ਸਿਵਲ ਹਸਪਤਾਲ ਦੇ ਬਾਹਰ ਤੇ ਅੰਦਰ ਬਦਤਰ ਹੋਏ ਹਾਲਾਤ, ਲੋਕਾਂ ਦਾ ਲੰਘਣਾ ਹੋਇਆ ਮੁਸ਼ਕਿਲ ਤੇ ਬਿਜਲੀ ਵੀ ਰਹੀ ਠੱਪ
ਅਜੀਤ ਡੈਸਕ
04-07-2026
ਕਾਰਨ ਉਨ੍ਹਾਂ ਟੋਇਆਂ ’ਚ ਬਰਸਾਤੀ ਪਾਣੀ ਭਰਨ ਨਾਲ ਮਿੱਟੀ ਬੈਠਣ ਕਰਕੇ ਕੀਤੀ ਉਸਾਰੀ ਵੀ ਖਰਾਬ ਹੋ ਗਈ ਹੈ। ਇਸ ਦੇ ਨਾਲ ਹੀ ਹਸਪਤਾਲ ਦੇ ਅੰਦਰ ਸਥਿਤ ਕ੍ਰਿਸ਼ਨ ਲੈਬ ਦੇ ਬਾਹਰ ਵੀ ਮੀਂਹ ਦਾ ਪਾਣੀ ਖੜ੍ਹਾ ਹੋਣ ਕਰਕੇ ਲੋਕਾਂ ਇੱਟਾਂ ਰੱਖ ਕੇ ਕਾਊਂਟਰਾਂ ’ਤੇ ਪਹੁੰਚਣ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ। ਇਸ ਤੋਂ ਇਲਾਵਾ ਸੀਵਰੇਜ ਪਾਈਪ ਪਾਉਣ ਲਈ ਮਿੱਟੀ ਪੁੱਟਣ ਵਾਲੇ ਜੇ. ਸੀ. ਬੀ. ਚਾਲਕ ਦੀ ਲਾਪ੍ਰਵਾਹੀ ਕਾਰਨ ਜਿੱਥੇ ਜ਼ਮੀਨਦੋਜ਼ ਬਿਜਲੀ ਦੀਆਂ ਤਾਰਾਂ ਵੱਢੀਆਂ ਗਈਆਂ, ਉਥੇ ਹੀ ਸੀਵਰੇਜ ਪਾਈਪ ਦਾ ਜੋੜ ਵੀ ਲੀਕ ਕਰ ਗਿਆ। ਇਸ ਨਾਲ ਸਿਵਲ ਹਸਪਤਾਲ ਦੇ ਜ਼ਮੀਨਦੋਜ਼ ਵੈਟਰ ਟੈਂਕ ਦਾ ਸਾਫ ਪਾਣੀ ਵੀ ਟੋਏ ’ਚ ਭਰਨਾ ਸ਼ੁਰੂ ਹੋ ਗਿਆ। ਬਿਜਲੀ ਦੀਆਂ ਤਾਰਾਂ ਵੱਢੇ ਜਾਣ ਕਾਰਨ ਹਸਪਤਾਲ ਦੇ ਕਈ ਵਾਰਡਾਂ ’ਚ ਬਿਜਲੀ ਗੁੱਲ ਹੋਣ ਕਰਕੇ ਤੇ ਏ. ਸੀ. ਬੰਦ ਹੋਣ ਨਾਲ ਮਰੀਜ਼ਾਂ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਨਾਲ ਜਿਥੇ ਹਸਪਤਾਲ ’ਚ ਇਲਾਜ ਲਈ ਆਉਣ ਵਾਲੇ ਮਰੀਜ਼ਾਂ ਨੂੰ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਉਥੇ ਹੀ ਉਥੇ ਤਾਇਨਾਤ ਸਿਹਤ ਅਮਲੇ ਨੂੰ ਕਾਫੀ ਦਿੱਕਤਾਂ ਆ ਰਹੀਆਂ ਹਨ। ਇਸ ਸੰਬੰਧੀ ਸਿਵਲ ਹਸਪਤਾਲ ਦੀ ਰੋਗੀ ਕਲਿਆਣ ਸੰਸਥਾ ਦੇ ਮੈਂਬਰ ਸੁਰਿੰਦਰ ਸੈਣੀ ਨੇ ਕਿਹਾ ਕਿ ਉਨ੍ਹਾਂ ਨੇ ਖੁਦ ਸਿਵਲ ਹਸਪਤਾਲ ਜਾ ਕੇ ਠੇਕੇਦਾਰ ਦੇ ਕਰਿੰਦਿਆਂ ਨੂੰ ਸਾਵਧਾਨੀ ਨਾਲ ਕੰਮ ਕਰ ਕਰਨ ਲਈ ਕਿਹਾ ਸੀ ਪਰ ਉਨ੍ਹਾਂ ਦੀ ਲਾਪ੍ਰਵਾਹੀ ਕਾਰਨ ਹੀ ਇਹ ਨੁਕਸਾਨ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਸੰਬੰਧੀ ਮਾਮਲਾ ਮੈਡੀਕਲ ਸੁਪਰਡੈਂਟ ਦੇ ਧਿਆਨ ’ਚ ਵੀ ਲਿਆਂਦਾ ਗਿਆ ਹੈ। ਓਧਰ ਜਦੋਂ ਇਸ ਮਾਮਲੇ ਸੰਬੰਧੀ ਮੈਡੀਕਲ ਸੁਪਰਡੈਂਟ ਡਾ. ਨਮਿਤਾ ਘਈ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਨ੍ਹਾਂ ਨੇ ਫੋਨ ਨਹੀਂ ਚੁੱਕਿਆ।
