ਇਕ ਪਾਸੇ ਜਿੱਥੇ ਨਿਗਮ ਵਲੋਂ ਕਰੋੜਾਂ ਦੇ ਕੰਮ ਕਰਵਾਉਣ ਜਲਦੀ ਹੀ ਟੈਂਡਰ ਲਗਾਏ ਜਾਣੇ ਹਨ ਪਰ ਦੂਜੇ ਪਾਸੇ ਪੱਛਮੀ ਏਸ਼ੀਆ ਦੇ ਹਾਲਾਤਾਂ ਕਰਕੇ ਕੱਚੇ ਤੇਲ ਦੀਆਂ ਕੀਮਤਾਂ ਵਧਣ ਨਾਲ ਲੁੱਕ ਦੀ ਕੀਮਤ ਦੁੱਗਣੀ ਹੋ ਗਈ ਹੈ ਤੇ ਇਸ ਨਾਲ ਲੁੱਕ ਬਜਰੀ ਵਾਲੀ ਸੜਕਾਂ ਬਣਾਉਣ ਦੇ ਕੰਮਾਂ ਦੀ ਲਾਗਤ ਵਧ ਗਈ ਹੈ, ਸਗੋਂ ਸੀਮਿੰਟ ਸਮੇਤ ਹੋਰ ਸਾਮਾਨ ਮਹਿੰਗਾ ਹੋਣ ਕਾਰਨ ਇਸ ਵੇਲੇ ਕਈ ਠੇਕੇਦਾਰਾਂ ਦਾ ਵੀ ਹੱਥ ਤੰਗ ਹੋ ਗਿਆ ਹੈ | ਨਗਰ ਨਿਗਮ ਨੇ 4 ਮਈ ਦੀ ਜਿਹੜੀ ਵਿੱਤ ਅਤੇ ਠੇਕਾ ਕਮੇਟੀ ਦੀ ਮੀਟਿੰਗ ਸੱਦੀ ਹੈ, ਉਸ ਵਿਚ ਕਈ ਕੰਮਾਂ ਦੀਆਂ ਕੀਮਤਾਂ ਵਿਚ ਕੁੱਝ ਵਾਧਾ ਕਰਨਾ ਹੈ ਪਰ ਕਈ ਠੇਕੇਦਾਰਾਂ ਨੇ ਜਿਹੜੇ ਕੰਮ ਲਈ ਹਨ, ਉਹ ਉਨ੍ਹਾਂ ਨੂੰ ਸਮਾਨ ਮਹਿੰਗਾ ਹੋਣ ਕਰਕੇ ਕਰਵਾਉਣੇ ਔਖੇ ਲੱਗ ਰਹੇ ਹਨ |
