ਲਹਿਰਾ ਮੁਹੱਬਤ, 15 ਮਈ (ਸੁਖਪਾਲ ਸਿੰਘ ਸੁੱਖੀ)- ਇੰਪਲਾਇਜ ਫੈਡਰੇਸ਼ਨ ਚਾਹਲ ਗਰੁੱਪ ਥਰਮਲ ਲਹਿਰਾ ਮੁਹੱਬਤ ਦੀ ਮੀਟਿੰਗ ਜਥੇਬੰਦੀ ਦੇ ਪ੍ਰਧਾਨ ਬਲਜੀਤ ਸਿੰਘ ਬਰਾੜ ਦੀ ਅਗਵਾਈ ਹੇਠ ਹੋਈ | ਇਸ ਦੌਰਾਨ ਰਜਿੰਦਰ ਸਿੰਘ ਨਿੰਮਾ ਜਨਰਲ ਸਕੱਤਰ, ਰਘਬੀਰ ਸਿੰਘ ਸੈਣੀ, ਕੇਸਵ ਅਧਿਕਾਰੀ ਮੀਤ ਪ੍ਰਧਾਨ, ਗੁਰਭੇਜ ਸਿੰਘ ਖ਼ਜ਼ਾਨਚੀ, ਗੁਰਲਾਲ ਸਿੰਘ ਗਿੱਲ, ਅਰੁਣਜੋਤ ਸਿੰਘ, ਰੁਪਿੰਦਰਜੀਤ ਸਿੰਘ, ਰਾਹੁਲ ਸਿੰਘ, ਦਾਨਿਸ਼ ਕੁਮਾਰ, ਸੂਰਜ ਕੁਮਾਰ ਹਾਜ਼ਰ ਹੋਏ | ਇਸ ਤੋਂ ਇਲਾਵਾ ਨਵੇਂ ਨਿਯੁਕਤ ਕਰਮਚਾਰੀਆਂ ਦਾ ਜਥੇਬੰਦੀ ਨੇ ਭਰਵਾਂ ਸਵਾਗਤ ਕੀਤਾ | ਇਸ ਮੀਟਿੰਗ ਵਿਚ ਪੰਜਾਬ ਪੱਧਰ ਦੀਆਂ ਮੰਗਾਂ ਅਜ਼ਮਾਇਸ਼ੀ ਸਮੇਂ ਦੌਰਾਨ ਪੂਰੀ ਪੇਅ ਜਾਰੀ ਕਰਨ, ਲੋਕਲ ਮੰਗ ਕੁਆਟਰ ਅਲਾਟਮੈਂਟ 'ਚ ਆ ਰਹੀਆਂ ਮੁਸ਼ਕਿਲਾਂ ਦਾ ਹੱਲ, ਹਾਊਸ ਰੈਟ ਘੱਟ ਕਰਨ ਅਤੇ ਡਿਊਟੀ ਸਮੇਂ ਆ ਰਹੀਆਂ ਮੁਸ਼ਕਿਲਾਂ ਦੇ ਹੱਲ ਲਈ ਵਿਚਾਰ ਚਰਚਾ ਕੀਤੀ | ਜਥੇਬੰਦੀ ਦੇ ਅਹੁਦੇਦਾਰਾਂ ਨੇ 13 ਮਈ 2026 ਨੂੰ ਵਿੱਤ ਮੰਤਰੀ ਪੰਜਾਬ ਨਾਲ ਹੋਈ ਮੀਟਿੰਗ ਦੀ ਕਾਰਵਾਈ ਸਾਂਝੀ ਕੀਤੀ | ਸਰਕਾਰ ਤੋਂ ਮੰਗ ਕੀਤੀ ਕਿ ਨਵੇਂ ਭਰਤੀ ਹੋਏ ਕਰਮਚਾਰੀਆਂ ਨੂੰ ਜਨਰੇਸ਼ਨ ਅਲਾਂਊਸ ਦਿੱਤਾ ਜਾਵੇ ਅਤੇ ਥਰਮਲ ਦੇ ਆਊਟਸੋਰਸ ਕਾਮਿਆਂ ਨੂੰ ਮਹਿਕਮੇ ਵਿਚ ਸਮਾਇਆ ਜਾਵੇ | ਨਵੀਆਂ ਆਈਆਂ ਮੰਗਾਂ ਮਸਲਿਆਂ ਨੂੰ ਮੈਨੇਜਮੈਂਟ ਕੋਲ ਲੈ ਕੇ ਜਾਣ ਦਾ ਭਰੋਸਾ ਥਰਮਲ ਮੁਲਾਜ਼ਮਾਂ ਨੂੰ ਦਿਵਾਇਆ |
