ਰਾਮਪੁਰਾ ਫੂਲ, 13 ਫਰਵਰੀ (ਹੇਮੰਤ ਕੁਮਾਰ ਸ਼ਰਮਾ): ਮੁੱਖ ਮੰਤਰੀ ਭਗਵੰਤ ਮਾਨ ਵਲੋਂ ਵੱਡੀ ਕਾਰਵਾਈ ਕਰਦੇ ਹੋਏ ਰਾਮਪੁਰਾ ਅਤੇ ਮੌੜ ਦਾ ਚਾਰਜ ਸੰਭਾਲ ਰਹੇ ਬੀ.ਡੀ.ਪੀ.ਓ ਜਗਤਾਰ ਸਿੰਘ ਨੂੰ ਮੁਅੱਤਲ ਕੀਤਾ ਗਿਆ ਹੈ¢ ਸਬੰਧਿਤ ਅਧਿਕਾਰੀ ਤੇ ਵਿਭਾਗੀ ਕੰਮਾਂ ਅਤੇ ਕੋਰਟ ਕੇਸਾਂ 'ਚ ਕਥਿਤ ਅਣਗਹਿਲੀ ਦੇ ਦੋਸ਼ ਲੱਗੇ ਹਨ¢ ਇਹ ਹੁਕਮ ਪੰਚਾਇਤ ਅਤੇ ਪੇਂਡੂ ਵਿਕਾਸ ਵਿਭਾਗ ਦੇ ਪ੍ਰਬੰਧਕੀ ਸਕੱਤਰ ਅਜੀਤ ਬਾਲਾ ਵਲੋਂ ਜਾਰੀ ਕੀਤੇ ਗਏ ਹਨ¢ ਮੁਅੱਤਲੀ ਦੌਰਾਨ ਅਧਿਕਾਰੀ ਦਾ ਹੈੱਡ ਕੁਆਰਟਰ ਵਿਭਾਗ ਦਾ ਜ਼ਿਲ੍ਹਾ ਦਫ਼ਤਰ ਰਹੇਗਾ¢ ਦੱਸਣਯੋਗ ਹੈ ਕਿ ਇਸ ਅਧਿਕਾਰੀ ਕੋਲ ਰਾਮਪੁਰਾ ਦੇ ਨਾਲ-ਨਾਲ ਮੌੜ ਮੰਡੀ ਦਾ ਵੀ ਚਾਰਜ ਰਿਹਾ ਹੈ¢ ਇੱਥੇ ਇਹ ਵੀ ਜ਼ਿਕਰਯੋਗ ਹੈ ਕਿ ਵਿਭਾਗ ਦੇ ਪੰਚਾਇਤ ਸੈਕਟਰੀ ਪਹਿਲਾ ਹੀ ਮੁਅੱਤਲ ਕੀਤੇ ਜਾ ਚੁੱਕੇ ਹਨ¢