ਪਾਕਿਸਤਾਨ ਦੇ ਦੋ ਹਿੰਦੂ ਨੌਜਵਾਨ ਬਣੇ ਸੀ.ਐੱਸ.ਐੱਸ.

ਖੇਮ ਚੰਦ ਜੰਡੋਰਾ ਅਤੇ ਜੀਵਨ ਰੇਬਰੀ
ਅੰਮ੍ਰਿਤਸਰ, 3 ਮਈ (ਸੁਰਿੰਦਰ ਕੋਛੜ)-ਪਾਕਿਸਤਾਨ ਦੇ ਹਿੰਦੂ ਭਾਈਚਾਰੇ ਦੇ ਜੀਵਨ ਰੇਬਰੀ ਤੇ ਖੇਮ ਚੰਦ ਜੰਡੋਰਾ ਪਾਕਿ ਦੀ ਸੰਘੀ ਸਿਵਲ ਸੇਵਾ 'ਚ ਸਫਲਤਾਪੂਰਵਕ ਸ਼ਾਮਿਲ ਹੋ ਗਏ ਹਨ। ਦੋਵਾਂ ਨੇ ਚੰਗੇ ਦਰਜੇ 'ਚ ਸੀ. ਐੱਸ. ਐੱਸ. ਕਲੀਅਰ ਕੀਤਾ ਹੈ। ਸੈਂਟਰਲ ਸੁਪੀਰੀਅਰ ਸਰਵਿਸਿਜ਼ (ਸੀ. ਐੱਸ. ਐੱਸ.) ਪਾਕਿਸਤਾਨ ਦੀ ਸਿਵਲ ਸੇਵਾ ਅਥਾਰਿਟੀ ਹੈ, ਜੋ ਪਾਕਿਸਤਾਨੀ ਸੰਘੀ ਸਰਕਾਰ ਦੇ ਅਧਿਕਾਰ ਖੇਤਰ ਅਧੀਨ ਹੈ। ਲਾਹੌਰ ਤੋਂ ਇਸ ਬਾਰੇ 'ਚ 'ਅਜੀਤ' ਨਾਲ ਜਾਣਕਾਰੀ ਸਾਂਝੀ ਕਰਦਿਆਂ ਲਹਿੰਦੇ ਪੰਜਾਬ ਦੇ ਪਹਿਲੇ ਸਿੱਖ ਸਰਕਾਰੀ ਪ੍ਰੋਫੈਸਰ ਡਾ: ਕਲਿਆਣ ਸਿੰਘ ਕਲਿਆਣ ਨੇ ਦੱਸਿਆ ਕਿ ਸੀਮਤ ਸਰੋਤਾਂ ਵਾਲੇ ਪਿਛੋਕੜ ਤੋਂ ਆਉਣ ਦੇ ਬਾਵਜੂਦ ਜੀਵਨ ਰੇਬਰੀ ਅਤੇ ਖੇਮ ਚੰਦ ਜੰਡੋਰਾ ਨੇ ਮਿਹਨਤ ਅਤੇ ਦ੍ਰਿੜਤਾ ਦੀ ਉਦਾਹਰਨ ਪੇਸ਼ ਕੀਤੀ ਹੈ।