ਪਟਿਆਲਾ, 5 ਸਤੰਬਰ (ਪੀ. ਟੀ. ਆਈ.)-ਭਾਰਤ ਦਾ ਸਭ ਤੋਂ ਸਫਲ ਸ਼ਾਟ ਪੁੱਟ ਖਿਡਾਰੀ ਤਜਿੰਦਰਪਾਲ ਸਿੰਘ ਤੂਰ (31) ਲੰਬੇ ਸਮੇਂ ਤੋਂ ਉਡੀਕੀ ਜਾ ਰਹੀ 22 ਮੀਟਰ ਦੀ ਰੁਕਾਵਟ ਨੂੰ ਪਾਰ ਕਰਨਾ ਚਾਹੁੰਦਾ ਹੈ ਅਤੇ ਅਗਲੀ ਪੀੜ੍ਹੀ ਲਈ ਇਕ ਮਾਪਦੰਡ ਸਥਾਪਤ ਕਰਨਾ ਚਾਹੁੰਦਾ ਹੈ, ਜਿਵੇਂ ਨੀਰਜ ਚੋਪੜਾ ਨੇ ਦੇਸ਼ ਦੇ ਨੌਜਵਾਨ ਨੇਜੇਬਾਜ਼ ਖਿਡਾਰੀਆਂ ਲਈ ਕੀਤਾ ਹੈ।ਰਾਸ਼ਟਰੀ ਰਿਕਾਰਡ ਧਾਰਕ ਤੂਰ, ਜਿਸ ਦਾ ਨਿੱਜੀ ਸਰਬੋਤਮ 21.77 ਮੀਟਰ ਹੈ, ਚਾਹੁੰਦਾ ਹੈ ਕਿ ਭਾਰਤੀ ਸ਼ਾਟ ਪੁੱਟ ਇਕ ਅਜਿਹੇ ਪੜਾਅ ‘ਤੇ ਪਹੁੰਚਣ ਜਿਥੇ 20 ਮੀਟਰ ਅਤੇ 21 ਮੀਟਰ ਨੂੰ ਹੁਣ ਅਸਧਾਰਨ ਦੂਰੀ ਨਹੀਂ ਮੰਨਿਆ ਜਾਂਦਾ ਹੈ। ਤੂਰ ਨੇ ਕਿਹਾ ਕਿ ਇਹ ਮੇਰਾ ਟੀਚਾ ਅਤੇ ਸੁਪਨਾ ਹੈ ਕਿ ਮੈਂ 22 ਮੀਟਰ ਸੁੱਟਾਂ ਅਤੇ ਇਕ ਰਾਸ਼ਟਰੀ ਰਿਕਾਰਡ ਬਣਾਵਾਂ ਤਾਂ ਜੋ ਭਾਰਤੀ ਸ਼ਾਟ ਪੁੱਟਰਾਂ ਦੀ ਨੌਜਵਾਨ ਪੀੜ੍ਹੀ ਸੋਚੇ ਕਿ 21 ਮੀਟਰ ਕੁਝ ਵੀ ਨਹੀਂ ਹੈ।
