ਤੇਜ਼ ਹਨੇਰੀ ਮਗਰੋਂ ਆਈ ਬਾਰਿਸ਼ ਨਾਲ ਲੋਕਾਂ ਨੂੰ ਮਿਲੀ ਗਰਮੀ ਤੋਂ ਰਾਹਤ <br/>

ਸ੍ਰੀ ਮੁਕਤਸਰ ਸਾਹਿਬ, 4 ਜੂਨ (ਰਣਜੀਤ ਸਿੰਘ ਢਿੱਲੋਂ)-ਸ਼ਾਮ ਮੌਕੇ ਅਚਾਨਕ ਤੇਜ਼ ਹਨੇਰੀ ਚੱਲੀ, ਜਿਸ ਮਗਰੋਂ ਬਿਜਲੀ ਸਪਲਾਈ ਠੱਪ ਹੋ ਗਈ | ਤੇਜ਼ ਹਨੇਰੀ ਨੇ ਇਕਦਮ ਜਨਜੀਵਨ ਪ੍ਰਭਾਵਿਤ ਕੀਤਾ | ਇਸ ਮਗਰੋਂ ਬਾਰਿਸ਼ ਸ਼ੁਰੂ ਹੋ ਗਈ | ਪਹਿਲਾਂ ਅਸਮਾਨ ਵਿਚ ਹਨੇਰੀ ਕਾਰਨ ਹਰ ਪਾਸੇ ਧੂੜ ਮਿੱਟੀ ਫ਼ੈਲ ਗਈ | ਬਾਅਦ ਵਿਚ ਬਾਰਿਸ਼ ਨਾਲ ਅਸਮਾਨ ਸਾਫ਼ ਹੋਇਆ | ਅਸਮਾਨ ਵਿਚ ਕਾਲੇ ਬੱਦਲਾਂ ਦੇ ਨਾਲ-ਨਾਲ ਹੀ ਇਕ ਪਾਸੇ ਅਚਾਨਕ ਸੂਰਜ ਦੀ ਚਮਕਾਈ ਅਤੇ ਧੁੱਪ ਵਿਚ ਕਿਣ-ਮਿਣ ਹੁੰਦੀ ਰਹੀ | ਹਨੇਰੀ ਅਤੇ ਹਲਕੀ ਬਾਰਿਸ਼ ਮਗਰੋਂ ਲੋਕਾਂ ਨੇ ਗਰਮੀ ਤੋਂ ਰਾਹਤ ਮਹਿਸੂਸ ਕੀਤੀ |