ਅਹਿਮਦਗੜ੍ਹ, 18 ਅਪੈ੍ਰਲ (ਸੁਖਜੀਤ ਸਿੰਘ ਖੇੜਾ) - ਮਾਇਆ ਦੇਵੀ ਗੋਇਲ ਪਬਲਿਕ ਸਕੂਲ, ਪੋਹੀੜ ਦੇ ਵਿਦਿਆਰਥੀਆਂ ਨੇ ਸੀ.ਬੀ.ਐਸ.ਈ. ਦਸਵੀਂ ਜਮਾਤ ਦੀਆਂ ਪ੍ਰੀਖਿਆਵਾਂ ਵਿੱਚ ਸ਼ਾਨਦਾਰ ਨਤੀਜੇ ਦੇ ਕੇ ਇੱਕ ਵਾਰ ਫਿਰ ਸੰਸਥਾ ਦਾ ਨਾਮ ਰੌਸ਼ਨ ਕੀਤਾ ਹੈ | ਮਿਹਨਤੀ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਦੀ ਬਦੌਲਤ ਸਕੂਲ ਨੇ ਮਾਣ ਨਾਲ 100% ਨਤੀਜਾ ਦਰਜ ਕੀਤਾ ਹੈ | ਮਿਲੀ ਜਾਣਕਾਰੀ ਅਨੁਸਾਰ ਤਨਿਸ਼ ਗੁਪਤਾ (97.4%), ਕਿ੍ਸ਼ਵ ਵਰਮਾ (96.4%), ਅਰੁਣਯ ਸ਼ਰਮਾ (96.2%), ਮੰਨਤ (94.8%), ਕੌਸ਼ਿਕ ਗੋਇਲ (93.6%), ਸ਼ੁਭਮ ਗੋਇਲ (92), ਏਰਲਿਨ ਮੁਲਾਇਲਕੁਨੇਲ (91.8%), ਸੁਮਿਲ ਚੋਪੜਾ (91.4%), ਦੀਪਾਂਸ਼ੀ (91.2%), ਮਨਵੀਰ ਸਿੰਘ ਗਿੱਲ (88.8%), ਜਗਦੀਪ ਸਿੰਘ (88.4%), ਅਤੇ ਸ਼ੁਭਰਾ ਇੰਸਾਨ (86.2%) ਅੰਕ ਪ੍ਰਾਪਤ ਕੀਤੇ | ਸਕੂਲ ਪ੍ਰਬੰਧਨ ਨੇ ਵਿਦਿਆਰਥੀਆਂ, ਮਾਪਿਆਂ ਅਤੇ ਸਰਪ੍ਰਸਤਾਂ ਨੂੰ ਵਧਾਈ ਦਿੱਤੀ ਅਤੇ ਸੀਈਓ, ਪਿ੍ੰਸੀਪਲ ਸਮੇਤ ਪੂਰੇ ਸਟਾਫ਼ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਸੀਈਓ, ਲਖਬੀਰ ਸਿੰਘ ਅਤੇ ਪਿ੍ੰਸੀਪਲ ਨਵਦੀਪ ਵਰਮਾ ਨੇ ਬਿਹਤਰ ਸਿੱਖਿਆ ਪ੍ਰਤੀ ਆਪਣੀ ਵਚਨਬੱਧਤਾ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਨਤੀਜਾ ਟੀਮ ਵਰਕ ਦਾ ਇੱਕ ਯਤਨ ਹੈ, ਅਤੇ ਸਾਰਾ ਸਟਾਫ਼ ਦੇ ਧੰਨਵਾਦ ਦਾ ਪਾਤਰ ਹੈ | ਉਨ੍ਹਾਂ ਨੇ ਟਰੱਸਟੀਆਂ ਦੀ ਵੀ ਪ੍ਰਸ਼ੰਸਾ ਕੀਤੀ, ਜਿਨ੍ਹਾਂ ਨੇ ਸਕੂਲ ਨੂੰ ਅਪਗ੍ਰੇਡ ਕਰਨ ਵਿੱਚ ਕੋਈ ਕਸਰ ਨਹੀਂ ਛੱਡੀ |
