ਬਜਰੰਗਬਲੀ ਬਾਕਸਿੰਗ ਅਕੈਡਮੀ ਟੋਹਾਣਾ ਦੇ ਮੁੱਕੇਬਾਜ਼ਾਂ ਨੇ 15 ਸੋਨ ਤਗਮੇ ਜਿੱਤੇ ਹੁਣ ਰਾਜ ਪੱਧਰ ’ਤੇ ਕਰਨਗੇ ਫਤਿਹਾਬਾਦ ਦੀ ਨੁਮਾਇੰਦਗੀ

ਟੋਹਾਣਾ, 1 ਅਗਸਤ (ਮਨਜੀਤ ਸਿੰਘ) – ਬਜਰੰਗਬਲੀ ਬਾਕਸਿੰਗ ਅਕੈਡਮੀ ਟੋਹਾਣਾ ਦੇ ਮੁੱਕੇਬਾਜ਼ਾਂ ਨੇ ਸਕੂਲੀ ਜ਼ਿਲ੍ਹਾ ਪੱਧਰੀ ਅੰਡਰ-14, ਅੰਡਰ-17 ਅਤੇ ਅੰਡਰ-19 ਬਾਕਸਿੰਗ ਚੈਂਪੀਅਨਸ਼ਿਪ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਕੁੱਲ 15 ਸੋਨ ਤਗਮੇ ਜਿੱਤ ਕੇ ਅਕੈਡਮੀ, ਆਪਣੇ ਮਾਪਿਆਂ ਅਤੇ ਟੋਹਾਣਾ ਸ਼ਹਿਰ ਦਾ ਨਾਂ ਰੌਸ਼ਨ ਕੀਤਾ ਹੈ। ਅਕੈਡਮੀ ਦੇ ਸੰਚਾਲਕ ਵਿਨੈ ਵਰਮਾ ਅਤੇ ਬਾਕਸਿੰਗ ਕੋਚ ਮਹੇਸ਼ ਕੁਮਾਰ ਡਾਂਗਰਾ ਨੇ ਦੱਸਿਆ ਕਿ ਇਹ ਸਾਰੇ ਜੇਤੂ ਮੁੱਕੇਬਾਜ਼ ਹੁਣ ਹਰਿਆਣਾ ਦੀ ਅੰਡਰ-14, ਅੰਡਰ-17 ਅਤੇ ਅੰਡਰ-19 ਸਕੂਲ ਰਾਜ ਪੱਧਰੀ ਬਾਕਸਿੰਗ ਚੈਂਪੀਅਨਸ਼ਿਪ ਵਿੱਚ ਫਤਿਹਾਬਾਦ ਜ਼ਿਲ੍ਹੇ ਦੀ ਨੁਮਾਇੰਦਗੀ ਕਰਨਗੇ।