ਟੱਲੇਵਾਲ 11 ਮਈ, (ਸੋਨੀ ਚੀਮਾ)- ਜਿਲ੍ਹਾ ਬਰਨਾਲਾ ਦੇ ਹਲਕਾ ਮਹਿਲ ਕਲ੍ਹਾਂ ਅਧੀਨ ਆਉਂਦੇ ਸਰਕਲ ਟੱਲੇਵਾਲ ਸਮੇਤ ਆਸ ਪਾਸ ਦੇ ਪਿੰਡਾਂ ਵਿਚ ਅੱਜ ਬਾਅਦ ਦੁਪਹਿਰ ਅਚਾਨਕ ਤੇਜ਼ ਹਨੇਰੀ, ਮੀਂਹ ਅਤੇ ਭਾਰੀ ਗੜ੍ਹੇਮਾਰੀ ਨੇ ਜ਼ਿੰਦਗੀ ਨੂੰ ਪ੍ਰਭਾਵਿਤ ਕਰ ਦਿੱਤਾ। ਉਕਤ ਕੁਦਰਤੀ ਮਾਰ ਨਾਲ ਜਿੱਥੇ ਬਿਜਲੀ ਖੰਭਿਆ ਦੇ ਟੁੱਟਣ ਤੋਂ ਇਲਾਵਾ ਲੋਕਾਂ ਦੇ ਘਰਾਂ ਦੇ ਸੈੱਡਾ ਦਾ ਨੁਕਸਾਨ ਹੋਇਆ, ਉੱਥੇ ਗੜ੍ਹੇਮਾਰੀ ਅਤੇ ਤੇਜ਼ ਹਵਾਵਾਂ ਕਾਰਨ ਫਸਲਾਂ, ਸਬਜ਼ੀਆਂ ਅਤੇ ਹਰੇ ਚਾਰੇ ਨੂੰ ਭਾਰੀ ਨੁਕਸਾਨ ਹੋ ਗਿਆ।
ਤੇਜ਼ ਤੂਫਾਨ ਅਤੇ ਗੜੇਮਾਰੀ ਨੇ ਮੂੰਗੀ, ਮੱਕੀ ਤੋਂ ਇਲਾਵਾ ਸਬਜ਼ੀਆਂ ਦੀ ਕਾਸਤ ਕਰਨ ਵਾਲੇ ਛੋਟੇ ਕਿਸਾਨਾਂ ਨੂੰ ਕੁਦਰਤੀ ਦਾ ਮਾਰ ਨੇ ਆਰਥਿਕ ਕੱਖੋ ਹੌਲੇ ਕਰ ਦਿੱਤਾ। ਇਹ ਗੜ੍ਹੇਮਾਰੀ ਨਾਲ ਪਿੰਡ ਟੱਲੇਵਾਲ, ਭੋਤਨਾ, ਬੀਹਲਾ, ਗਹਿਲ, ਨਰਾਇਣਗੜ੍ਹ, ਸੋਹੀਆ, ਦੀਵਾਨਾ ਅਤੇ ਆਸ-ਪਾਸ ਦੇ ਕਈ ਹੋਰ ਪਿੰਡਾਂ ਵਿਚ ਗੜ੍ਹੇਮਾਰੀ ਸਬਜ਼ੀਆਂ, ਮੱਕੀ, ਫਲਾਂ ਅਤੇ ਹਰੇ ਚਾਰੇ ਲਈ ਬਹੁਤ ਨੁਕਸਾਨਦਾਇਕ ਸਾਬਤ ਹੋਈ ਹੈ ।
