ਕਾਠਗੜ੍ਹ, 31 ਅਗਸਤ (ਹਰਸਿਮਰਨ ਜੋਤ ਸਿੰਘ ਕਲੇਰ)-ਬਾਬਾ ਸਿੱਧ ਚਾਨੋ ਦਾ ਪਿੰਡ ਨਿੱਘੀ ਦਾ ਛਿੰਝ ਮੇਲਾ ਜੋ ਕਿ 2 ਸਤੰਬਰ ਨੂੰ ਹੋਣਾ ਸੀ, ਭਾਰੀ ਮੀਂਹ ਦੇ ਮੌਸਮ ਨੂੰ ਮੁੱਖ ਰੱਖਦਿਆਂ ਹੋਇਆਂ ਪਿੰਡ ਵਾਸੀਆਂ ਵੱਲੋਂ ਇਹ ਛਿੰਝ ਮੇਲਾ ਰੱਦ ਦਿੱਤਾ ਗਿਆ ਹੈ | ਇਹ ਛਿੰਝ ਮੇਲਾ ਅਗਲੇ ਦਿਨਾਂ ਵਿੱਚ ਕਰਵਾਇਆ ਜਾਵੇਗਾ | ਸਰਪੰਚ ਗੁਰਮੁਖ ਸਿੰਘ ਅਤੇ ਸਾਬਕਾ ਸਰਪੰਚ ਕੁਲਦੀਪ ਸਿੰਘ ਦੀਪਾ ਨਿੱਘੀ ਨੇ ਦੱਸਿਆ ਕਿ ਬਰਸਾਤ ਜ਼ਿਆਦਾ ਹੋਣ ਦੇ ਕਾਰਨ ਜਿਹੜਾ ਛਿੰਝ ਮੇਲਾ 2 ਸਤੰਬਰ ਨੂੰ ਹੋਣਾ ਸੀ ਉਹ ਮੌਸਮ ਨੂੰ ਦੇਖਦਿਆਂ ਹੋਇਆ ਰੱਦ ਕਰ ਦਿੱਤਾ ਗਿਆ ਹੈ | ਉਹਨਾਂ ਦੱਸਿਆ ਕਿ ਇਹ ਛਿੰਝ ਮੇਲਾ ਜਿਹੜੀ ਅਗਲੀ ਤਰੀਕ ਨੂੰ ਕਰਵਾਇਆ ਜਾਣਾ ਹੈ, ਉਸ ਦੀ ਜਾਣਕਾਰੀ ਆਉਣ ਵਾਲੇ ਦਿਨਾਂ ਵਿਚ ਦੇ ਦਿੱਤੀ ਜਾਵੇਗੀ | ਇਸ ਮੌਕੇ ਕਾਬਲ ਸਿੰਘ ਚੇਚੀ, ਨੰਬਰਦਾਰ ਸੰਦੀਪ ਕੁਮਾਰ, ਬਲਵੀਰ ਚੰਦ ਨਿੱਘੀ, ਸੁਖਦੇਵ ਰਾਜ, ਰਾਮ ਦਾਸ, ਸੁਰਿੰਦਰ ਪਾਲ, ਵਿਜੇ ਕੁਮਾਰ, ਬਲਵਿੰਦਰ ਕੁਮਾਰ, ਰੂਪ ਲਾਲ, ਸਮੀਰ ਆਦਿ ਮੌਜੂਦ ਸਨ |
