ਜੋਗਾ, 22 ਨਵੰਬਰ (ਘੜੈਲੀ)-ਮਾਈ ਭਾਗੋ ਡਿਗਰੀ ਕਾਲਜ ਰੱਲਾ ਦੇ ਵਿਦਿਆਰਥੀਆਂ ਵਲੋਂ ਅੰਤਰਰਾਜੀ ਵਿੱਦਿਅਕ ਟੂਰ ਲਗਾਇਆ ਗਿਆ | ਵਿਦਿਆਰਥੀਆਂ ਨੂੰ ਸ਼ਿਮਲਾ, ਕੁਫਰੀ, ਪਿੰਜੌਰ ਅਤੇ ਨਾਡਾ ਸਾਹਿਬ ਵਰਗੀਆਂ ਪ੍ਰਸਿੱਧ ਤੇ ਇਤਿਹਾਸਕ ਥਾਵਾਂ ਦਾ ਦੌਰਾ ਕਰਵਾਇਆ ਗਿਆ | ਕੁਫਰੀ ਵਿਖੇ ਚੈਲ ਪੈਲਿਸ, ਹਿਮਾਲਯਨ ਨੇਚਰ ਪਾਰਕ, ਸਨੋ-ਵਿਊ ਪਾਇੰਟ ਅਤੇ ਵੱਖ-ਵੱਖ ਐਡਵੈਂਚਰ ਗਤੀਵਿਧੀਆਂ ਦਾ ਆਨੰਦ ਮਾਣਿਆ, ਜਿੱਥੇ ਉਨ੍ਹਾਂ ਨੂੰ ਹਿਮਾਚਲ ਦੀ ਜੰਗਲੀ ਜੀਵ ਵਿਭਿੰਨਤਾ ਜਿਵੇਂ ਕਸ਼ਮੀਰੀ ਹਿਰਨ, ਹਿਮਾਲਿਆਈ ਭਾਲੂ, ਬਰਫ਼ੀਲੇ ਤਿੰਦੂਏ, ਪਹਾੜੀ ਪੰਛੀਆਂ ਅਤੇ ਦੁਲਰਭ ਪ੍ਰਜਾਤੀਆਂ ਨਾਲ ਸੰਬੰਧਿਤ ਮਹੱਤਵਪੂਰਨ ਜਾਣਕਾਰੀ ਮਿਲੀ | ਸ਼ਿਮਲਾ ਦੀ ਮਾਲ ਰੋਡ, ਕ੍ਰਾਈਸਟ ਚਰਚ, ਰਿਜ ਮੈਦਾਨ ਅਤੇ ਬਿ੍ਟਿਸ਼ ਰਾਜ ਦੀਆਂ ਪ੍ਰਾਚੀਨ ਇਮਾਰਤਾਂ ਦਾ ਦੌਰਾ ਕੀਤਾ | ਵਾਪਸੀ ਦੌਰਾਨ ਪਿੰਜੌਰ ਗਾਰਡਨ 'ਚ ਫੇਰੀ ਪਾਉਣ ਦੇ ਨਾਲ ਹੀ ਨਾਡਾ ਸਾਹਿਬ ਗੁਰਦੁਆਰਾ ਵਿਖੇ ਨਤਮਸਤਕ ਹੋਏ | ਟੂਰ ਦੀ ਅਗਵਾਈ ਕੋਆਰਡੀਨੇਟਰ ਹਰਪ੍ਰੀਤ ਸਿੰਘ, ਸਹਾਇਕ ਪ੍ਰੋਫੈਸਰ ਬੇਅੰਤ ਕੌਰ, ਪਰਮਜੀਤ ਕੌਰ ਤੇ ਮਨਪ੍ਰੀਤ ਸਿੰਘ ਨੇ ਨਿਭਾਈ |
