ਬਰਗਾੜੀ, 11 ਮਈ (ਸੁਖਰਾਜ ਸਿੰਘ ਗੋਂਦਾਰਾ)-ਦਸ਼ਮੇਸ਼ ਆਦਰਸ਼ ਸੀਨੀਅਰ ਸੈਕੰਡਰੀ ਸਕੂਲ ਬਰਗਾੜੀ ਵਿਖੇ ਕੌਮਾਂਤਰੀ ਮਾਂ ਦਿਵਸ ਮਨਾਇਆ ਗਿਆ | ਇਸ ਮੌਕੇ ਬੱਚੇ ਦੇ ਜੀਵਨ 'ਚ ਮਾਂ ਦੀ ਮਹੱਤਤਾ ਸਬੰਧੀ ਚਿੱਤਰਕਲਾ, ਭਾਸ਼ਨ, ਲੇਖ, ਕਵਿਤਾ ਅਤੇ ਵਾਰਤਕ ਲਿਖਣ ਮੁਕਾਬਲੇ ਕਰਵਾਏ ਗਏ | ਇਨ੍ਹਾਂ ਮੁਕਾਬਲਿਆਂ 'ਚ ਵਿਦਿਆਰਥੀਆਂ ਨੇ ਬੜੇ ਉਤਸ਼ਾਹ ਨਾਲ ਭਾਗ ਲਿਆ ਅਤੇ ਮਾਂ ਦੇ ਸਤਿਕਾਰ ਸਬੰਧੀ ਜੋ ਕੁਝ ਚਿੱਤਰਾਂ 'ਚ ਦਰਸਾਇਆ, ਭਾਸ਼ਨ, ਲੇਖ, ਕਵਿਤਾ ਅਤੇ ਵਾਰਤਕ ਜੋ ਕੁਝ ਬੋਲਿਆ ਤੇ ਲਿਖਿਆ ਉਹ ਸਭ ਬਹੁਤ ਹੀ ਕਾਬਲੇ ਤਾਰੀਫ ਸੀ | ਪਿ੍ੰਸੀਪਲ ਪ੍ਰਤੀਬਾਲਾ ਸ਼ਰਮਾ ਨੇ ਦੱਸਿਆ ਕਿ ਸਾਡੇ ਗੁਰੂਆਂ ਪੀਰਾਂ, ਵਿਦਵਾਨਾਂ ਤੇ ਕਵੀਆਂ ਨੇ ਔਰਤ ਦੇ ਸਤਿਕਾਰ ਲਈ ਬਹੁਤ ਉੱਚ ਵਿਚਾਰ ਪੇਸ਼ ਕੀਤੇ ਹਨ | ਇਸ ਮੌਕੇ ਪੂਜਾ ਸ਼ਰਮਾ, ਜਗਮੀਤ ਕੌਰ, ਗੁਰਮੀਤ ਕੌਰ, ਪ੍ਰੇਮਪ੍ਰੀਤ ਕੌਰ, ਵੀਰਪਾਲ ਕੌਰ, ਰਮਨਦੀਪ ਕੌਰ, ਗੁਰਮੀਤ ਕੌਰ, ਅਮਨਦੀਪ ਕੌਰ, ਕੁਲਵੰਤ ਕੌਰ, ਪ੍ਰਦੀਪ ਕੌਰ, ਹਰਜੀਤ ਕੌਰ, ਪ੍ਰਦੀਪ ਕੌਰ ਆਦਿ ਹਾਜ਼ਰ ਸਨ |
