ਖੰਨਾ / ਸਮਰਾਲਾ

ਅੱਜ ਤੋਂ 30 ਜੂਨ ਤੱਕ ਹੈਵੀ ਟ੍ਰੈਫਿਕ ਮੁੜ ਸਾਹਨੇਵਾਲ ਚੌਂਕ ਰਾਹੀਂ ਅਤੇ ਬਾਜ਼ਾਰ ਦੇ ਰਸਤੇ ਰਾਹੀਂ ਗੁਜ਼ਰੇਗੀ

ਹਨੀ ਚਾਠਲੀ 30 ਅਪ੍ਰੈਲ ਸਾਹਨੇਵਾਲ 04 <br/> ਉਪ-ਮੰਡਲ ਮਜਿਸਟ੍ਰੇਟ ਲੁਧਿਆਣਾ ਪੂਰਬੀ ਜਸਲੀਨ ਕੌਰ ਭੁੱਲਰ ਜਾਣਕਾਰੀ ਦੇਣ ਸਮੇਂ | ਤਸਵੀਰ: ਹਨੀ ਚਾਠਲੀ <br/> 01-05-2026

ਸਾਹਨੇਵਾਲ, 30 ਅਪ੍ਰੈਲ (ਹਨੀ ਚਾਠਲੀ)-ਉਪ ਮੰਡਲ ਮਜਿਸਟਰੇਟ ਲੁਧਿਆਣਾ ਪੂਰਬੀ ਜਸਲੀਨ ਕੌਰ ਭੁੱਲਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਾਹਨੇਵਾਲ ਵਿੱਚ ਟ੍ਰੈਫਿਕ ਦੀ ਸਮੱਸਿਆ ਦੇ ਸਥਾਈ ਹੱਲ ਅਤੇ ਵਿਕਾਸ ਕਾਰਜਾਂ ਨੂੰ ਮੁੱਖ ਰੱਖਦੇ ਹੋਏ ਪ੍ਰਸ਼ਾਸਨ ਵੱਲੋਂ ਅਹਿਮ ਫੈਸਲਾ ਲਿਆ ਗਿਆ ਹੈ | ਵਰਲਡ ਬੈਂਕ ਦੇ ਸਹਿਯੋਗ ਨਾਲ ਨਗਰ ਨਿਗਮ ਲੁਧਿਆਣਾ ਵੱਲੋਂ ਪਿੰਡ ਬਿਲਗਾ ਵਿਖੇ ਇੱਕ ਵਿਸ਼ਾਲ ਵਾਟਰ ਟ੍ਰੀਟਮੈਂਟ ਪਲਾਂਟ ਲਗਾਇਆ ਜਾ ਰਿਹਾ ਹੈ, ਜਿਸ ਰਾਹੀਂ ਸ਼ਹਿਰ ਦੀ ਵੱਡੀ ਆਬਾਦੀ ਨੂੰ ਪੀਣ ਵਾਲੇ ਪਾਣੀ ਦੀ ਸਪਲਾਈ ਕੀਤੀ ਜਾਣੀ ਹੈ |ਪਿੰਡ ਬਿਲਗਾ ਤੋਂ ਸ਼ਹਿਰ ਤੱਕ ਪਾਈਪਲਾਈਨ ਵਿਛਾਉਣ ਦਾ ਕੰਮ ਹੁਣ ਉਸ ਪੜਾਅ 'ਤੇ ਪਹੁੰਚ ਗਿਆ ਹੈ, ਜਿੱਥੇ ਮੌਜੂਦਾ ਅਲਟਰਨੇਟਿਵ ਰੂਟ (ਸੂਆ ਰੋਡ ਰਾਹੀਂ ਡੇਹਲੋਂ ਰੋਡ ਤੋਂ ਨੰਦਪੁਰ ਜੀ.ਟੀ. ਰੋਡ) ਦੇ ਹੇਠਾਂ ਪਾਈਪਾਂ ਪਾਈਆਂ ਜਾਣੀਆਂ ਹਨ | ਇਸ 1.6 ਕਿਲੋਮੀਟਰ ਲੰਬੇ ਰਸਤੇ 'ਤੇ ਬਿਜਲੀ ਦੇ ਖੰਭਿਆਂ ਅਤੇ ਤਾਰਾਂ ਦੀ ਸਿਫਟਿੰਗ ਦਾ ਕੰਮ ਵੀ ਕੀਤਾ ਜਾਣਾ ਹੈ | ਇਸ ਪ੍ਰੋਜੈਕਟ ਲਈ ਡਰੇਨੇਜ ਵਿਭਾਗ, ਪੀ.ਐਸ.ਪੀ.ਸੀ.ਐਲ. ਅਤੇ ਪੀ.ਡਬਲਿਊ.ਡੀ. ਪਾਸੋਂ ਲੋੜੀਂਦੀਆਂ ਪ੍ਰਵਾਨਗੀਆਂ ਪਹਿਲਾਂ ਹੀ ਪ੍ਰਾਪਤ ਕਰ ਲਈਆਂ ਗਈਆਂ ਹਨ | ਸਬੰਧਤ ਵਿਭਾਗਾਂ ਵਲੋਂ ਇਸ ਕੰਮ ਨੂੰ ਮੁਕੰਮਲ ਕਰਨ ਲਈ ਲਗਭਗ ਦੋ ਮਹੀਨੇ ਦਾ ਸਮਾਂ ਮੰਗਿਆ ਗਿਆ ਹੈ | ਇਸ ਕਾਰਨ, 1 ਮਈ 2026 ਤੋਂ ਹੈਵੀ ਟ੍ਰੈਫਿਕ ਨੂੰ ਅਲਟਰਨੇਟਿਵ ਰੂਟ ਤੋਂ ਲੰਘਾਉਣਾ ਮੁਮਕਿਨ ਨਹੀਂ ਹੋਵੇਗਾ | ਸਿੱਟੇ ਵਜੋਂ, ਇਹ ਹੈਵੀ ਟ੍ਰੈਫਿਕ ਪਹਿਲਾਂ ਵਾਂਗ ਮੁੜ ਸਾਹਨੇਵਾਲ ਚੌਂਕ ਅਤੇ ਬਾਜ਼ਾਰ ਦੇ ਰਸਤੇ ਰਾਹੀਂ ਗੁਜ਼ਰੇਗਾ |

ਪਿਛਲੀ ਖ਼ਬਰ ਸੰਤ ਈਸ਼ਰ ਸਿੰਘ ਜੀ ਮੈਮੋਰੀਅਲ ਪਬਲਿਕ ਸਕੂਲ ਕਰਮਸਰ ਰਾੜਾ ਸਾਹਿਬ ਸਕੂਲ ਵਿਖੇ ਮਜ਼ਦੂਰ ਦਿਵਸ ਮਨਾਇਆ ਅਗਲੀ ਖ਼ਬਰ ਪਾਲੀ ਦੇਤਵਾਲੀਆ ਦੇ ਪੁੱਤਰ ਦੀ ਮੌਤ 'ਤੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ