ਨੌਜਵਾਨਾਂ ਨੇ ਸਰਕਾਰੀ ਸਕੂਲ ਗੋਰਖਨਾਥ ਦੇ ਮੈਦਾਨ ਦੀ ਕੀਤੀ ਸਫ਼ਾਈ

ਬਰੇਟਾ, 25 ਜੁਲਾਈ (ਮੰਡੇਰ)- ਪਿੰਡ ਗੋਰਖਨਾਥ ਦੇ ਨੌਜਵਾਨਾਂ ਨੇ ਸਮਾਜ ਸੇਵਾ ਅਤੇ ਪਿੰਡ ਦੇ ਵਿਕਾਸ ਪ੍ਰਤੀ ਆਪਣੀ ਜ਼ਿੰਮੇਵਾਰੀ ਨਿਭਾਉਂਦਿਆਂ ਸ਼ਲਾਘਾਯੋਗ ਕਦਮ ਚੁੱਕਿਆ ਹੈ। ਪਿੰਡ ਦੇ ਸਰਕਾਰੀ ਮਿਡਲ ਸਕੂਲ ਗੋਰਖਨਾਥ ਦੇ ਖੇਡ ਮੈਦਾਨ ਨੂੰ ਸੁੰਦਰ ਅਤੇ ਬੱਚਿਆਂ ਦੇ ਖੇਡਣ ਯੋਗ ਬਣਾਉਣ ਲਈ ਨੌਜਵਾਨਾਂ ਨੇ ਮੈਦਾਨ ‘ਚ ਘਾਹ-ਫੂਸ ਨੂੰ ਖ਼ਤਮ ਕਰਨ ਲਈ ਵਿਸ਼ੇਸ਼ ਸਪਰੇਅ ਕੀਤੀ। ਇਸ ਪ੍ਰੇਰਿਤ ਕਰਨ ‘ਚ ਅਧਿਆਪਕ ਚੰਦਰ ਕਾਂਤ ਦੀ ਪ੍ਰੇਰਨਾ ਨਾਲ ਨੌਜਵਾਨ ਗੁਰਮੀਤ ਸਿੰਘ, ਬਿੱਟੂ ਸਿੰਘ, ਵਿੱਕੀ ਸਿੰਘ, ਸੋਨੀ ਸਿੰਘ, ਨਵਜੋਤ ਸਿੰਘ ਅਤੇ ਮਨਦੀਪ ਸਿੰਘ ਨੇ ਇਹ ਕਾਰਜ ਪੂਰਾ ਕੀਤਾ।