ਖ਼ੇਤ ਵਿਚ ਮਿਲਿਆ ਜ਼ਿੰਦਾ ਮੋਰਟਾਰ, ਲੋਕਾਂ ’ਚ ਦਹਿਸ਼ਤ

ਪਠਾਨਕੋਟ, 24 ਮਈ- ਪਠਾਨਕੋਟ ਦੇ ਪਿੰਡ ਸੋਲੀ ਭੋਲੀ ਵਿਖੇ ਇਕ ਪੈਲੀ ਵਿਚ ਮੋਰਟਾਰ ਮਿਲਣ ਕਾਰਨ ਲੋਕਾਂ ਵਿਚ ਦਹਿਸ਼ਤ ਬਣ ਗਈ ਅਤੇ ਲੋਕਾਂ ਵਲੋਂ ਮੌਕੇ ’ਤੇ ਪੁਲਿਸ ਨੂੰ ਬੁਲਾਇਆ ਗਿਆ। ਪੁਲਿਸ ਵਲੋਂ ਇਸ ਸੰਬੰਧੀ ਫ਼ੌਜ ਨੂੰ ਵੀ ਸੂਚਿਤ ਕੀਤਾ ਗਿਆ ਅਤੇ ਫ਼ੌਜ ਦੀ ਟੀਮ ਨੇ ਮੌਕੇ ’ਤੇ ਪਹੁੰਚ ਕੇ ਜ਼ਿੰਦਾ ਮੋਰਟਾਰ ਨੂੰ ਡਿਫਿਊਜ਼ ਕੀਤਾ ਗਿਆ। ਇਸ ਮੌਕੇ ਪਿੰਡ ਦੇ ਸਰਪੰਚ ਦਾ ਕਹਿਣਾ ਸੀ ਕਿ ਬੀਰ ਸਿੰਘ ਨਾਂਅ ਦੇ ਇਕ ਵਿਅਕਤੀ ਦੀ ਪੈਲੀ ਵਿਚ ਇਹ ਮੋਰਟਾਰ ਉਸ ਦੇ ਬੇਟੇ ਵਲੋਂ ਦੇਖਿਆ ਗਿਆ ਸੀ ਅਤੇ ਉਸ ਤੋਂ ਬਾਅਦ ਹੀ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ।