ਜਗਰਾਉਂ, 14 ਫਰਵਰੀ (ਗੁਰਦੀਪ ਸਿੰਘ ਮਲਕ)-ਪੀਰ ਬਾਬਾ ਨੌ-ਗਜੀਆ ਦੀ ਯਾਦ 'ਚ ਪਿੰਡ ਬੋਦਲਵਾਲਾ ਵਿਖੇ ਪ੍ਰਧਾਨ ਸੰਦੀਪ ਕਮਲ ਵਲੋਂ ਸਾਥੀਆਂ ਦੇ ਸਹਿਯੋਗ ਨਾਲ ਕਰਵਾਇਆ ਜਾਂਦਾ ਸੱਭਿਆਚਾਰਕ ਮੇਲਾ ਅੱਜ 15 ਫਰਵਰੀ, ਦਿਨ ਐਤਵਾਰ ਨੂੰ ਬੜੇ ਧੂਮ-ਧਮੱਕੇ ਨਾਲ ਕਰਵਾਇਆ ਜਾ ਰਿਹਾ ਹੈ | ਇਸ ਸੰਬੰਧੀ ਪ੍ਰਧਾਨ ਸੰਦੀਪ ਕਮਲ ਨੇ ਦੱਸਿਆ ਕਿ ਇਸ ਵਾਰ ਸੱਭਿਆਚਾਰ ਮੇਲੇ ਦੇ ਨਾਲ-ਨਾਲ ਇਕ ਜ਼ਰੂਰਤਮੰਦ ਪਰਿਵਾਰ ਦੀ ਬੇਟੀ ਦਾ ਕਮੇਟੀ ਵਲੋਂ ਵਿਆਹ ਕੀਤਾ ਜਾਵੇਗਾ | ਉਨ੍ਹਾ ਦੱਸਿਆ ਕਿ ਬੋਦਲਵਾਲਾ ਪਿੰਡ ਵਿਚ ਅਸੀਂ ਇਹ ਚੌਥਾ ਮੇਲਾ ਕਰਵਾ ਰਹੇ ਹਾਂ | ਇਸ ਸੱਭਿਆਚਾਰਕ ਮੇਲੇ 'ਚ ਉੱਘੇ ਪੰਜਾਬੀ ਗਾਇਕ ਲਵਲੀ ਨਿਰਮਾਣ ਧੂਰੀ, ਹਰਮਨ ਛੱਤਾ, ਜੱਸੀ ਹਰਦੀਪ, ਗਿੱਲ ਅਖਾੜਾ, ਅਮਨ ਅਰੋੜਾ, ਪਿਰਤ ਬਾਜਵਾ, ਯਸਲੀਨ, ਲਵਿਸ ਤਲਵਾਰ ਅਤੇ ਭਜਨ ਸਿੰਘ ਤੇਜੀ ਆਦਿ ਕਲਾਕਾਰ ਰੰਗਾਰੰਗ ਪ੍ਰੋਗਰਾਮ ਪੇਸ਼ ਕਰਨਗੇ | ਉਨ੍ਹਾਂ ਦੱਸਿਆ ਕਿ ਮੇਲਾ ਕਰਵਾਉਣ 'ਚ ਇੰਦਰਜੀਤ ਸਿੰਘ ਕੈਨੇਡਾ, ਰਵੀ ਪੱਬੀਆਂ ਯੂ.ਐੱਸ.ਏ., ਕਮਿੱਕਰ ਸਿੰਘ ਜੰਡੀ ਯੂ.ਐੱਸ.ਏ., ਸਰਪੰਚ ਕੁਲਦੀਪ ਸਿੰਘ ਢਿੱਲੋਂ, ਲਛਮਣ ਸਿੰਘ, ਰਾਜਪ੍ਰੀਤ ਸਿੰਘ ਢਿੱਲੋਂ, ਗੁਰਿੰਦਰ ਸਿੰਘ ਛੀਨਾ, ਭੁਪਿੰਦਰ ਸਿੰਘ ਸਿੱਧੂ ਦਾ ਅਹਿਮ ਯੋਗਦਾਨ ਹੋਵੇਗਾ |