ਚੀਨੀ ਨਾਗਰਿਕਾਂ ’ ਤੇ ਉੱਤਰੀ ਮਰਿਆਨਾ ਟਾਪੂਆਂ ਦੀ ਬਿਨਾਂ ਵੀਜ਼ਾ ਯਾਤਰਾ ’ ਤੇ ਰੋਕ
ਨਿਊਯਾਰਕ, 27 ਅਕਤੂਬਰ (ਰਾਜੂ ਸ਼ਹਿਬਾਜ਼ਪੁਰਾ)-ਟਰੰਪ ਪ੍ਰਸ਼ਾਸਨ ਨੇ ਚੀਨੀ ਨਾਗਰਿਕਾਂ ਨੂੰ ਅਮਰੀਕਾ ਦੇ ਅਧੀਨ ਉੱਤਰੀ ਮਰਿਆਨਾ ਟਾਪੂਆਂ ’ਤੇ ਬਿਨਾਂ ਵੀਜ਼ੇ ਜਾਣ ਦੀ ਸਹੂਲਤ ਮੁਅੱਤਲ ਕਰ ਦਿੱਤੀ ਹੈ। ਇਹ ਰੋਕ ਸਿਰਫ਼ ਇਨ੍ਹਾਂ ਟਾਪੂਆਂ ਲਈ ਚੱਲ ਰਹੀ ਵਿਸ਼ੇਸ਼ ਯੋਜਨਾ ’ਤੇ ਹੈ, ਸਾਰੇ ਚੀਨੀ ਨਾਗਰਿਕਾਂ ਦੀ ਅਮਰੀਕਾ ਯਾਤਰਾ ’ਤੇ ਪਾਬੰਦੀ ਨਹੀਂ ਹੈ।
ਨਿਊਯਾਰਕ, 27 ਅਕਤੂਬਰ (ਰਾਜੂ ਸ਼ਹਿਬਾਜ਼ਪੁਰਾ)-ਟਰੰਪ ਪ੍ਰਸ਼ਾਸਨ ਨੇ ਚੀਨੀ ਨਾਗਰਿਕਾਂ ਨੂੰ ਅਮਰੀਕਾ ਦੇ ਅਧੀਨ ਉੱਤਰੀ ਮਰਿਆਨਾ ਟਾਪੂਆਂ ’ਤੇ ਬਿਨਾਂ ਵੀਜ਼ੇ ਜਾਣ ਦੀ ਸਹੂਲਤ ਮੁਅੱਤਲ ਕਰ ਦਿੱਤੀ ਹੈ। ਇਹ ਰੋਕ ਸਿਰਫ਼ ਇਨ੍ਹਾਂ ਟਾਪੂਆਂ ਲਈ ਚੱਲ ਰਹੀ ਵਿਸ਼ੇਸ਼ ਯੋਜਨਾ ’ਤੇ ਹੈ, ਸਾਰੇ ਚੀਨੀ ਨਾਗਰਿਕਾਂ ਦੀ ਅਮਰੀਕਾ ਯਾਤਰਾ ’ਤੇ ਪਾਬੰਦੀ ਨਹੀਂ ਹੈ।ਇਸ ਯੋਜਨਾ ਤਹਿਤ ਪਹਿਲਾਂ ਮਨਜ਼ੂਰੀ ਲੈ ਚੁੱਕੇ ਚੀਨੀ ਯਾਤਰੀ ਟਾਪੂਆਂ ’ਤੇ 14 ਦਿਨ ਤੱਕ ਰਹਿ ਸਕਦੇ ਸਨ। ਨਵਾਂ ਫ਼ੈਸਲਾ 30 ਅਕਤੂਬਰ ਨੂੰ ਨਿਊਯਾਰਕ ਦੇ ਸਮੇਂ ਅਨੁਸਾਰ ਦੁਪਹਿਰ ਦੋ ਵਜੇ ਲਾਗੂ ਹੋਵੇਗਾ। ਉਸ ਤੋਂ ਬਾਅਦ ਪਹਿਲਾਂ ਮਿਲੀ ਮਨਜ਼ੂਰੀ ਦੇ ਆਧਾਰ ’ਤੇ ਵੀ ਇਸ ਸਹੂਲਤ ਦੀ ਵਰਤੋਂ ਨਹੀਂ ਹੋ ਸਕੇਗੀ।ਗ੍ਰਹਿ ਸੁਰੱਖਿਆ ਵਿਭਾਗ ਦਾ ਕਹਿਣਾ ਹੈ ਕਿ ਇਸ ਛੋਟ ਦੀ ਵਰਤੋਂ ਬੱਚੇ ਨੂੰ ਅਮਰੀਕੀ ਨਾਗਰਿਕਤਾ ਦਿਵਾਉਣ ਲਈ ਉਥੇ ਜਣੇਪਾ ਕਰਵਾਉਣ ਦੇ ਮਕਸਦ ਨਾਲ ਹੋ ਸਕਦੀ ਹੈ। ਵਿਭਾਗ ਨੇ ਸਥਾਨਕ ਹਸਪਤਾਲਾਂ ’ਤੇ ਬੋਝ, ਫ਼ੌਜੀ ਟਿਕਾਣਿਆਂ ਨੇੜੇ ਜਾਸੂਸੀ ਅਤੇ ਨੇੜਲੇ ਗੁਆਮ ਟਾਪੂ ਤੱਕ ਗ਼ੈਰ-ਕਾਨੂੰਨੀ ਸਫ਼ਰ ਦੇ ਖ਼ਦਸ਼ੇ ਵੀ ਜਤਾਏ ਹਨ। ਹਾਲਾਂਕਿ, ਇਸ ਯੋਜਨਾ ਰਾਹੀਂ ਆਏ ਯਾਤਰੀਆਂ ਨਾਲ ਜੁੜੇ ਜਨਮਾਂ ਦੀ ਗਿਣਤੀ ਨਹੀਂ ਦਿੱਤੀ ਗਈ।ਜਿਹੜੇ ਲੋਕ ਇਸ ਯੋਜਨਾ ਤਹਿਤ ਪਹਿਲਾਂ ਹੀ ਟਾਪੂਆਂ ’ਤੇ ਪਹੁੰਚ ਚੁੱਕੇ ਹਨ, ਉਹ ਆਪਣੀ ਮਨਜ਼ੂਰਸ਼ੁਦਾ ਮਿਆਦ ਤੱਕ ਰਹਿ ਸਕਣਗੇ। ਅਗਲੀ ਵਾਰ ਆਉਣ ਲਈ ਉਨ੍ਹਾਂ ਨੂੰ ਵੀਜ਼ਾ ਜਾਂ ਕਿਸੇ ਹੋਰ ਲਾਗੂ ਕਾਨੂੰਨੀ ਛੋਟ ਦੀ ਲੋੜ ਹੋਵੇਗੀ।ਵਿਭਾਗ ਮੁਤਾਬਕ ਯੋਜਨਾ ਦੀ ਸਮੀਖਿਆ ਪੂਰੀ ਹੋਣ ਤੱਕ ਰੋਕ ਜਾਰੀ ਰਹੇਗੀ। ਵਿੱਤੀ ਸਾਲ 2025 ਵਿਚ ਤਿੰਨ ਹਜ਼ਾਰ ਤੋਂ ਵੱਧ ਚੀਨੀ ਨਾਗਰਿਕਾਂ ਨੇ ਇਸ ਸਹੂਲਤ ਰਾਹੀਂ ਟਾਪੂਆਂ ਵਿਚ ਦਾਖ਼ਲਾ ਲਿਆ ਸੀ।
