ਸੰਤ ਬਾਬਾ ਹਜ਼ਾਰਾ ਸਿੰਘ ਹਾਕੀ ਅਕੈਡਮੀ ਨਿੱਕੇ ਘੁੰਮਣ ਵਿਖੇ ਟ੍ਰਾਇਲ 6 ਅਪ੍ਰੈਲ ਨੂੰ

ਬਟਾਲਾ, 29 ਮਾਰਚ (ਸਤਿੰਦਰ ਸਿੰਘ)-ਸੰਤ ਬਾਬਾ ਹਜ਼ਾਰਾ ਸਿੰਘ ਹਾਕੀ ਅਕੈਡਮੀ ਨਿੱਕੇ ਘੁੰਮਣ (ਗੁਰਦਾਸਪੁਰ) ਵਿਖੇ ਹਾਕੀ ਦੇ ਟ੍ਰਾਇਲ ਮਿਤੀ 6 ਅਪ੍ਰੈਲ ਨੂੰ ਕਰਵਾਏ ਜਾ ਰਹੇ ਹਨ | ਇਸ ਸਬੰਧੀ ਅਕੈਡਮੀ ਦੇ ਮੁੱਖ ਪ੍ਰਬੰਧਕ ਬਾਬਾ ਅਮਰੀਕ ਸਿੰਘ ਨੇ ਦੱਸਿਆ ਕਿ ਇਹ ਟ੍ਰਾਇਲ ਅੰਡਰ-14 ਅਤੇ ਅੰਡਰ-16 ਖਿਡਾਰੀਆਂ (ਜਨਮ 2011, 2012, 2013, 2014 ਤੇ 2015) ਦੇ ਸਵੇਰੇ 9 ਵਜੇ ਹੋਣਗੇ | ਉਨ੍ਹਾਂ ਕਿਹਾ ਕਿ ਬੱਚੇ ਆਪਣਾ ਆਧਾਰ ਕਾਰਡ, ਜਨਮ ਸਰਟੀਫਿਕੇਟ ਫੋਟੋ ਕਾਪੀ ਅਤੇ ਪਾਸਪੋਰਟ ਸਾਈਜ਼ ਫੋਟੋ ਲੈ ਕੇ ਆਉਣ |