ਗਲੋਬਲ ਏਜੰਸੀਆਂ ਭਾਰਤ ਬਾਰੇ ਜੀ.ਡੀ.ਪੀ. ਅਨੁਮਾਨਾਂ ਦਾ ਮੁੜ ਮੁਲਾਂਕਣ ਕਰਨਗੀਆਂ: ਮੁੱਖ ਆਰਥਿਕ ਸਲਾਹਕਾਰ ਨਾਗੇਸ਼ਵਰਨ

ਨਵੀਂ ਦਿੱਲੀ, 29 ਫਰਵਰੀ (ਏ.ਐਨ.ਆਈ.): ਮੁੱਖ ਆਰਥਿਕ ਸਲਾਹਕਾਰ ਵੀ ਅਨੰਥਾ ਨਾਗੇਸ਼ਵਰਨ ਨੇ ਕਿਹਾ ਹੈ ਕਿ ਭਾਰਤ ਸਭ ਤੋਂ ਤੇਜ਼ੀ ਨਾਲ ਵਿਕਾਸ ਕਰਨ ਵਾਲੀ ਪ੍ਰਮੁੱਖ ਅਰਥਵਿਵਸਥਾ ਬਣਿਆ ਹੋਇਆ ਹੈ ਅਤੇ ਗਲੋਬਲ ਏਜੰਸੀਆਂ ਭਾਰਤ ਵਿਚ ਸੰਭਾਵਿਤ ਜੀ.ਡੀ.ਪੀ. ਵਿਕਾਸ ਦਰ ਦੇ ਆਪਣੇ ਅਨੁਮਾਨ ਨੂੰ ਮੁੜ ਮੁਲਾਂਕਣ ਕਰਨਗੀਆਂ, ਜੋ ਕਿ ਵੱਧ ਨਹੀਂ ਤਾਂ 7 ਪ੍ਰਤੀਸ਼ਤ ਦੇ ਨੇੜੇ ਹੈ । ਤੀਜੀ ਤਿਮਾਹੀ ਦੇ ਜੀ.ਡੀ.ਪੀ. ਵਿਕਾਸ ਦਰ ਦੇ ਅੰਕੜੇ ਜਾਰੀ ਕੀਤੇ ਜਾਣ ਤੋਂ ਬਾਅਦ ਇਕ ਵਰਚੁਅਲ ਮੀਡੀਆ ਬ੍ਰੀਫਿੰਗ ਵਿਚ, ਨਾਗੇਸ਼ਵਰਨ ਨੇ ਕਿਹਾ ਕਿ ਭਾਰਤ ਸਭ ਤੋਂ ਤੇਜ਼ੀ ਨਾਲ ਵਿਕਾਸ ਕਰਨ ਵਾਲੀ ਅਰਥਵਿਵਸਥਾ ਦੇ ਰੂਪ ਵਿਚ ਖੜ੍ਹਾ ਹੈ।