ਡਾਇਰੈਕਟਰ, ਪੇਂਡੂ ਵਿਕਾਸ ਅਤੇ ਪੰਚਾਇਤ ਵਿਭਾਗ ਵਲੋਂ ਜਾਰੀ ਨਵੇਂ ਹੁਕਮ, ਲਿਆ ਵੱਡਾ ਫ਼ੈਸਲਾ
ਅਜੀਤ ਡੈਸਕ
01-08-2026
ਕੀ ਲੱਗੇ ਦੋਸ਼
ਡੀ.ਡੀ.ਪੀ.ਓ. ਦੀ ਰਿਪੋਰਟ ਮੁਤਾਬਿਕ ਸਰਪੰਚ ਨੇ ਉਸ ਜ਼ਮੀਨ ’ਤੇ ਚਾਰਦੀਵਾਰੀ ਕਰਵਾਈ ਜੋ ਗ੍ਰਾਮ ਪੰਚਾਇਤ ਦੀ ਮਲਕੀਅਤ ਨਹੀਂ ਹੈ। ਰਿਕਾਰਡ ਅਨੁਸਾਰ ਸਬੰਧਤ ਖ਼ਸਰਾ ਨੰਬਰਾਂ ਦੀ ਮਲਕੀਅਤ ਕਿਸੇ ਹੋਰ ਦੇ ਨਾਂਅ ਹੈ ਅਤੇ ਜ਼ਮੀਨ ਦੀ ਕਿਸਮ ‘ਗੈਰ-ਮੁਮਕਿਨ ਸਕੂਲ’ ਦਰਜ ਹੈ। ਜਾਣਕਾਰੀ ਅਨੁਸਾਰ ਉਕਤ ਜ਼ਮੀਨ ’ਤੇ ਮਹਿਲਾ ਸਰਪੰਚ ਵਲੋਂ ਛੱਪੜ ਦੀ ਪੁਟਾਈ ਕਰਵਾਈ ਗਈ, ਜਿਸ ਦੀ ਮਾਲਕੀ ਗ੍ਰਾਮ ਪੰਚਾਇਤ ਪਿੰਡ ਬਾਜੀਦਪੁਰ ਕੋਲ ਨਹੀਂ ਹੈ। ਇਸ ਦੇ ਨਾਲ ਇਕ ਦੋਸ਼ ਹੋਰ ਇਹ ਵੀ ਹੈ ਕਿ ਗਰਾਉਂਡ ਦੀ ਚਾਰਦੀਵਾਰੀ ਅਤੇ ਹੋਰ ਨਿਰਮਾਣ ਕਾਰਜ ਪੰਚਾਇਤੀ ਰਾਜ ਵਿਭਾਗ ਦੀ ਲੋੜੀਂਦੀ ਤਕਨੀਕੀ ਮਨਜ਼ੂਰੀ ਅਤੇ ਸਮਰੱਥ ਅਥਾਰਿਟੀ ਦੀ ਪ੍ਰਵਾਨਗੀ ਤੋਂ ਬਿਨਾਂ ਕਰਵਾਏ ਗਏ। ਵਿਭਾਗ ਨੇ ਕਿਹਾ ਕਿ ਰਿਕਾਰਡ, ਰਿਪੋਰਟਾਂ ਅਤੇ ਸੁਣਵਾਈ ਦੌਰਾਨ ਪੇਸ਼ ਤੱਥਾਂ ਦੇ ਆਧਾਰ ’ਤੇ ਸਰਪੰਚ ਖ਼ਿਲਾਫ਼ ਕਾਰਵਾਈ ਬਣਦੀ ਹੈ।
ਨਵੇਂ ਹੁਕਮਾਂ ’ਚ ਹੋਰ ਕੀ ਹੈ
ਵਿਭਾਗ ਨੇ ਧਾਰਾ 20(5) ਲਾਗੂ ਕਰਦੇ ਹੋਏ ਕਿਹਾ ਕਿ ਮੁਅੱਤਲੀ ਦੀ ਮਿਆਦ ਦੌਰਾਨ ਸਰਪੰਚ ਪੰਚਾਇਤ ਦੀ ਕਿਸੇ ਵੀ ਕਾਰਵਾਈ ਵਿਚ ਹਿੱਸਾ ਨਹੀਂ ਲੈ ਸਕੇਗੀ, ਪੰਚਾਇਤ ਦਾ ਰਿਕਾਰਡ, ਫ਼ੰਡ ਅਤੇ ਹੋਰ ਜਾਇਦਾਦ ਦਾ ਚਾਰਜ ਬੀ.ਡੀ.ਪੀ.ਓ. ਵਲੋਂ ਚੁਣੇ ਕਿਸੇ ਹੋਰ ਪੰਚ ਨੂੰ ਸੌਂਪਿਆ ਜਾਵੇਗਾ, ਸਰਪੰਚ ਦੇ ਦਸਤਖ਼ਤ ਨਾਲ ਚੱਲ ਰਹੇ ਪੰਚਾਇਤ ਦੇ ਸਾਰੇ ਬੈਂਕ ਖਾਤੇ ਤੁਰੰਤ ਸੀਲ ਕਰਕੇ ਚਾਰਜ ਨਵੇਂ ਅਧਿਕਾਰਤ ਵਿਅਕਤੀ ਨੂੰ ਦਿੱਤੇ ਜਾਣਗੇ ਅਤੇ ਇਸ ਦੇ ਨਾਲ ਵਿਭਾਗ ਨੇ ਹੁਕਮਾਂ ਵਿਚ ਬੀ.ਡੀ.ਪੀ.ਓ. ਘੱਲ ਖ਼ੁਰਦ ਲਖਬੀਰ ਸਿੰਘ ਬੁੱਟਰ ਅਤੇ ਪਿੰਡ ਬਾਜੀਦਪੁਰ ਦੇ ਪੰਚਾਇਤ ਸਕੱਤਰ ਸਿਮਰਨਜੀਤ ਸਿੰਘ ’ਤੇ ਆਪਣੀਆਂ ਜ਼ਿੰਮੇਵਾਰੀਆਂ ਨਿਭਾਉਣ ਵਿਚ ਅਣਗਹਿਲੀ ਦਾ ਵੀ ਜ਼ਿਕਰ ਕੀਤਾ ਹੈ ਅਤੇ ਉਨ੍ਹਾਂ ਖ਼ਿਲਾਫ਼ ਅਨੁਸ਼ਾਸਨੀ ਕਾਰਵਾਈ ਲਈ ਸਬੰਧਤ ਸ਼ਾਖਾ ਨੂੰ ਨਿਰਦੇਸ਼ ਭੇਜ ਦਿੱਤੇ ਹਨ।
