ਫਗਵਾੜਾ ਦੇ ਨਾਬਾਲਗ ਦੀ ਹਿਮਾਚਲ 'ਚ ਡੁੱਬਣ ਕਾਰਨ ਮੌਤ

ਫਗਵਾੜਾ, 19 ਮਈ (ਹਰਜੋਤ ਸਿੰਘ ਚਾਨਾ)-ਇੱਥੋਂ ਦੇ ਮੁਹੱਲਾ ਭਗਤਪੁਰਾ 'ਚ ਇੱਕ 17 ਸਾਲਾ ਨੌਜਵਾਨ ਦੀ ਕਾਂਗੜਾ 'ਚ ਮਹਾਂਕਲੇਸ਼ਵਰ 'ਚ ਬਿਆਸ ਨਦੀ 'ਚ ਡੁੱਬਣ ਕਾਰਨ ਮੌਤ ਹੋ ਗਈ, ਜਿਸਦੀ ਪਛਾਣ ਵਿਸ਼ਾਲ ਵਜੋਂ ਹੋਈ ਹੈ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਵਿਸ਼ਾਲ ਇੱਥੋਂ ਦੇ ਜਨਤਾ ਮਾਡਲ ਸਕੂਲ ਦਾ ਵਿਦਿਆਰਥੀ ਸੀ ਤੇ ਆਪਣੇ ਦੋਸਤਾਂ ਨਾਲ ਮਹਾਂਕਲੇਸ਼ਵਰ ਗਿਆ ਸੀ | ਬੀਤੀ ਰਾਤ ਆਪਣੀ ਵੀਡੀਉ ਘਰ ਭੇਜੀ ਸੀ, ਉਸੇ ਦੌਰਾਨ ਜਦੋਂ ਨਹਾਉਣ ਲੱਗਾ ਤਾਂ ਉਹ ਮਹਾਂਕਲੇਸ਼ਵਰ ਵਿਖੇ ਡੂੰਘੀ ਨਦੀ 'ਚ ਜਾਣ ਕਾਰਨ ਡੁੱਬ ਗਿਆ, ਜਿਸ ਨੂੰ ਲੋਕਾਂ ਨੇ ਇਕੱਠੇ ਹੋ ਕੇ ਬਾਹਰ ਕੱਢਿਆ ਤਦ ਤਕ ਉਸਦੀ ਮੌਤ ਹੋ ਚੁੱਕੀ ਸੀ |