ਮੋਗਾ, 14 ਫਰਵਰੀ (ਸੁਰਿੰਦਰਪਾਲ ਸਿੰਘ)-ਆਈ.ਈ.ਡੀ. ਸ਼ਾਖਾ ਅਧੀਨ ਪੜ੍ਹ ਰਹੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੇ ਬਲਾਕ ਪੱਧਰੀ ਸਭਿਆਚਾਰਕ ਤੇ ਖੋਜ ਮੁਕਾਬਲੇ ਕਰਵਾਏ ਗਏ, ਜਿਸ ਵਿਚ ਵੱਖ-ਵੱਖ ਸਕੂਲਾਂ ਦੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਨੇ ਪੇਂਟਿੰਗ, ਭਾਸ਼ਣ, ਗਰੁੱਪ ਡਾਂਸ, ਗੀਤ ਗਾਇਣ, ਕੀਰਤਨ ਗਾਇਣ, ਗਿੱਧਾ, ਭੰਗੜਾ, ਸਲੋਗਨ ਰਾਈਟਿੰਗ ਤੇ ਪੋਸਟਰ ਮੇਕਿੰਗ ਮੁਕਾਬਲੇ ਦਫ਼ਤਰ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਦੁੱਨੇਕੇ ਵਿਖੇ ਹੋਏ | ਮੁਕਾਬਲਿਆਂ ਦੌਰਾਨ ਜੱਜਾਂ ਦੀ ਭੂਮਿਕਾ ਸੀ.ਐਚ.ਟੀ. ਗੁਰਮੁਖ ਸਿੰਘ ਤੇ ਸੀ.ਐਚ.ਟੀ. ਬਲਕਰਨ ਸਿੰਘ ਨੇ ਨਿਭਾਈ | ਜੇਤੂ ਬੱਚਿਆਂ ਨੂੰ ਇਨਾਮਾਂ ਦੀ ਵੰਡ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਵਰਿੰਦਰ ਕੌਰ ਵਲੋਂ ਕੀਤੀ ਗਈ ਅਤੇ ਮੁਕਾਬਲਿਆਂ ਵਿਚ ਹਿੱਸਾ ਲੈਣ ਵਾਲੇ ਬੱਚਿਆਂ ਦੀ ਹੌਸਲਾ-ਅਫ਼ਜ਼ਾਈ ਕੀਤੀ ਗਈ | ਇਸ ਮੌਕੇ ਅਕਾਊਾਟੈਂਟ ਗੁਰਤੇਜ ਸਿੰਘ, ਡਾਟਾ ਐਂਟਰੀ ਦੀਪਕ ਗਾਬਾ, ਸਰਬਜੀਤ ਸਿੰਘ, ਏ.ਬੀ.ਐਮ. ਰਜਿੰਦਰ ਕੌਰ, ਐਮ.ਆਈ.ਐਸ. ਜੋਤੀ, ਬਲਵਿੰਦਰ ਸਿੰਘ ਪਿੰਕਾ, ਵੀਰਪਾਲ ਕੌਰ ਆਈ.ਈ.ਆਰ.ਟੀ., ਗਗਨਦੀਪ ਕੌਰ, ਸਤਵਿੰਦਰ ਸਿੰਘ, ਸੋਨਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ |
