ਜਲੰਧਰ, 11 ਮਈ (ਸ਼ੈਲੀ)-ਯੂਨਾਈਟਿਡ ਕਵੀਨ ਵੈੱਲਫੇਅਰ ਸੋਸਾਇਟੀ ਨੇ ਜਲੰਧਰ ਦੇ ਇੱਕ ਸਥਾਨਕ ਹੋਟਲ ਵਿੱਚ ਮਾਂ ਦਿਵਸ ਮਨਾਇਆ | ਇਸ ਵਿਸ਼ੇਸ਼ ਮੌਕੇ 'ਤੇ 'ਆਪ' ਆਗੂ ਅਤੇ ਕੈਂਟ ਹਲਕੇ ਦੇ ਇੰਚਾਰਜ ਰਾਜਵਿੰਦਰ ਥਿਆੜਾ ਅਤੇ ਜਲੰਧਰ ਦੇ ਮੇਅਰ ਵਨੀਤ ਧੀਰ ਦੀ ਪਤਨੀ ਸੋਨਾ ਧੀਰ ਮੁੱਖ ਮਹਿਮਾਨ ਵਜੇ ਪੁਹੰਚੇ | ਪ੍ਰਬੰਧਕਾਂ ਨੇ ਦੱਸਿਆ ਕਿ ਸਨਮਾਨਿਤ ਹੋਣ ਵਾਲਿਆਂ ਔਰਤਾਂ ਨੂੰ ਦੋ ਭਾਗਾਂ ਵਿੱਚ ਵੰਡਿਆ ਗਿਆ | ਪਹਿਲੇ ਭਾਗ ਵਿਚ ਉਨ੍ਹਾਂ ਮਾਵਾਂ ਦਾ ਸਨਮਾਨ ਕੀਤਾ ਜੋ ਆਪਣੇ ਘਰਾਂ ਤੋਂ ਬਾਹਰ ਨਿਕਲ ਕੇ ਉਨ੍ਹਾਂ ਬੱਚਿਆਂ ਦੀ ਮਦਦ ਕਰਦੀਆਂ ਹਨ ਜੋ ਆਰਥਿਕ ਤੌਰ ਤੇ ਕਮਜ਼ੋਰ ਹਨ | ਇਨ੍ਹਾਂ ਵਿਚ ਰਾਸ਼ਟਰੀ ਪੁਰਸਕਾਰ ਜੇਤੂ ਵਿਵੇਕ ਜੋਸ਼ੀ ਦੀ ਮਾਂ, ਕੌਸ਼ਲਿਆ ਦੇਵੀ, ਚਾਨਨ ਵੋਕੇਸ਼ਨਲ ਐਂਡ ਸਕਿੱਲ ਸੈਂਟਰ ਤੋਂ ਉਪਿੰਦਰ ਕੌਰ, ਚਾਈਲਡ ਮਦਰ ਕੇਅਰ ਤੋਂ ਪੁਸ਼ਪਾ ਤਿਵਾੜੀ, ਸਮਾਜ ਸੇਵਕ ਕਵਿਤਾ ਵਿਜ, ਸਮਾਜ ਸੇਵਕ ਨੀਰੂ ਜੈਰਥ, ਅਤੇ ਸਮਾਜ ਸੇਵਕ ਅਮਿਤ ਗੁਪਤਾ ਅਤੇ ਆਰਤੀ ਦੱਤਾ ਨੂੰ ਸਮਾਜ ਵਿੱਚ ਉਨ੍ਹਾਂ ਦੇ ਯੋਗਦਾਨ ਲਈ ਸਨਮਾਨਿਤ ਕੀਤਾ ਗਿਆ | ਇਸ ਤੋਂ ਇਲਾਵਾ, ਕੁਝ ਰਿਸ਼ਤਿਆਂ ਨੂੰ ਮਾਂ ਨਾ ਹੋਣ ਦੇ ਬਾਵਜੂਦ ਉਨ੍ਹਾਂ ਦੀਆਂ ਮਾਂ ਦੀਆਂ ਭੂਮਿਕਾਵਾਂ ਨਿਭਾਈ | ਇਸ ਦੌਰਾਨ ਰੇਣੂ ਨੇ ਦੱਸਿਆ ਕਿ ਬਹੁਤ ਸਾਰੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨ ਦੇ ਬਾਵਜੂਦ, ਉਸਨੇ ਆਪਣੀਆਂ ਦੋਵੇਂ ਧੀਆਂ ਨੂੰ ਸਫਲਤਾ ਪ੍ਰਾਪਤ ਕਰਨ ਵਿੱਚ ਮਦਦ ਕੀਤੀ, ਅਤੇ ਅੱਜ, ਉਸਦੀਆਂ ਧੀਆਂ ਨੇ ਵਿਆਹ ਤੋਂ ਪਹਿਲਾਂ ਉਸਨੂੰ ਇੱਕ ਘਰ ਖਰੀਦ ਕੇ ਦਿੰਤਾ ਹੈ | ਨੀਤੂ ਚੋਪੜਾ ਅਤੇ ਭਾਵਨਾ ਸੂਰੀ ਨੇ ਆਪਣੀ ਸਫਲਤਾ ਦਾ ਸਿਹਰਾ ਆਪਣੀਆਂ ਸੱਸਾਂ ਨੂੰ ਦਿੱਤਾ, ਜਦੋਂ ਕਿ ਰੀਨਾ ਨੇ ਆਪਣੀ ਭਾਬੀ ਨੂੰ ਆਪਣੀ ਮਾਂ ਮੰਨਿਆ, ਅਤੇ ਸੁਖਜੀਤ ਦੀ ਜਿੰਦਗੀ ਵਿਚ ਉਸਦੀ ਜਠਾਣੀ ਉਸਦੀ ਮਾਂ ਬਣ ਗਈ | ਇਸ ਖਾਸ ਮੌਕੇ 'ਤੇ, ਦੀਪਕ ਬਾਲੀ ਦੀ ਪਤਨੀ, ਸੋਨੀਆ ਬਾਲੀ, ਰੇਡੀਓ ਸਿਟੀ ਤੋਂ ਸੀਮਾ ਸੋਨੀ, ਆਰਟ ਆਫ ਲਿਵਿੰਗ ਤੋਂ ਸੀਮਾ ਮਹਿਤਾ ਅਤੇ ਕੌਂਸਲਰ ਅਰੁਣਾ ਅਰੋੜਾ ਨੂੰ ਸਨਮਾਨਿਤ ਕੀਤਾ ਗਿਆ | ਉਰਵਸ਼ੀ ਸ਼ਰਮਾ ਅਤੇ ਵਿੰਨੀ ਸ਼ਰਮਾ ਨੂੰ ਕਲੱਬ ਦੇ ਸਭ ਤੋਂ ਵੱਡੇ ਸਮਰਥਕ ਹੋਣ ਲਈ ਸਨਮਾਨਿਤ ਕੀਤਾ ਗਿਆ | ਇਸ ਦੌਰਾਨ ਕੇਕ ਵੀ ਕੱਟਿਆ ਗਿਆ | ਇਸ ਮੌਕੇ ਆਸਥਾ ਅਬਰੋਲ ਨੇ ਆਏ ਸਾਰੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ | ਪਰਵੀਨ ਅਬਰੋਲ ਨੇ ਕਿਹਾ, ਅੱਜ ਮੈਨੂੰ ਆਸਥਾ ਅਬਰੋਲ ਦੀ ਮਾਂ ਹੋਣ 'ਤੇ ਮਾਣ ਹੈ, ਜਿਸਨੇ ਮੇਰੇ ਕੰਮ ਨੂੰ ਉਤਸ਼ਾਹਿਤ ਕੀਤਾ ਹੈ ਅਤੇ ਮੈਨੂੰ ਸਮਾਜ ਵਿੱਚ ਮਾਣ ਦਿਵਾਇਆ ਹੈ |
