ਰੁੱਖਾਂ ਤੋਂ ਮਿਲਦੀ ਹਰਿਆਲੀ
ਜੀਵਨ ਵਿਚ ਭਰਦੇ ਖੁਸ਼ਹਾਲੀ।
ਇਹ ਫਰਿਸ਼ਤੇ ਧਰਤ 'ਤੇ ਆਏ,
ਕਿੰਨੇ ਗੁਣ ਇਨ੍ਹਾਂ ਵਿਚ ਸਮਾਏ।
ਸੰਜੀਵਨੀ ਬੂਟੀ ਦਾ ਕੰਮ ਕਰਦੇ,
ਸਾਰੇ ਰੋਗ ਇਨ੍ਹਾਂ ਤੋਂ ਹਰਦੇ।
ਕਿੰਨੇ ਕੰਮ ਸਵਾਰ ਨੇ ਦਿੰਦੇ,
ਕਰ ਨਦੀਆਂ ਤੋਂ ਪਾਰ ਨੇ ਦਿੰਦੇ।
ਫਲ, ਫੁੱਲ, ਪੱਤੇ ਨੇ ਗੁਣਕਾਰੀ,
ਹਰੀ ਭਰੀ ਲੱਗੇ ਧਰਤੀ ਸਾਰੀ।
ਜਿਨ੍ਹਾਂ ਥਾਵਾਂ 'ਤੇ ਰੁੱਖ ਨੀ ਹੁੰਦੇ,
ਠੰਢੀਆਂ ਛਾਵਾਂ ਸੁੱਖ ਨਹੀਂ ਹੁੰਦੇ।
ਨਾ ਰੁੱਖਾਂ ਨੂੰ ਤੁਸੀਂ ਕੱਟੋ ਸਾੜੋ,
ਭੋਲੇ ਜੀਵਾਂ ਨਾ ਮਾਰੋ।
ਕੁਦਰਤ ਨੇ ਫਿਰ ਰੁੱਸ ਹੈ ਜਾਣਾ,
ਕੀਤੇ ਦਾ ਫਲ ਪੈਣਾ, ਪਾਉਣਾ।
ਰੁੱਖਾਂ ਦੇ ਜੋ ਹਤਿਆਰੇ ਲੋਕ,
ਭਾਲਣ ਕਿਥੋਂ ਸਹਾਰੇ ਲੋਕ।
ਵਰਤੇ ਜਦ ਕੁਦਰਤ ਦਾ ਕਹਿਰ,
ਉੱਜੜ ਜਾਂਦੇ ਨੇ ਵਸਦੇ ਸ਼ਹਿਰ।
'ਪੱਤੋ' ਜੇਕਰ ਜਾਗ ਜਾਓਗੇ,
ਬਹੁਤੇ ਸੁੱਖ ਝੋਲੀ ਵਿਚ ਪਾਓਗੇ।
-ਹਰਪ੍ਰੀਤ ਪੱਤੋ
(ਮੋਗਾ)।
ਮੋਬਾਈਲ : 94658-21417
