ਬਰਫ਼ ਦੇ ਤੋਦੇ ਡਿੱਗਣ ਕਾਰਨ ਮਸ਼ਹੂਰ ਨਿਪਾਲੀ ਪਰਬਤਾਰੋਹੀ ਨਿਰਮਲ ਪੁਰਜਾ ਸਮੇਤ 10 ਲਾਪਤਾ

ਅੰਮ੍ਰਿਤਸਰ, 31 ਜੁਲਾਈ (ਸੁਰਿੰਦਰ ਕੋਛੜ)-ਦੁਨੀਆ ਦੀਆਂ ਸਭ ਤੋਂ ਉੱਚੀਆਂ ਚੋਟੀਆਂ ਵਿਚੋਂ ਇਕ, ਪਾਕਿਸਤਾਨ ਦੇ ‘ਬ੍ਰਾਡ ਪੀਕ’ ’ਤੇ ਬਰਫ਼ ਖਿਸਕਣ ਤੋਂ ਬਾਅਦ ਮਸ਼ਹੂਰ ਨਿਪਾਲੀ ਪਰਬਤਾਰੋਹੀ ਨਿਰਮਲ ਪੁਰਜਾ ਸਮੇਤ 10 ਪਰਬਤਾਰੋਹੀਆਂ ਦੇ ਲਾਪਤਾ ਹੋਣ ਦੀ ਖ਼ਬਰ ਹੈ।ਅਧਿਕਾਰੀਆਂ ਨੇ ਦੱਸਿਆ ਕਿ ਖਰਾਬ ਮੌਸਮ ਕਾਰਨ ਲਾਪਤਾ ਟੀਮ ਦੀ ਖੋਜ ਤੇ ਬਚਾਅ ਕਾਰਜ ਨੂੰ ਭਾਰੀ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਪਾਕਿਸਤਾਨ ਦੀ ਕਰਾਕੋਰਮ ਰੇਂਜ ਵਿਚ ਕੇ2 ਦੇ ਨੇੜੇ ਸਥਿਤ, 8,047 ਮੀਟਰ ਉੱਚਾ ‘ਬ੍ਰਾਡ ਪੀਕ’ ਦੁਨੀਆ ਦਾ 12ਵਾਂ ਸਭ ਤੋਂ ਉੱਚਾ ਪਹਾੜ ਹੈ।