬਰ ਪਾਰਲੀਮੈਂਟ ਸਰਬਜੀਤ ਸਿੰਘ ਖਾਲਸਾ ਵਲੋਂ ਆਪਣੇ ਅਖਤਿਆਰੀ ਫ਼ੰਡ ਵਿਚੋਂ 20 ਹਜ਼ਾਰ ਰੁਪਏ ਦੀ ਮਾਲੀ ਮਦਦ ਕੀਤੀ ਗਈ ਹੈ | ਇਹ ਜਾਣਕਾਰੀ ਦਿੰਦਿਆਂ ਐਮ.ਪੀ. ਖਾਲਸਾ ਦੇ ਪੀ.ਏ ਭਾਈ ਦਲੇਰ ਸਿੰਘ ਡੋਡ ਜ਼ਿਲ੍ਹਾ ਪ੍ਰਧਾਨ ਨੇ ਦੱ ਸਿਆ ਕਿ ਉਨ੍ਹਾਂ ਦੀ ਟੀਮ ਹਰਦੀਪ ਸਿੰਘ ਘੁਗਿਆਣਾ, ਸੁੱਖ ਰੋਮਾਣਾ ਮਚਾਕੀ, ਜੱਸੀ ਸਿੱਧੂ ਫ਼ਰੀਦਕੋਟ ਨੇ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟ ਕਰਦਿਆਂ 20 ਹਜ਼ਾਰ ਰੁਪਏ ਰਾਸ਼ੀ ਸੌਂਪੀ | ਭਾਈ ਦਲੇਰ ਸਿੰਘ ਡੋਡ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਇਸ ਪਰਿਵਾਰ ਦੀ ਵੱਧ ਤੋਂ ਵੱਧ ਆਰਥਿਕ ਮਦਦ ਕੀਤੀ ਜਾਵੇ ਤਾਂ ਕਿ ਇਹ ਗਰੀਬ ਪਰਿਵਾਰ ਦੁਬਾਰਾ ਆਪਣੇ ਪੈਰਾਂ ਸਿਰ ਖੜ੍ਹਾ ਹੋ ਸਕੇ |