ਮੰਡਿਆਲਾਂ, ਹੁਸ਼ਿਆਰਪੁਰ ਟੈਂਕਰ ਹਾਦਸਾ, ਮਰਨ ਵਾਲਿਆਂ ਦੀ ਗਿਣਤੀ ਹੋਈ 5

ਨਸਰਾਲਾ (ਹੁਸ਼ਿਆਰਪੁਰ), 24 ਅਗਸਤ (ਸਤਵੰਤ ਸਿੰਘ ਥਿਆੜਾ) - ਮਡਿਆਲਾਂ, ਹੁਸ਼ਿਆਰਪੁਰ ਗੈਸ ਟੈਂਕਰ ਹਾਦਸੇ ਵਿਚ ਮਰਨ ਵਾਲਿਆ ਦੀ ਗਿਣਤੀ ਵਿਚ ਵਾਧਾ ਹੋਇਆ ਹੈ, ਹੁਣ ਤੱਕ ਮਰਨ ਵਾਲਿਆ ਦੀ ਗਿਣਤੀ 5 ਹੋ ਗਈ ਹੈ।
ਇਸ ਸੰਬੰਧੀ ਪਿੰਡ ਮਡਿਆਲਾਂ ਦੇ ਵਾਸੀਆਂ ਨੇ ਦੱਸਿਆ ਕਿ ਮਰਨ ਵਾਲਿਆਂ ਵਿਚ ਬਲਵੰਤ ਰਾਏ, ਸੁਖਜੀਤ ਸਿੰਘ, ਜਸਵਿੰਦਰ ਕੌਰ ਤੇ ਉਸਦਾ ਪਤੀ ਮਨਜੀਤ ਸਿੰਘ ਅਤੇ ਪ੍ਰਵਾਸੀ ਭਗਵਾਨ ਸਿੰਘ ਦਾ ਬੇਟਾ ਅਜੇ ਸ਼ਾਮਿਲ ਹਨ। ਇਹ ਪ੍ਰਵਾਸੀ ਪਰਿਵਾਰ ਲੰਮੇ ਸਮੇਂ ਤੋਂ ਇਸੇ ਪਿੰਡ ਵਿਚ ਰਹਿਦਾ ਹੈ । ਇਸ ਮੰਦਭਾਗੀ ਘਟਨਾ ਨਾਲ ਜਿਥੇ ਪਿੰਡ ਮਡਿਆਲਾਂ ਵਿਚ ਮਾਤਮ ਛਾਇਆ ਹੋਇਆ ਹੈ, ਉਥੇ ਹੀ ਪੂਰੇ ਇਲਾਕੇ ਵਿਚ ਸੋਗ ਦੀ ਲਹਿਰ ਦੌੜ ਗਈ ਹੈ।