ਮੋਗਾ, 11 ਜੂਨ (ਸੁਰਿੰਦਰਪਾਲ ਸਿੰਘ)-ਖੱਤਰੀ ਸਭਾ ਮੋਗਾ ਦੇ ਚੇਅਰਮੈਨ ਐਡਵੋਕੇਟ ਵਿਜੇ ਧੀਰ ਦੀ ਅਗਵਾਈ ਹੇਠ ਯੁਵਾ ਖੱਤਰੀ ਸਭਾ ਮੋਗਾ ਵਲੋਂ ਰਮਨ ਮੱਕੜ ਦੀ ਪਤਨੀ ਮਰਿਦੁਲਾ ਮੱਕੜ ਦੇ ਕੌਂਸਲਰ ਬਣਨ 'ਤੇ ਵਧਾਈ ਦਿੱਤੀ | ਯੁਵਾ ਖੱਤਰੀ ਸਭਾ ਦੇ ਚੇਅਰਮੈਨ ਜਗਜੀਵ ਧੀਰ ਤੇ ਪ੍ਰਧਾਨ ਹਰਪ੍ਰੀਤ ਸਿੰਘ ਸਹਿਗਲ ਵਲੋਂ ਰਮਨ ਮੱਕੜ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਰਮਨ ਮੱਕੜ ਬਹੁਤ ਹੀ ਮਿੱਠ ਬੋਲੜੇ ਤੇ ਮਿਲਣਸਾਰ, ਗ਼ਰੀਬਾਂ ਦੀ ਸੇਵਾ ਕਰਨ ਵਾਲੇ ਅਤੇ ਹਰ ਇਕ ਦੇ ਦੁੱਖ ਸੁੱਖ ਵਿਚ ਸ਼ਾਮਿਲ ਹੋਣ ਵਾਲੇ ਇਨਸਾਨ ਹਨ | ਉਨ੍ਹਾਂ ਆਸ ਪ੍ਰਗਟਾਈ ਕਿ ਉਹ ਆਪਣੇ ਵਾਰਡ ਦੇ ਵਿਕਾਸ ਵਿਚ ਕੋਈ ਵੀ ਕਸਰ ਨਹੀਂ ਛੱਡਣਗੇ | ਇਸ ਸਮੇਂ ਖੱਤਰੀ ਸਭਾ ਦੇ ਬਰਾਂਡ ਅੰਬੈਸਡਰ ਰਾਕੇਸ਼ ਸਿਤਾਰਾ, ਯੁਵਾ ਖੱਤਰੀ ਸਭਾ ਦੇ ਆਗੂ ਆਦੇਸ਼ ਇੰਦਰ ਸਿੰਘ ਸਹਿਗਲ, ਦਿਨੇਸ਼ ਰਿਹਾਨ ਤੇ ਸੁਭਾਸ਼ ਪਲਤਾ ਵੀ ਮੌਜੂਦ ਸਨ |
