ਸੰਗਰੂਰ, 27 ਜੂਨ (ਅਮਨਦੀਪ ਸਿੰਘ ਬਿੱਟਾ) – ਲੋਕ ਸਭਾ ’ਚ ਵਿਰੋਧੀ ਧਿਰ ਦੇ ਆਗੂ ਰਾਹੁਲ ਗਾਂਧੀ ਵਲੋਂ ਬੂਥ ਪੱਧਰ ’ਤੇ ਕਾਂਗਰਸ ਨੂੰ ਮਜਬੂਤ ਕਰਨ ਦੇ ਦਿੱਤੇ ਸੱਦੇ ਤਹਿਤ ਸੰਗਰੂਰ ’ਚ ਕਾਂਗਰਸ ਆਗੂਆਂ ਨੇ ਸਰਗਰਮੀਆਂ ਵਿੱਢ ਦਿੱਤੀ ਹਨ। ਪੰਜਾਬ ਵਿਚ ਵੋਟਰ ਸੂਚੀਆਂ ਦੀ ਵਿਸ਼ੇਸ ਸੁਧਾਈ (ਐਸ.ਆਈ.ਆਰ.) ਦੀ ਚੱਲ ਰਹੀ ਪ੍ਰੀਕਿਆ ਨੂੰ ਲੈ ਕੇ ਬੀ.ਐਲ.ਓ. ਉੱਪਰ ਨਿਗਾਹ ਰੱਖਣ ਲਈ ਕਾਂਗਰਸ ਆਗੂਆਂ ਦੀ ਮੀਟਿੰਗ ਬਲਾਕ ਪ੍ਰਧਾਨ ਰੌਕੀ ਬਾਂਸਲ ਦੀ ਅਗਵਾਈ ਹੇਠ ਹੋਈ। ਮੀਟਿੰਗਾਂ ਉਪਰੰਤ ਮੌਜੂਦ ਆਗੂਆਂ ਜਿਨ੍ਹਾਂ ਵਿੱਚ ਕਾਂਗਰਸ ਦੇ ਜ਼ਿਲ੍ਹੇ ਨਾਲ ਸੰਬੰਧਿਤ ਮੀਤ ਪ੍ਰਧਾਨ, ਨਗਰ ਕੌਂਸਲ ਦੇ ਸਾਬਕਾ ਸੀਨੀਅਰ ਮੀਤ ਪ੍ਰਧਾਨ ਵਿਨੋਦ ਕੁਮਾਰ ਬੋਦੀ, ਦੀਪਕ ਐਮ,ਸੀ., ਕੌਸਲਰ ਸੁਰਿੰਦਰ ਸਿੰਘ ਭਿੰਡਰ ਨੂੰ ਉਨ੍ਹਾਂ ਦੇ ਬੂਥ ਪੱਧਰ ਤੱਕ ਪਹੁੰਚ ਬਣਾਉਣ ਲਈ ਵੋਟਰ ਸੂਚੀਆਂ ਅਤੇ ਹੋਰ ਸਾਜੋ ਸਮਾਨ ਦੀ ਕਿੱਟਾਂ ਵੰਡੀਆਂ ਗਈਆਂ। ਰੌਕੀ ਬਾਂਸਲ ਅਤੇ ਵਿਨੋਦ ਕੁਮਾਰ ਬੋਦੀ ਨੇ ਕਿਹਾ ਕਿ ਕਾਂਗਰਸ ਆਗੂ ਨਜ਼ਰ ਬਣਾਈ ਰੱਖਣਗੇ ਕਿ ਕੋਈ ਵੋਟ ਨਾਜਾਇਜ਼ ਨਾ ਕੱਟੀ ਜਾਵੇ, ਬੂਥ ’ਚ ਆਉਂਦੇ ਉਹ ਰਿਹਾਇਸ਼ ਘਰ ਜੋ ਬੰਦ ਹਨ ਦੇ ਪਰਿਵਾਰਕ ਮੈਂਬਰਾਂ ਤੱਕ ਪਹੁੰਚ ਬਣਾਉਣ ਲਈ ਕਾਂਗਰਸ ਆਗੂ ਸੰਪਰਕ ਬਣਾਉਣਗੇ । ਇਸੇ ਤਰ੍ਹਾਂ ਬੂਥ ਵਿਚਲੇ ਉਹ ਵੋਟਰ ਜੋ ਸੰਗਰੂਰ ਤੋਂ ਤਬਦੀਲ ਹੋ ਚੁੱਕੇ ਹਨ, ਨਾਲ ਵੀ ਪਾਰਟੀ ਆਗੂ ਸੰਪਰਕ ਕਰਨਗੇ । ਇਸ ਮੌਕੇ ਪਾਰਟੀ ਨੇ ਬੂਥ ਇੰਚਾਰਜਾਂ ਦੇ ਕਾਂਗਰਸ ਪਾਰਟੀ ਵਲੋਂ ਸਨਾਖਤੀ ਕਾਰਡ ਵੀ ਜਾਰੀ ਕੀਤੇ।
