ਪਿੰਡ ਬਾਗੜੀਆਂ ਵਿਚ ਮੁਸਲਿਮ ਭਾਈਚਾਰੇ ਵਲੋਂ ਸੁਤੰਤਰਤਾ ਦਿਵਸ ਮਨਾਇਆ

ਭੁਲੱਥ, 16 ਅਗਸਤ (ਮੇਹਰ ਚੰਦ ਸਿੱਧੂ)-ਇੱਥੋਂ ਥੋੜ੍ਹੀ ਦੂਰੀ ਤੇ ਪੈਂਦੇ ਪਿੰਡ ਬਾਗੜੀਆਂ ਵਿਖੇ ਮੁਸਲਿਮ ਭਾਈਚਾਰੇ ਵੱਲੋਂ ਸੁਤੰਤਰਤਾ ਦਿਵਸ ਧੂਮ ਧਾਮ ਨਾਲ ਮਨਾਇਆ ਗਿਆ | ਇਸ ਮੌਕੇ ਮੌਲਾਨਾ ਮੌਲਵੀ ਮੁਹੰਮਦ ਆਬਸਾਰ ਕਾਸਮੀ ਦੀ ਅਗਵਾਈ ਵਿੱਚ ਬੱਚਿਆਂ ਵੱਲੋਂ ਹੱਥਾਂ ਵਿੱਚ ਤਿਰੰਗੇ ਝੰਡੇ ਫੜ ਕੇ ਰਾਸ਼ਟਰ ਦੀ ਬਿਹਤਰੀ ਲਈ ਰਾਸ਼ਟਰਵਾਦ ਦੇ ਨਾਅਰੇ ਲਗਾਏ ਗਏ || ਮੌਲਵੀ ਮੁਹੰਮਦ ਆਬਸਾਰ ਵਲੋਂ ਸੁਤੰਤਰਤਾ ਦਿਵਸ ਬਾਰੇ ਜਾਣਕਾਰੀ ਦਿੱਤੀ ਗਈ, ਤੇ ਇਕੱਤਰ ਹੋਏ ਭਾਈਚਾਰੇ ਨੂੰ ਦੱਸਿਆ ਗਿਆ ਕਿ ਜੰਗੇ ਆਜ਼ਾਦੀ ਅੰਦਰ ਮੁਸਲਿਮ ਭਾਈਚਾਰੇ ਦੇ ਬਹੁਤ ਸਾਰੇ ਸਿਰਲੱਥ ਸੂਰਮਿਆਂ ਨੇ ਆਪਣੀਆਂ ਸ਼ਹਾਦਤਾਂ ਦਿੱਤੀਆਂ ਹਨ | ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮੁਹੰਮਦ ਮਿਰਜ਼ਾ, ਮੁਹੰਮਦ ਸਫਈਆ, ਗਨੀ ਅਲੀ, ਸ਼ਫੀ ਅਲੀ, ਸ਼ਮੂਦੀਨ, ਰਫ਼ੀਕ ਅਲੀ, ਬਸ਼ੀਰ ਅਲੀ, ਸੁਰਾਜ ਅਲੀ ਚੌਹਾਨ, ਸ਼ਬਦੀਨ, ਰਮਜਾਨ ਅਲੀ, ਰੁਬੀਨਾ, ਅਫਸਾਨਾ, ਤੇਗ ਅਲੀ, ਸ਼ੇਰ ਅਲੀ, ਮਸਕੀਨ ਅਲੀ, ਸ਼ੇਰ ਮੁਹੰਮਦ, ਸੁਰਾਜ ਅਲੀ, ਮੁਖ਼ਤਿਆਰ ਅਲੀ ਮਿਰਜ਼ਾ, ਤੇ ਹੋਰ ਬਹੁਤ ਸਾਰੇ ਪਤਵੰਤੇ ਹਾਜ਼ਰ ਸਨ |