ਸਾਲਾਨਾ ਰੱਖਿਆ ਗੱਲਬਾਤ: ਭਾਰਤ-ਫਰਾਂਸ ਨੇ ਹੈਮਰ ਮਿਜ਼ਾਈਲਾਂ 'ਤੇ ਸਮਝੌਤਿਆਂ 'ਤੇ ਕੀਤੇ ਦਸਤਖ਼ਤ
ਬੈਂਗਲੁਰੂ (ਕਰਨਾਟਕ), 17 ਫਰਵਰੀ (ਏਐਨਆਈ): ਭਾਰਤ ਅਤੇ ਫਰਾਂਸ ਨੇ ਹੈਮਰ ਮਿਜ਼ਾਈਲਾਂ ਦੇ ਉਤਪਾਦਨ 'ਤੇ ਸਮਝੌਤਿਆਂ ਅਤੇ 10-ਸਾਲਾ ਰੱਖਿਆ ਸਹਿਯੋਗ ਸਮਝੌਤਾ 'ਤੇ ਦਸਤਖ਼ਤ ਕੀਤੇ। ਇਨ੍ਹਾਂ ਸਮਝੌਤਿਆਂ 'ਤੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਅਤੇ ਉਨ੍ਹਾਂ ਦੇ ਫਰਾਂਸੀਸੀ ਹਮਰੁਤਬਾ, ਕੈਥਰੀਨ ਵੌਟਰਿਨ ਦੀ ਮੌਜੂਦਗੀ ਵਿਚ ਹਸਤਾਖ਼ਰ ਕੀਤੇ ਗਏ। ਰਾਜਨਾਥ ਸਿੰਘ ਅਤੇ ਕੈਥਰੀਨ ਵੌਟਰਿਨ ਨੇ ਬੰਗਲੁਰੂ ਵਿਚ 6ਵੇਂ ਭਾਰਤ-ਫਰਾਂਸ ਸਾਲਾਨਾ ਰੱਖਿਆ ਸੰਵਾਦ ਦੀ ਸਹਿ-ਪ੍ਰਧਾਨਗੀ ਕੀਤੀ। ਰੱਖਿਆ ਸੰਵਾਦ ਦੌਰਾਨ, ਭਾਰਤ ਅਤੇ ਫਰਾਂਸ ਵਿਚਕਾਰ 2 ਸਮਝੌਤਿਆਂ (ਐਮ.ਓ.ਯੂ.) ਦਾ ਆਦਾਨ-ਪ੍ਰਦਾਨ ਕੀਤਾ ਗਿਆ।
ਪਹਿਲਾ ਸਮਝੌਤਾ 10-ਸਾਲਾ ਰੱਖਿਆ ਸਹਿਯੋਗ ਸਮਝੌਤੇ ਵਿਚ ਸੋਧਾਂ ਅਤੇ ਨਵੀਨੀਕਰਨ ਨਾਲ ਸੰਬੰਧਿਤ ਹੈ, ਜਿਸ 'ਤੇ ਭਾਰਤੀ ਰੱਖਿਆ ਸਕੱਤਰ ਰਾਜੇਸ਼ ਕੁਮਾਰ ਸਿੰਘ ਅਤੇ ਫਰਾਂਸ ਦੇ ਅੰਤਰਰਾਸ਼ਟਰੀ ਸੰਬੰਧਾਂ ਅਤੇ ਰਣਨੀਤੀ ਦੇ ਡਿਪਟੀ ਡਾਇਰੈਕਟਰ ਜਨਰਲ, ਲੈਫਟੀਨੈਂਟ ਜਨਰਲ ਏਰਿਕ ਪੈਲਟੀਅਰ ਦੁਆਰਾ ਦਸਤਖ਼ਤ ਕੀਤੇ ਗਏ ਹਨ। ਹੈਮਰ ਮਿਜ਼ਾਈਲਾਂ ਦੇ ਨਿਰਮਾਣ ਲਈ ਇਕ ਸਾਂਝੇ ਉੱਦਮ 'ਤੇ ਦੂਜਾ ਸਮਝੌਤਾ ਭਾਰਤ ਇਲੈਕਟ੍ਰਾਨਿਕਸ ਲਿਮਟਿਡ ਦੇ ਚੇਅਰਮੈਨ ਅਤੇ ਐਮਡੀ, ਮਨੋਜ ਜੈਨ, ਅਤੇ ਸਫਰਾਨ ਇਲੈਕਟ੍ਰਾਨਿਕਸ ਅਤੇ ਰੱਖਿਆ ਦੇ ਕਾਰਜਕਾਰੀ ਉਪ-ਪ੍ਰਧਾਨ ਅਤੇ ਰੱਖਿਆ ਨਿਰਦੇਸ਼ਕ, ਅਲੈਗਜ਼ੈਂਡਰ ਜ਼ੀਗਲਰ ਵਿਚਕਾਰ ਹਸਤਾਖ਼ਰ ਅਤੇ ਆਦਾਨ-ਪ੍ਰਦਾਨ ਕੀਤਾ ਗਿਆ।
6ਵੇਂ ਸਾਲਾਨਾ ਰੱਖਿਆ ਸੰਵਾਦ ਵਿੱਚ ਆਪਣੇ ਸਵਾਗਤੀ ਭਾਸ਼ਣ ਵਿਚ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਫਰਾਂਸ ਦੇ ਸਹਿਯੋਗ ਦੀ ਪ੍ਰਸ਼ੰਸਾ ਕੀਤੀ। ਉਨ੍ਹਾਂ ਕਿਹਾ, "ਭਾਰਤ ਰਣਨੀਤਕ ਖੁਦਮੁਖਤਿਆਰੀ ਅਤੇ ਇਕ ਮਜ਼ਬੂਤ ਯੂਰਪੀ ਰੱਖਿਆ ਰੁਖ ਪ੍ਰਤੀ ਫਰਾਂਸ ਦੀ ਦ੍ਰਿੜ ਵਚਨਬੱਧਤਾ ਦੀ ਦਿਲੋਂ ਕਦਰ ਕਰਦਾ ਹੈ। ਹਾਲ ਹੀ ਵਿਚ ਭਾਰਤ-ਈਯੂ ਸੁਰੱਖਿਆ ਅਤੇ ਰੱਖਿਆ ਸਾਂਝੇਦਾਰੀ ਸਾਡੀ ਸਮੂਹਿਕ ਸ਼ਮੂਲੀਅਤ ਨੂੰ ਡੂੰਘਾ ਕਰਨ ਵਿਚ ਇਕ ਮਹੱਤਵਪੂਰਨ ਕਦਮ ਦੀ ਨਿਸ਼ਾਨਦੇਹੀ ਕਰਦੀ ਹੈ। ਅਸੀਂ ਖੇਤਰੀ ਸਥਿਰਤਾ ਨੂੰ ਮਜ਼ਬੂਤ ਕਰਨ, ਸਾਡੀਆਂ ਸਾਂਝੀਆਂ ਸਮਰੱਥਾਵਾਂ ਨੂੰ ਵਧਾਉਣ ਅਤੇ ਸਥਾਈ ਭਾਰਤ-ਫਰਾਂਸੀਸੀ ਰਣਨੀਤਕ ਗੱਠਜੋੜ ਨੂੰ ਮਜ਼ਬੂਤ ਕਰਨ ਲਈ ਦੁਵੱਲੇ ਅਤੇ ਵਿਆਪਕ ਯੂਰਪੀ ਸੰਦਰਭ ਵਿਚ ਇਸ ਢਾਂਚੇ ਦਾ ਲਾਭ ਉਠਾਉਣ ਦੀ ਉਮੀਦ ਕਰਦੇ ਹਾਂ।"
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
