ਕਰਜ਼ ਉਸ ਦੀ ਮੁਹੱਬਤ ਦਾ ਅਜੇ ਤਾਂ ਤਾਰਨਾ ਹਾਲੇ |
ਅਜੇ ਮਰਿਆ ਨਹੀਂ ਬਾਲਮ ਅਜੇ ਤਾਂ ਮਾਰਨਾ ਹਾਲੇ |
ਬਰਫ ਦੀ ਇਕ ਕਰਾਂਤੀ ਆਸਮਾਂ 'ਚੋਂ ਹੋਰ ਡਿਗਣੀ ਹੈ,
ਤੇਜਸਵੀ ਅਗਨ ਦਾ ਭਖਦਾ ਕਲੇਜਾ ਠਾਰਨਾ ਹਾਲੇ |
ਜਹਾਂ ਤੋਂ ਵੱਧ ਪਿਆਰਾ ਤੂੰ ਤੈਥੋਂ ਕੁਰਬਾਨ ਜ਼ਿੰਦਗਾਨੀ,
ਅਸਾਂ ਤਨ ਮਨ ਨਹੀਂ ਸਭ ਕੁਝ ਹੀ ਤੈਥੋਂ ਵਾਰਨਾ ਹਾਲੇ |
ਸਮਾਂ ਆਵਣ ਤੇ ਹਾਸੇ ਦੀ ਹਕੀਕਤ ਜ਼ਾਹਿਰ ਹੋਵੇਗੀ,
ਸਿਰਫ਼ ਹੰਝੂਆਂ ਦੀ ਭਾਸ਼ਾ ਨਾਲ ਆਪਾਂ ਸਾਰਨਾ ਹਾਲੇ |
ਸਜਾ ਰੱਖਿਆ ਹੈ ਪਿੰਜਰੇ ਨੂੰ ਉਹਦੀ ਆਮਦ ਦੀ ਚਾਹਤ ਹੈ,
ਵਿਛਾ ਕੇ ਜਾਲ ਤੋਤੇ ਨੂੰ ਜ਼ਰਾ ਪੁਚਕਾਰਨਾ ਹਾਲੇ |
ਸਿਰਫ਼ ਸੂਰਜ ਨੂੰ ਨਾ ਵੇਖੋ, ਨਾ ਵੇਖੋ ਸਿਖਰ ਦੁਪਹਿਰਾਂ ਨੂੰ ,
ਗਗਨ ਨੂੰ ਤਾਰਿਆਂ ਦੇ ਨਾਲ ਵੀ ਸ਼ਿੰਗਾਰਨਾ ਹਾਲੇ |
ਕਿਨਾਰੇ ਖੁਦ-ਬ-ਖੁਦ ਹੀ ਮਿਲਣ ਨੂੰ ਉਤਾਵਲੇ ਕਿੰਨੇ,
ਨਦੀ ਦੇ ਵਹਿਣ ਵਿਚ ਬੇੜੀ ਨੂੰ ਹੈ ਉਤਾਰਨਾ ਹਾਲੇ |
ਉਂਕਾਰ ਨਗਰ, ਗੁਰਦਾਸਪੁਰ (ਪੰਜਾਬ) |
ਮੋਬਾਈਲ : 98156-25409
