ਸਾਰਾ ਬਿਹਾਰ ਲਾਲੂ ਯਾਦਵ ਦੀ ਮਾਨਸਿਕਤਾ ਤੋਂ ਜਾਣੂ ਹੈ - ਪ੍ਰਸ਼ਾਂਤ ਕਿਸ਼ੋਰ

ਸਾਸਾਰਾਮ (ਬਿਹਾਰ), 22 ਜੂਨ - ਜਨ ਸੂਰਜ ਦੇ ਸੰਸਥਾਪਕ ਪ੍ਰਸ਼ਾਂਤ ਕਿਸ਼ੋਰ ਨੇ ਕਿਹਾ ਕਿ ਇਹ ਉਨ੍ਹਾਂ ਦੇ ਪਰਿਵਾਰ ਦੀ ਪਾਰਟੀ ਹੈ, ਉਹ ਪ੍ਰਧਾਨ ਰਹਿਣਗੇ। ਕਿਸੇ ਨੇ ਲਾਲੂ ਯਾਦਵ ਨੂੰ ਪੁੱਛਿਆ ਕਿ ਉਨ੍ਹਾਂ ਨੇ ਰਾਬੜੀ ਦੇਵੀ ਨੂੰ ਮੁੱਖ ਮੰਤਰੀ ਕਿਉਂ ਬਣਾਇਆ ? ਇਸ 'ਤੇ ਉਨ੍ਹਾਂ ਨੇ ਜਵਾਬ ਦਿੱਤਾ ਕਿ ਜੇ ਮੈਂ ਆਪਣੀ ਪਤਨੀ ਨੂੰ ਮੁੱਖ ਮੰਤਰੀ ਨਹੀਂ ਬਣਾਵਾਂਗਾ, ਤਾਂ ਕੀ ਮੈਂ ਤੁਹਾਡੀ ਪਤਨੀ ਨੂੰ ਮੁੱਖ ਮੰਤਰੀ ਬਣਾਵਾਂਗਾ? ਪੂਰਾ ਬਿਹਾਰ ਲਾਲੂ ਯਾਦਵ ਦੀ ਮਾਨਸਿਕਤਾ ਤੋਂ ਜਾਣੂ ਹੈ। ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਵਲੋਂ ਪੈਨਸ਼ਨ ਰਾਸ਼ੀ ਵਿਚ ਵਾਧੇ ਦੇ ਐਲਾਨ 'ਤੇ ਉਨ੍ਹਾਂ ਕਿਹਾ ਕਿ ਨਿਤਿਸ਼ ਕੁਮਾਰ ਨੇ 1100 ਨਹੀਂ ਕੀਤੇ, ਇਹ ਜਨਤਕ ਦਬਾਅ ਹੈ ਕਿ ਜੋ 400 ਰੁਪਏ ਦਿੱਤੇ ਜਾ ਰਹੇ ਸਨ, ਉਹ ਹੁਣ 1100 ਹੋ ਗਏ ਹਨ । ਛੱਠ ਤੋਂ ਬਾਅਦ ਸਾਰਿਆਂ ਨੂੰ 2000 ਮਿਲਣੇ ਚਾਹੀਦੇ ਹਨ।