ਵਿਸ਼ਵ ਕੱਪ ਦੇ ਦਰਵਾਜ਼ੇ ’ਤੇ ਖੜ੍ਹੀ ਭਾਰਤੀ ਟੀਮ ਲਈ ਸਭ ਤੋਂ ਵੱਡੀ ਚੁਣੌਤੀ ਜਰਸੀ ਦਾ ਰੰਗ ਨਹੀਂ, ਸਗੋਂ ਵਿਸ਼ਵ ਚੈਂਪੀਅਨ ਬਣਨਾ ਹੈ। ਜੇ ਭਾਰਤ ਟਰਾਫ਼ੀ ਜਿੱਤ ਲੈਂਦਾ ਹੈ ਤਾਂ ਇਹੀ ਕੇਸਰੀ ਜਰਸੀ ਇਤਿਹਾਸ ਦਾ ਹਿੱਸਾ ਬਣ ਜਾਵੇਗੀ। ਪਰ ਜੇ ਪ੍ਰਦਰਸ਼ਨ ਉਮੀਦਾਂ ਅਨੁਸਾਰ ਨਾ ਰਿਹਾ ਤਾਂ ਇਹ ਵਿਵਾਦ ਲੰਬੇ ਸਮੇਂ ਤੱਕ ਚਰਚਾ ਦਾ ਵਿਸ਼ਾ ਰਹੇਗਾ। ਖੇਡਾਂ ਨੂੰ ਰਾਜਨੀਤੀ ਤੋਂ ਉੱਪਰ ਰੱਖਣਾ ਹੀ ਦੇਸ਼ ਤੇ ਖਿਡਾਰੀਆਂ ਦੇ ਹਿੱਤ ਵਿਚ ਹੈ। ਰੰਗ ਕੋਈ ਵੀ ਹੋਵੇ ਨੀਲਾ, ਕੇਸਰੀ ਜਾਂ ਚਿੱਟਾ ਹਰ ਭਾਰਤੀ ਦੀ ਇੱਛਾ ਇੱਕੋ ਹੈ ਕਿ ਤਿਰੰਗਾ ਸਭ ਤੋਂ ਉੱਚਾ ਲਹਿਰਾਏ ਅਤੇ ਰਾਸ਼ਟਰਗਾਨ ਦੁਨੀਆ ਦੇ ਸਭ ਤੋਂ ਵੱਡੇ ਮੰਚ ’ਤੇ ਗੂੰਜੇ। ਅੱਜ ਦੇਸ਼ ਨੂੰ ਜਰਸੀ ਦੇ ਰੰਗ ’ਤੇ ਨਹੀਂ, ਸਗੋਂ ਖਿਡਾਰੀਆਂ ਦੇ ਜਜ਼ਬੇ, ਏਕਤਾ ਅਤੇ ਪ੍ਰਦਰਸ਼ਨ ’ਤੇ ਇਕੱਠੇ ਹੋਣ ਦੀ ਲੋੜ ਹੈ।
