ਸ੍ਰੀ ਚਮਕੌਰ ਸਾਹਿਬ, 16 ਜੂਨ (ਜਗਮੋਹਣ ਸਿੰਘ ਨਾਰੰਗ)-ਅੱਜ ਸ਼ਾਮ ਸ੍ਰੀ ਚਮਕੌਰ ਸਾਹਿਬ ਖੇਤਰ 'ਚ ਪਏ ਭਾਰੀ ਮੀਂਹ ਕਾਰਨ ਨੀਵੀਂਆਂ ਥਾਵਾਂ 'ਤੇ ਪਾਣੀ ਭਰ ਗਿਆ ਤੇ ਸੜਕਾਂ 'ਤੇ ਫੁੱਟ-ਫੁੱਟ ਪਾਣੀ ਚੱਲ ਰਿਹਾ ਸੀ | ਇਥੇ ਨਿਰਮਾਣ ਅਧੀਨ ਸਰਕਾਰੀ ਹਸਪਤਾਲ ਦੀ ਨਵੀਂ ਇਮਾਰਤ ਦੇ ਬਾਹਰ ਲੱਗਾ ਸ਼ੈੱਡ ਵੀ ਟੁੱਟ ਗਿਆ | ਇਸ ਮੀਂਹ ਨਾਲ ਭਾਵੇਂ ਕਿਸਾਨਾਂ ਨੂੰ ਝੋਨੇ ਦੀ ਲਵਾਈ ਲਈ ਬਹੁਤ ਰਾਹਤ ਮਿਲੀ ਹੈ ਤੇ ਗਰਮੀ 'ਚ ਝੁਲਸ ਰਿਹਾ ਆਮ ਆਦਮੀ ਵੀ ਰਾਹਤ ਮਹਿਸੁਸ ਕਰ ਰਿਹਾ ਹੈ ਪਰ ਇਕ ਘੰਟੇ ਦੀ ਹੋਈ ਮੋਹਲੇਧਾਰ ਬਰਸਾਤ ਨੇ ਇਲਾਕੇ ਅੰਦਰ ਲੋਕਾਂ ਨੂੰ ਨੁਕਸਾਨ ਵੀ ਪਹੁੰਚਾਇਆ ਹੈ |
