ਭੁਲੱਥ, 11 ਜੂਨ (ਮੇਹਰ ਚੰਦ ਸਿੱਧੂ)-ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਬਾਬਾ ਨੌਬਤ ਸ਼ਾਹ ਵਲੀ ਦੀ ਦਰਗਾਹ ਸ਼ਰੀਫ਼ (ਥਾਣਾ ਵਾਲਾ ਪੀਰ) 'ਤੇ ਸਾਲਾਨਾ ਉਰਸ ਮੁਬਾਰਕ ਜੋੜ ਮੇਲਾ 18 ਜੂਨ ਨੂੰ ਬੜੀ ਧੂਮਧਾਮ ਤੇ ਸ਼ਰਧਾ ਪੂਰਵਕ ਇਲਾਕੇ ਦੀਆਂ ਸੰਗਤਾਂ ਦੇ ਸਹਿਯੋਗ ਨਾਲ ਕਰਵਾਇਆ ਜਾ ਰਿਹਾ ਹੈ | ਮੇਲਾ ਪ੍ਰਬੰਧਕ ਤੇ ਦਰਗਾਹ ਸ਼ਰੀਫ਼ ਦੇ ਮੁੱਖ ਸੇਵਾਦਾਰ ਬਾਬਾ ਮਨਜ਼ੂਰ ਮੁਹੰਮਦ ਤੇ ਬਾਬਾ ਸੁੱਚਾ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਵਾਰ ਮੇਲੇ ਦੀਆਂ ਰੌਣਕਾਂ ਵਧਾਉਣ ਲਈ ਪ੍ਰਸਿੱਧ ਕਲਾਕਾਰ ਰਣਜੀਤ ਬਾਵਾ, ਐਲਕਸ ਕੋਟੀ, ਤੇ ਪ੍ਰਸਿੱਧ ਕੱਵਾਲ ਵਿਕਰਮ ਵਿੱਕੀ ਆਪਣੇ ਸੂਫੀ ਕਲਾਮ ਰਾਹੀਂ ਤੇ ਪ੍ਰਸਿੱਧ ਗਾਇਕੀ ਰਾਹੀਂ ਹਾਜ਼ਰੀ ਲਗਵਾਉਣਗੇ | ਸਟੇਜ ਸੰਚਾਲਕ ਦੀ ਭੂਮਿਕਾ ਇਲਾਕੇ ਦੇ ਪ੍ਰਸਿੱਧ ਐਂਕਰ ਬਲਦੇਵ ਸਿੱਧੂ ਨਿਭਾਉਣਗੇ | ਹੋਰਨਾਂ ਤੋਂ ਇਲਾਵਾ ਮੇਲੇ ਦੌਰਾਨ ਮੋਹਤਵਾਰ, ਪਤਵੰਤੇ ਤੇ ਨਾਮਵਾਰ ਸ਼ਖ਼ਸੀਅਤਾਂ ਸ਼ਿਰਕਤ ਕਰਨਗੀਆਂ |
